TITUS
Movses Xorenaci, Patmowtiwn Hayoc
Part No. 55
Previous part

Chapter: 19  
Ժ՜Թ
Line: 17 
Sentence: 1   Յաղագս միաբանութեանն Տիգրանայ եւ Արտաշիզի, եւ առաքել ասպատակ
Line: 18 
ի Պաղեստինէ. Sentence: 2   եւ գերութիւն Հիւրկանու քահանայապետին եւ այլ բազմութեան
Line: 19 
Հրէից։


Line: 20    Sentence: 3   Յետ այսր ամենայնի ի հիւանդութեան եղեալ Տիգրան՝ աղերսէ
Line: 21    ի սէր զԱրտաշէզ արքայ Պարսից, յաղագս հպարտութեան հօրն՝ հանելով
Line: 22    ի նոցանէ զնախագահութիւնն։ Sentence: 4   Իսկ սա իւրովք կամօք զերկրորդականն
Page: 133   Line: 1    ունելով ըստ իրաւանց՝ դարձուցանէ ի նա զնախագահութիւնն. Sentence: 5   եւ ի
Line: 2    հաշտութիւն ածեալ զԱրտաշէզ՝ առնու ի նմանէ զօր յօգնականութիւն
Line: 3    ինքեան։ Sentence: 6   Յայնմ ժամանակի առեալ Տիգրանայ զԲարզափրան նահապետ
Line: 4    Ռըշտունեաց նախարարութեանն՝ սպարապետ կացուցանէ զօրացն
Line: 5    Հայոց եւ Պարսից եւ առաքէ ի վերայ զօրացն Հռոմայեցւոց, հրաման
Line: 6    տուեալ զբնակիչս աշխարհին Ասորւոց եւ Պաղեստինացւոց ի հաշտութիւն
Line: 7    հաւանութեան խօսել։ Sentence: 7   Նմա ընդ առաջ լինի ոմն Պակարոս անուն, որոյ
Line: 8    հայրն թագաւոր լեալ Ասորւոց, եւ ինքն խնամի Անտիգոնեայ Արիստաբուղեանց։

Line: 9    Sentence: 8   Եւ եկեալ առ Բարզափրան նահապետ Ռըշտունեաց եւ
Line: 10    սպարապետ Հայոց եւ Պարսից՝ խոստանայ հինգ հարիւր կին գեղեցիկ եւ
Line: 11    հազար քանքար ոսկւոյ, զի օգնեսցէ նոցա՝ ընկենլով թագաւորութենէ
Line: 12    Հրէից զՀիւրկանոս, եւ թագաւորեցուցանել զԱնտիգոնոս։

Line: 13    Sentence: 9   Իբրեւ ետես Հիւրկանոս Հրէից քահանայապետ եւ թագաւոր, եւ
Line: 14    Փասայեղոս եղբայր Հերովդի, եթէ զզօրս Հռոմայեցւոց փախստական
Line: 15    արարեալ, զոմանս ի ծով, զոմանս ի քաղաքս, խաղաղութեամբ ընդ
Line: 16    երկիրն անցանէր Բարզափրան՝ խօսին եւ ինքեանք զխաղաղութիւն առ
Line: 17    Բարզափրան։ Sentence: 10   Եւ նա զԳնէլ ոմն, որ էր տակառապետ արքային Հայոց,
Line: 18    յազգէն Գնունեաց, առաքէ յԵրուսաղէմ Հանդերձ հեծելազօրու, իբր
Line: 19    թէ ի պատճառս խաղաղութեան, բայց ի գաղտնիս՝ օգնել Անտիգոնեայ։

