TITUS
Koriwn, Vark Mastoci
Part No. 25
Previous part

Chapter: 25 
Page: 90 
Line: 1  [ԻԵ]


Line: 2       Իսկ երանելի զուգականին լուեալ, զՄաշթոցէ ասեմ, բազում
Line: 3    անձկայրեաց տրտմութեամբ եւ արտաւսրագութ ողբովք եւ ծանրաթախիծ
Line: 4    սգովք պաշարեալ դնէր. զի թէ առաքեալն սուրբ ոչ գտեալ առժամայն
Line: 5    զընդելակիցն զՏիմոթէոս՝ անհանգիստ զհոգւոյն ասէ, ո́րչափ եւս
Line: 6    առաւել զմիանգամայն զհրաժարելոցն՝ սաստիկ կիրս մնացելոցն է հա\մարեալ։
Line: 7    Բայց թէպէտ եւ միայնաւորութեանն տրտմութիւն չթողոյր
Line: 8    զուարթանալ, սակայն զաւետարանական ընթացսն եւ զվերակացութիւնն
Line: 9    սրբոյ եկեղեցւոյ շնորհաւքն Աստուծոյ առանց պակասութեան տանէր, եւ
Line: 10    առաւել փութայր գուն եդեալ՝ զամենեսեան յորդորելով առ բարեացն
Line: 11    քաջութիւն։ Եւ զցայգ եւ զցերեկ պահաւք եւ աղաւթիւք եւ ուժգին խնդըր\ուածովք
Line: 12    եւ բարձրագոյն բարբառովք՝ զաստուածադիր պատուիրանացն
Line: 13    հրամանս յուշ առնելով՝ զգուշացուցանէր ամենայն մարդոյ, մինչեւ
Line: 14    բազմագոյնս եւ զդժուարագոյն վարուց կրթութիւնս. մանաւանդ զի եւ
Line: 15    զմտաւ իսկ ածէր ըստ ծերունական հասակին զաւր վախճանին, չտայր
Line: 16    քուն աչաց եւ ոչ նիրհ արտեւանաց՝ մինչեւ հասանել ի հանգիստն Տեառն։


Next part


This text is part of the TITUS edition of Koriwn, Vark Mastoci.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.