TITUS
Frik, Diwan
Part No. 20
Previous part

Poem: 20   Ի.
Line: 1  Verse: 1   ՆՈՐԻՆ ՖԸՐԿԱՆՆ
Line: 2  Verse: 2   ասացեալ
Line: 3  Verse: 3   ԽՐԱՏ
Line: 4  7-3-5


Line: 5  Verse: 4     Եկայք, որ ի բաց թողունք զայս խաբող կեանքս, որ չի խաբինք,
Line: 6  Verse: 5     Երթանք զայն տեղիքն ուզենք, որ ունինք ումէդ՝ թէ ապրինք։
Line: 7  Verse: 6     Այս կեանքս է շատ ոք խաբել՝ չի ասել իսկի թէ հերիք,
Line: 8  Verse: 7     Ջանա́ ասդէնս ճար արա, որ չ̆ըլնիս յանդէնն խոտելիք։
Line: 9  Verse: 8     Յաստէնս զինչ ուրախ կենաս՝ ի յանդէնն ես դառն ու լալիք,
Line: 10  Verse: 9     Յաստէնս թէ քընքուշ կենաս՝ անդ պահած է շատ տանջելիք։
Line: 11  Verse: 10     Շատ ոք խաբեցան աստէնս՝ անդ եղեն հըրոյն վառելիք,

Page: 349  
Line: 1  Verse: 11     Երբ դու կու թափես ըզքեզ, է՞ր կըկնիս ի մարդու կարիք։
Line: 2  Verse: 12     Զամէն ապիրատ խաւսիք ւ̆անիհուն գործէք դուք չարիք,
Line: 3  Verse: 13     Զինչ գող կայ ընկեր դառնաք ու հետ շան բաժին դընէիք։
Line: 4  Verse: 14     ԶԻմ սուրբ եւ ահեղ անունս ի ձեր պիղծ բերանդ առնուիք,
Line: 5  Verse: 15     Մի՞թէ Ես նըման եմ ձեզ՝ արբեցող եւ շուն ու պոռնիկ։
Line: 6  Verse: 16     Չ̆գիտէք թէ աչաւքս առնեմ՝ նա́յ կու տամ զձեր հողն ի քամիք,
Line: 7  Verse: 17     Տանի յայն տեղին կուտէ, ուր խաւարն է սառնամանիք։
Line: 8  Verse: 18     Մինչեւ որ յարութիւն լինի՝ անդ պահեմ որ դուք այլ տանջիք,
Line: 9  Verse: 19     Յորժամ հըրեղէն գետըն ցոլանայ՝ զինչ անդ կաք՝ այրիք։

Page: 350  
Line: 1  Verse: 20     Չ̆աւգտէ փոշըմնիլն յէգուց, քե́զ ասեմ դու լըսէ Ֆըրիկ,
Line: 2  Verse: 21     Զինչ որ մեծատունն եղաւ՝ սեւերես ու խիստ անյարգիք։
Line: 3  Verse: 22     Որ դուք չը հայիք ի հուրն ւ̆ի զատէ այրիք, պապակիք,
Line: 4  Verse: 23     Յետոյ չի թափէ ըզձեզ՝ ո́չ բեհեզ, եւ ո́չ ծիրանիք։
Line: 5  Verse: 24     Զինչ մարմնոյդ ւ̆անձիդ համար դատեցար դու շատ մի տարիք,
Line: 6  Verse: 25     Ամէնն ի քամին գընաց եւ ի քուն կացեր դու հերիք։
Line: 7  Verse: 26     Զարթիր՝ քեզ թաբդիր արա եւ գործէ սակաւ մի բարիք,
Line: 8  Verse: 27     Ի պահք ւ̆ի յաղաւթք կացիր, մի́ գործեր դու մեղք ու չարիք։
Line: 9  Verse: 28     Զինչ որ քեզ կու տայ Աստուած՝ տուր նորա, որ խիստ է կարիք,
Line: 10  Verse: 29     Որ ի յարութեան աւրըն քեզ փոխան տայ շատ մի բարիք։
Line: 11  Verse: 30     Ապա թէ ճապաղ կենաս եւ նըստիս մաւտ ի յանյարգիք,
Line: 12  Verse: 31     Աստէնս դու դատես ըզքեզ, ւ̆անդէնին տանջանքն աւելիք։

