TITUS
Koriwn, Vark Mastoci
Part No. 16
Previous part

Chapter: 16 
Page: 64 
Line: 12  [ԺԶ]


Line: 13       Ապա դարձեալ ելանէր, շրջէր զտեղեաւք կարգելովք եւ զգաւառաւքն
Line: 14    աշակերտելովք աշխարհին Հայոց, զուարթացուցանել, նորոգել եւ հաստա\տել։
Line: 15    Եւ յորժամ այնպէս ընդ ամենայն տեղիս լի առնէր զսուրբ աւե\տարան
Line: 16    Տեառն եւ ամենեցուն զգուշացուցեալ զկենաց ճանապարհն վա\րելոյ,
Line: 17    խորհուրդ առնէր այնուհետեւ վասն կէս ազգին Հայոց, որ էր
Line: 18    ընդ իշխանութեամբ թագաւորին Հոռոմոց։

Line: 19       Եւ փութացեալ գնայր հանդերձ աշակերտաւք բազմաւք անցանել ի
Line: 20    կողմանս Յունաց։ Եւ վասն առաւելագոյն բարեգործ համբաւուց՝ յա\ռաջագոյն
Line: 21    զնմանէ անդ ի հիւսիսական կողմանց հռչակելոց՝ առաւել
Line: 22    միամտութեամբ ընտանեբար յեպիսկոպոսաց աշխարհին եւ յիշխանաց եւ
Line: 23    ի գաւառականացն պատուեալ լինէր, մանաւանդ ի սպայապետէն աշ\խարհին,
Line: 24    որ անուանեալ կոչէր Անատողիս, ի մուտ ճանապարհին, որ
Line: 25    զիրս առաջի եդեալ՝ գրով ցուցանէր կայսերն, որում անուն Թէո\դոս
Line: 26    կոչէին, որդի Արկադու կայսեր. ուստի եւ հրաման ելանէր՝ վա\յելուչ
Line: 27    մեծարանաւք զՍուրբն՝ Ակումիտ անուն կոչելոյ։

Page: 66 
Line: 1       Իսկ նորա զբազմութիւն աշակերտացն տարեալ ի քաղաքն Մե\լիտինացւոց,
Line: 2    յանձն առնէր սրբոյ եպիսկոպոսի քաղաքին, որ Ակա\կիոսն
Line: 3    կոչէին, եւ գլխաւոր աշակերտացն թողոյր զայն, որում Ղեւոն\դէոսն
Line: 4    կոչէին, այր հաւատարիմ եւ ճշմարտապաշտ։ Եւ առեալ երանե\լոյն
Line: 5    զպատուական եպիսկոպոսն Դերջանոյ, որոյ անուն կոչէր Գինթ,
Line: 6    եւ զսակաւս յաշակերտաց անտի, եւ ելեալ յանդրուարն դիմոսական եւ
Line: 7    բազում պատիւ գտեալ, հասանէին ի թագաւորակաց քաղաքն Կոստան\դինական։
Line: 8    Զորմէ իսկոյն պատմէին յարքունիսն, եւ մտեալ առաջի պա\տուական
Line: 9    աթոռոյն՝ յանդիման լինէր աստուածակարգ թագաւորացն եւ
Line: 10    հայրապետին սրբոյ կաթուղիկոսին աշխարհամուտ դրանն, որում Ատ\տիկոս
Line: 11    կոչէին, յորոց եւ գտեալ շնորհս։ Հրամայեալ լինէր ժամանակս
Line: 12    ինչ անդէն ի տիեզերական քաղաքին մեծարել դարմանաւք կարգելովք
Line: 13    յեկեղեցւոյն եւ յարքունեաց եւ ի պատուական իշխանաց քաղաքին։

Line: 14       Եւ ապա յետ Պասեքին կատարելոյ՝ ցուցեալ կայսերն զպիտոյիցն
Line: 15    զհանգամանս, եւ առեալ զանընդդիմակաց հրամանն հանդերձ սակերաւք
Line: 16    կայսերագիր նշանակելովք՝ վասն մանկտոյն յաշակերտութիւնն առ ի
Line: 17    կէս ազգէն Հայոց ժողովելոյ, եւ վասն ժանտագործ ազգին բարբարիանո\սաց,
Line: 18    եւ եկեղեցեաց հաստատութեան, եւ մեծամեծ պարգեւաւք պատ\ուելոյ։
Line: 19    Վասն որոյ հաւանեցուցեալ ճշմարտին զարքունիսն, անընկալ
Line: 20    թողոյր։ Եւ երկիր պագեալ ծիրանափառ աւգոստականացն եւ սրբոյ
Line: 21    կաթուղիկոսին, եւ ընկալեալ ողջոյն յեկեղեցւոյն եւ յերեւելի իշխանաց
Page: 68  Line: 1    քաղաքին, եւ ամենայն իւրայովքն յաջողեալք՝ ելանէին ի դեսպակս եւ
Line: 2    ի կառս արքունատուրս, եւ մեծաւ շքով եւ բազում վայելչութեամբ ու\նէին
Line: 3    զճանապարհս արքունականս։ Եւ ամենայն քաղաքացն պատահե\լով,
Line: 4    ի քաղաքին պայծառագոյն երեւէին։