Line: 20    Sentence: 11   Եւ Հիւրկանոս զտակառապետն ամենայն զօրօքն ոչ ընդունէր յԵրուսաղէմ,
Line: 21    այլ միայն հինգ հարիւր հեծելով։ Sentence: 12   Եւ տակառապետին դաւով խրատ
Line: 22    տուեալ Հիւրկանու՝ զի առ Բարզափրան երթիցէ վասն աւերածոյ
Line: 24    աշխարհին. Sentence: 13   եւ ինքն խոստանայր լինել բարեխօս։ Sentence: 14   Եւ Հիւրկանու երդումն
Line: 25    խնդրեալ ի Բարզափրանայ՝ երդնու նմա յարեգակն եւ ի լուսին եւ
Line: 26    յամենայն պաշտամունս իւրեանց երկնայինս եւ երկրայինս, եւ յարեւ
Line: 27    Արտաշէզի եւ Տիգրանայ։ Sentence: 15   Ընդ որ վստահացեալ Հիւրկանոս՝ թողու
Line: 28    զՀերովդէս ի վերայ Երուսաղեմի, եւ զՓասայելոս զերէց եղբայր Հերովդի
Line: 29    առեալ ընդ իւր՝ գայ առ Բարզափրան ի ծովեզրն, ի գեէղն որ կոչի
Line: 30    Եքտիպոն։

Line: 31    Sentence: 16   Եւ Բարզափրան խորամանկութեամբ պատուէր զնոսա. Sentence: 17   եւ ինքն
Line: 32    յանկարծակի գնացեալ անտի՝ մնացելոց զօրացն հրաման տայր՝ ի բուռն
Line: 33    առնուլ զնոսա եւ ի ձեռն Անտիգոնի մատնել։ Sentence: 18   Եւ Անտիգոնոս ի վերայ
Line: 34    Հիւրկանու անկեալ՝ զականջս նորա ատամամբքն ի բաց կտրէր. Sentence: 19   զի թէ
Line: 35    եւ այլ ժամանակ փոխեսցի՝ անհնար լիցի նմա զքահանայապետութիւնն
Line: 36    ունել. Sentence: 20   քանզի օրէնքն զողջանդամսն հրամայեն կացուցանել քահանայս։

Line: 37    Sentence: 21   Եւ Փասայել եղբայր Հերովդի իւրովի զարկեալ զգլուխ իւր զքարի՝
Line: 38    առաքեցաւ բժիշկ յԱնտիգոնեայ, իբր թէ բժշկել զնա. Sentence: 22   ելից զվէրն նորա
Line: 39    թունաւոր դեղովք եւ վախճանեցոյց։

Line: 40    Sentence: 23   Եւ Բարզափրանայ հրաման տուեալ Գնէլոյ տակառապետին արքայի
Line: 41    Հայոց յԵրուսաղէմ զՀերովդէս որսալ. Sentence: 24   Իսկ Գնէլ զՀերովդէս արտաքս
Line: 42    քան զպարիսպն ելանել պատրէր. Sentence: 25   զոր չառեալ յանձն Հերովդի,այլ եւ ոչ
Line: 43    եւս կալ ի քաղաքին իշխանաց, երկուցեալ ի պատառմանէ Անտիգոնեանցն,
Page: 135   Line: 1    ի գիշերի ի ծածուկ ընդանեօքն հանդերձ առ Եդոմայեցիս փախչէր. Sentence: 26   ի
Line: 2    Մասադան յամուրն թողեալ զընդանիսն՝ ինքն ի Հռոմ փութայր հասանել։

Line: 3    Sentence: 27   Բայց զօրքն Հայոց ձեռնտուութեամբ Անտիգոնեանցն յԵրուսաղէմ մտանէին՝
Line: 4    ոչ ինչ ումեք վնասեալ, բայց միայն զՀիւրկանու զինչս առնուին
Line: 5    աւելի քան զերեքարիւր քանքար։ Sentence: 28   Եւ ընդ գաւառն ասպատակեալ՝
Line: 6    զհիւրկանեանսն առեալ աւերէին. Sentence: 29   զՄարիսացւոց քաղաքն գերի առեալ,
Line: 7    թագաւոր կացուցանէին զԱնտիգոնոս։ Sentence: 30   Եւ կապեալ զՀիւրկանոս ածեն
Line: 8    Տիգրանայ Հանդերձ գերութեամբն. Sentence: 31   եւ Տիգրան հրաման տայ Բարզափրանայ
Line: 9    նստուցանել զգերին Հրէից որ ի Մարիսացւոց՝ ի քաղաքն
Line: 10    Շամիրամայ։ Sentence: 32   Եւ Տիգրանայ ոչ աւելի բաւեալ քան զերեամ յետ այնորիկ՝
Line: 11    վախճանի, թագաւորեալ ամս երեսուն եւ երիս։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.