Page: 351  
Line: 1  Verse: 32     Զինչ որ իմաստուն կուսանքն են պատրաստ՝ դուք հանց կու պիտիք,
Line: 2  Verse: 33     Որ երբ դուռն ի յետ բացուի, յընկերաց դուք ո́չ բաժանիք։
Line: 3  Verse: 34     Ճարակ դուք հանցեղ արէք, յիմարաց դասըն չի խառնիք,
Line: 4  Verse: 35     Աստից թէ ջահով ելնէք՝ իմաստնոցն ընկեր կու լինիք։
Line: 5  Verse: 36     Աճապ ամ, յէ՞ր կու դատիս յաշխարհիս երակ դու, Ֆըրիկ,
Line: 6  Verse: 37     Ո՛չ տուն ւ̆ոչ տեղիք ունիս, եւ ո́չ կին, ո́չ դուստր ու որդիք։
Line: 7  Verse: 38     Ա̆մ, հանց ընկեր քո բաղդն ու տալեֆն ինչ կայ կարիք,
Line: 8  Verse: 39     Դու վազես յերկիր ի ներս ւ̆ամէնըն սուտ է եւ քամիք։
Line: 9  Verse: 40     Քանի՞ ժողովես դու գանձ ու ղումաշ ու շատ մի բարիք,
Line: 10  Verse: 41     Երբ վայելեցեր զաշխարհս ի լըման դու շատ մի տարիք,
Line: 11  Verse: 42     Երբ դու չի տուիր ձեռաւքդ աղքատաց ւ̆արիր քեզ հոգիք,
Line: 12  Verse: 43     Հաշուենք թ̆անպըտուղ փայտ ես՝ կըրակին լինիս վառելիք։

Page: 352  
Line: 1  Verse: 44     Ջանա́ ու քեզ ճար արա́՝ կեանքըս չէ մարդուս մընալիք,
Line: 2  Verse: 45     Քո սեւդ ի սպիտակ դարձաւ, հըրաւէր երեկ՝ թէ արիք։
Line: 3  Verse: 46     Թէ խելք ու բասար ունիս եւ հոգուդ պաշար, դու Ֆըրիկ,
Line: 4  Verse: 47     Զգինին ի գըլխոյդ թափէ եւ շինէ անդէնն հայրենիք։
Line: 5  Verse: 48     Հաւասար լսեցէք ամէնքդ եւ ի չարըն մի նախանձիք,
Line: 6  Verse: 49     Գէշըն չի մընար մարդոյ, չար ումեք իսկի մի́ կամիք։
Line: 7  Verse: 50     Թէ բարոյ պատճառ լինիք՝ նա՜յ յերկու դիմաց կու շահիք,
Line: 8  Verse: 51     Աստէնս դուք անուն առնուք, անդէնին բարուն հասանիք։
Line: 9  Verse: 52     Երբ սըրտի ականջ ունիք քան զ̆գլխոյ ականջն աւելիք,
Line: 10  Verse: 53     Ձեզ պարտ է լըսել, եղբարք, յաշխարհի աստ դուք մի́ խաբիք։
Line: 11  Verse: 54     Մեր Տէրն ի յերկնից իջաւ, քարոզեց առ ադամորդիք,
Line: 12  Verse: 55     Զայս կեանքս ի յոչինչ եդիր՝ այն կենացն, ասաց, ցանկայիք։
Line: 13  Verse: 56     Խելաւք մի հարցուկս եղայ, թէ ունիմ ես առ քեզ կարիք,
Line: 14  Verse: 57     Թէ դու ինձ խըրատ մի տաս՝ ծառայեմ քեզ շատ մի տարիք։
Line: 15  Verse: 58     Ասաց թէ՝ չարէն փախիր եւ գործէ դու յերկրի բարիք,
Line: 16  Verse: 59     Դարձիր յԱրարիչըն քո եւ մեղացդ ասա́ դու հերիք։
Line: 17  Verse: 60     Այն մարդն, որ խելաւք լինի՝ այս ամէն խ̆րատս է հերիք,
Line: 18  Verse: 61     Ի սըրտին ականջն առնու եւ պահէ ըզսա շատ տարիք։

Page: 353  
Line: 1  Verse: 62     Ապա թէ չաւգտիս յիւրմէս, նա́յ հաշուէ, թէ ինքն է քամիք,
Line: 2  Verse: 63     Յիմար ու յանգէտն ի մաւտ՝ սա́ չարժէ ափով մը թըրիք։
Line: 3  Verse: 64     Յարմուտ պախի էշխի ջուզն է քուրա նա́ քուշանդ,
Line: 4  Verse: 65     Լաշար սիֆաթան ու ժիշտ խուրա, նա́ քուշանդ,
Line: 5  Verse: 66     Գարաշիշ իսադեղի զի քուշտան,
Line: 6  Verse: 67     Մագրէզ. մուրդ, արպուաթ հարանչի վա իրա նա́ քուշանդ։


Line: 7  ***


Page: 354  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.