Line: 5       Եւ մեծամեծ պարգեւս գտեալ, գային հասանէին ի ժամադիր
Line: 6    կողմանս։ Եւ անդէն վաղվաղակի պատահեալ սպարապետին Հայոց,
Line: 7    հանդերձ սակերաւք կայսեր յանդիման լինէին։ Եւ նորա առեալ սակերս
Line: 8    կայսերական նշանաւք, փութայր վաղվաղակի զհրամանն կատարել։ Եւ
Line: 9    հրեշտակս արձակեալ այնուհետեւ ի գաւառս կէս ազգին Հայոց յիշ\խանութեանն
Line: 10    կայսեր, բազմութիւն մանկտւոյ ժողովել եւ նոցին ռոճիկս
Line: 11    կարգել ի պատեհագոյն տեղիս, յորս եւ երանելին զվարդապետութիւնն
Line: 12    իւր ի գործ արկեալ, եւ ժողովելոցն քաղցրացուցանէր։

Line: 13       Ապա յետ այնորիկ ձեռն արկանէր զդժպատեհ եւ զկամակոր բար\բարիանոս
Line: 14    աղանդն քննելոյ։ Եւ իբրեւ ոչինչ գտանէր հնարս յուղղու\թիւն
Line: 15    ածելոյ, առեալ ի գործ արկանէր զթշուառացուցիչ գաւազանն,
Line: 16    ծանրագոյն պատուհասիւք ի բանդս, ի տանջանս, ի գելարանս։ Իսկ
Line: 17    յորժամ այնու եւս պակասեալք ի փրկութենէն գտանէին, խորտա\կեալս,
Line: 18    ապա խանձեալս, մրեալս եւ գունակ գունակ խայտառակեալս, եւ
Line: 19    յաշխարհէն կորզէին։

Line: 20       Իսկ երանելւոյն զիւր վարդապետութեանն պայման արարեալ
Line: 21    սակեալ եւ վճարեալ։ Եւ բազում շնորհագիր մատեանս զհարցն եկեղեց\ւոյ
Line: 22    ստացեալ, ծովացուցանէր զվարդապետութեանն զխորութիւն, եւ
Line: 23    լցեալ զեղոյր ամենայն բարութեամբք։

Line: 24       Յայնմ ժամանակի եկեալ դիպէր նմա այր մի երէց աղուան
Line: 25    ազգաւ, Բենիամէն անուն. եւ նորա հարցեալ եւ քննեալ զբարբարոս
Line: 26    զբանս աղուաներէն լեզուին, առնէր ապա նշանագիրս ըստ վերնա\պարգեւ
Line: 27    կորովի սովորութեան իւրում եւ յաջողութեամբ Քրիստոսի
Line: 28    շնորհացն կարգեալ եւ հաստատեալ կշռէր։

Page: 70 
Line: 1       Յետ այնորիկ հրաժարեալ յեպիսկոպոսաց, յիշխանաց աշխարհին
Line: 2    եւ յամենայն եկեղեցեաց. առ որս թողեալ վերակացուս հաւատացելոցն՝
Line: 3    զերկուս ոմանս յիւրոց աշակերտացն, որոց առաջնոյն Ենովք անուն
Line: 4    էր, եւ երկրորդին Դանան, արք կրաւնաւորք եւ յառաջադէմք յաւետարա\նական
Line: 5    սպասաւորութեանն. զորս յանձն արարեալ շնորհացն Աստուծոյ՝
Line: 6    անդէն զետեղէր։ Եւ ինքն բազում աշակերտաւք գայր, անցանէր ի կող\մանս
Line: 7    Հայոց Մեծաց եւ հասեալ ի Նոր Քաղաքն՝ յանդիման լինէր սրբոյ
Line: 8    եպիսկոպոսին Սահակայ եւ թագաւորին Հայոց, որում անուն Արտա\շէս
Line: 9    կոչէին, եւ ամենայն բանակին։ Եւ պատմեալ նոցա զգործս կող\մանցն
Line: 10    այնոցիկ ըստ աջողութեանց շնորհացն Աստուծոյ, դադարէր անդ
Line: 11    աւուրս ինչ, մխիթարէր վասն հոգեւոր անձուկն սփռելոյ։


Next part


This text is part of the TITUS edition of Koriwn, Vark Mastoci.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.