TITUS
Movses Xorenaci, Patmowtiwn Hayoc
Part No. 64
Previous part

Chapter: 28  
Ի՜Ը
Line: 16 
Sentence: 1   Յաղագս երթալոյն Աբգարու յարեւելս եւ թագաւորեցուցանելոյ Պարսից
Line: 17 
զԱրտաշէս. Sentence: 2   եւ թէ զիարդ կարգեաց զեղբայրս իւր, եւ յորոց մեր Լուսաւորիչն
Line: 18 
եւ նորին ազգակիցքն։


Line: 19    Sentence: 3   Երթալ Աբգարու յարեւելս՝ գտանէ թագաւորեալ Պարսից զԱրտաշէս
Line: 20    որդի Արշաւրի, եւ ընդդիմացեալ նմա զեղբայրս իւր. Sentence: 4   քանզի նա
Line: 21    խորհէր ազգաւ ի վերայ նոցա թագաւորել, եւ նոքա ոչ առնուին յանձն։

Line: 22    Sentence: 5   Վասն որոյ պաշարեալ զնոսա Արտաշիսի եւ երկիւղ մահու եդեալ ի
Page: 146   Line: 1    վերայ նոցա՝ բազում պատառմունք եւ անմիաբանութիւնք ի մէջ զօրացն
Line: 2    եւ այլոց ազգականացն լինէին։ Sentence: 6   Քանզի էին Արշաւրի թագաւորի որդիք
Line: 3    երեք եւ դուստր մի. Sentence: 7   առաջին՝ նոյն արքայն Արտաշէս, երկրորդն՝
Line: 4    Կարէն, երրորդն՝ Սւրէն, եւ քոյր նոցին՝ որ անուանեալ կոչի Կոշմ, կին
Line: 5    զօրավարին ամենայն Արեաց ի հօրէն կարգեալ։

Line: 6    Sentence: 8   Իսկ Աբգարու համոզեալ զնոսա խաղաղանալ, ի մէջ ամենեցուն
Line: 7    հաստատէ զայս ինչ սահմանելով. Sentence: 9   թագաւորել Արտաշիսի հանդերձ
Line: 8    ծննդովք իւրովք՝ որպէս եւ խորհեցաւն, եւ զեղբարսն անուանել Պահլաւս՝
Line: 9    յանուն քաղաքին իւրեանց եւ աշխարհին մեծի եւ քաջաբերոյ. Sentence: 10   որպէս
Line: 10    զի լինել նոցա պատուականագոյն եւ առաջին քան զամենայն նախարարութիւնս
Line: 11    Պարսից, որպէս արդարեւ զարմս թագաւորաց։ Sentence: 11   Եւ դաշինս
Line: 12    եւ երդմունս ի միջի հաստատեալ, զի թէ լիցի սպառել զարմից
Line: 13    Արտաշիսի ի պատանեաց՝ նոքա մատիցեն ի թագաւորութիւնն։ Sentence: 12   Եւ
Line: 14    արտաքոյ ցեղին նորա թագաւորեցելոյ՝ ցեղս որոշել զնոսա երիս, կոչմամբ
Line: 15    այսպիսեաւ. Sentence: 13   Կարինի Պահլաւ, Սուրենի Պահլաւ, եւ զքոյրն՝ Ասպահապետի
Line: 16    Պահլաւ, յառնն տանուտէրութենէ զանունն որոշեալ։

Line: 17    Sentence: 14   Եւ ասեն զսուրբն Գրիգոր ի Սուրենեանն Պահլաւէ, եւ զկամսարականս
Line: 18    ի Կարենեանն Պահլաւէ։ Sentence: 15   Այլ զայսր գալոյն զորպիսութիւն ի
Line: 19    կարգին պատմեսցուք. Sentence: 16   միայն նշանակելով այժմ առ ընթեր Արտաշիսի,
Line: 20    զի ծանիցես զազգս զայս մեծ, թէ հաւաստի արիւն Վաղարշակայ են,
Line: 21    այս ինքն զարմ Արշակայ մեծի, եղբօր Վաղարշակայ։

Line: 22    Sentence: 17   Եւ այսոցիկ այսպէս կարգելոց եւ զգիր ուխտին ընդ իւր առեալ
Line: 23    Աբգարու՝ դառնայ ոչ առողջ մարմնով, այլ չարաչար ցաւովք ախտացեալ։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.