TITUS
Koriwn, Vark Mastoci
Part No. 22
Previous part

Chapter: 22 
Page: 80 
Line: 8  [ԻԲ]


Line: 9       Եւ դարձեալ բազում եւ անհամար գունդս վանականաց ի շէնս եւ
Line: 10    յանշէնս, դաշտականս եւ լեռնականս, անձաւամուտս եւ արգելականս
Line: 11    բնակեցուցեալ հաստատէր։ Զորս ընդ ժամանակս ժամանակս իւրով
Line: 12    իսկ անձամբն աւրինակ ցուցանէր. առեալ զոմանս յաշակերտաց յիւրա\քանչիւր
Line: 13    մենաստանացն եւ երթեալ լեռնակեաց, սորամուտ ծակախիթ
Line: 14    եղեալ՝ զառաւրէական զկերակուրն խոտաբուտ ճաշակաւքն վճարէին։ Եւ
Line: 15    այնպէս վշտակեաց տկարութեան զանձինս տային, մանաւանդ որոց
Line: 16    հայեցեալ ի մխիթարութիւն առաքելական բանիցն, թէ՝ "Յորժամ
Line: 17    տկար եմ վասն Քրիստոսի, յայնժամ զաւրացեալ լինիմ". եւ թէ՝ "Լաւ
Line: 18    եւս լիցի պարծել տկարութեամբս, զի բնակեսցէ յիս զաւրութիւնն
Line: 19    Քրիս/տոսի"։

Page: 82 
Line: 1       Անդ էր այնուհետեւ չարբենալ գինւով, այլ առաւելուլ հոգւով, եւ
Line: 2    պատրաստել զսիրտս երգովք հոգեւորաւք, ի փառս եւ ի գովութիւն
Line: 3    Աստուծոյ։ Անդ կրթութիւն քաղցրուսոյց ընթերցուածոց՝ հոգեպատում
Line: 4    գրոց։ Անդ քաջալերութիւն յորդորական վարդապետութեան, առ ի յառա\ջադէմ
Line: 5    ընտրութեանն՝ պսակահաս քրիստոսադիր կիտին։ Անդ եռալ
Line: 6    հոգւով աստուածապաշտ ծառայութեամբ։ Անդ աղաւթք աղերսալիք, եւ
Line: 7    խնդրուածք հաշտեցուցիչք վասն ամենեցուն կենաց՝ առ մարդասէրն
Line: 8    Աստուած։

Line: 9       Եւ նովին հոգեկրաւն արուեստիւն հանէր աւուրս բազումս յանա\պատ
Line: 10    տեղիս, մինչեւ ազդ լինէր յերիցանց՝ իրաց ինչ աւգտակարաց ե\կեղեցեաց
Line: 11    կողմանցն այնոցիկ՝ հասանել յաւգնականութիւն շնորհաւքն
Line: 12    Քրիստոսի։ Եւ նորա առանց իրիք զբաղելոյ՝ հանդերձ գործակցաւք ի\ջեալ
Line: 13    ի թիկունս դիպացն պատահելոց, եւ վճարեալ զաւրութեամբն Աս\տուծոյ,
Line: 14    եւ յորդորագոյնս եւ պարարտագոյնս եւ անփակ բերանով՝
Line: 15    զվտակս վարդապետութեանն ի սիրտս լսողացն ծաւալեցուցանէր։

Line: 16       Եւ զայս առնէր զամենայն ժամանակս իւր վասն անձին եւ
Line: 17    վասն աշխարհի. քանզի սովոր իսկ են ճշմարիտ վարդապետք՝ զանձանց
Line: 18    առաքինութիւնս կանոն աշակերտելոցն դնել, մանաւանդ յուշ առնելով
Line: 19    զտէրունականն՝ զմիոյ միայնոյ իմաստնոյն Աստուծոյ. "Քանզի սկսաւ
Line: 20    Յիսուս առնել եւ ուսուցանել"։ Որոյ բազում անգամ առեալ զաշա\կերտսն
Line: 21    ուրոյն, եւ աննիազական անձամբն աւրինակ կարաւտելոցն լինէր,
Line: 22    յորժամ ի Թաբաւրական լերինն՝ զաւետեաց երանութիւնն տայր, եւ
Line: 23    յորժամ ի նմին լերին զկանոնական զաղաւթս առնէր, մինչդեռ աշա\կերտքն
Line: 24    ի Տիբերական ծովուն նաւէին։ Եւ դարձեալ յաւուրս բա\ղարջակերացն
Page: 84  Line: 1    յաւրինական տաւնին՝ զգիշերոյն աղաւթքն եւ ցայգոյ, ի
Line: 2    Ձիթաստանեաց լերինն առանձինն մատուցանէր։ Ուստի եւ յայտնի
Line: 3    իսկ է եւ առանց խուզելոյ, եթէ ոչ վասն անձին ամենատէրն, այլ հա\մաշխարհի
Line: 4    յուսումն զայն գործէր. որ է աւրինակ ամենայն հնազանդե\լոց.
Line: 5    վասն որոյ ասէր իսկ. "Արթուն կացէք, զի մի' ի փորձութիւն
Line: 6    մտանիցէքե։

Line: 7       Իսկ արդ եթէ թեթեւագոյն արուեստից՝ պակասագոյն են ի գի\տութենէ
Line: 8    ազգք երկրածնացս, ո́րչափ եւս այնմ արուեստի ոք համա\րեսցի
Line: 9    եւ անգիտանալ՝ որ ընդ Աստուած զխաւսսն կատարէ։ Որով երա\նելին
Line: 10    Պաւղոս ամենեցուն տգիտանալ ասէ, վասն որոյ զամենակեցոյց
Line: 11    Հոգին ի թիկունս հասանել՝ անմռունչ հեծութեամբ բարեխաւս գիտէ։

Line: 12       Իսկ արդ յորժամ լսիցեմք, եթէ՝ "սկսաւ Յիսուս առնել եւ ու\սուցանել",
Line: 13    ապաքէն առնէ եւ ուսուցանէ, եւ ոչ եթէ զի պարգեւեսցէ
Line: 14    իմանալի է։ Եւ բարեխաւսել նորա վասն սրբոց եւ բարեխաւսել Հոգւոյն
Line: 15    սրբոյ՝ առ ի վարդապետելոյ մեզ, զի ընդ միմեանց բարեխաւսելն գի\տելի
Line: 16    է. քանզի միապատիւ է աստուածականն եւ ոչ բազմաբար։

Line: 17       Իսկ երանելի առաքելոցն ընկալեալ ի վարդապետութենէ ճշմար\տութեանն,
Line: 18    նախ կարաւտական անձանցն մատակարարէին, եւ ապա ա\շակերտացն
Line: 19    բարձեալ տանէին. երբեմն առանձինն՝ եւ երբեմն ժողովըր\դովքն
Line: 20    գումարելովք՝ զփառսն Քրիստոսի առաւելովք բարձրացուցա\նէին.
Line: 21    քանզի առաւել աւգտակար իսկ է՝ յամենայն աշխարհակիր զբաւ\սանաց
Line: 22    առանձինն սահմանել եւ միայն աստուածապաշտութեանն պարա\պել,
Line: 23    զոր եւ մարգարէքն գործէին, որք ի լերինս եւ յանապատս եւ ի փա\պարս
Line: 24    վիմաց՝ զաստուածեղէն կրաւնիցն զծառայութիւն հարկանէին։

Page: 86 
Line: 1       Նոյնպէս եւ ամենայն հարքն, որք յաջորդեցան յառաքելական
Line: 2    կանոնաց, կրեալ անձամբք զլաւութիւնս՝ բերէին վերջնոցս աւրինակ.
Line: 3    ուստի երանելիս այս բարձեալ էր զաւանդելոցն պատիւ, եւ ամենայն
Line: 4    մատուցելոց առ նա՝ զնոյն պատուիրեալ գուշակէր։ Եւ այնպէս յառաջ՝
Line: 5    ամենայն աստուածեղէն գանձուցն վայելչութեամբք լցեալք, պարար\տացեալք,
Line: 6    խաղացեալք գնային ի բազում ժամանակս՝ նովին ի նոյն
Line: 7    կանխեալք, ի նմին հանապազորդեալք։


Next part


This text is part of the TITUS edition of Koriwn, Vark Mastoci.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.