TITUS
Movses Xorenaci, Patmowtiwn Hayoc
Part No. 84
Previous part

Chapter: 48  
Խ՜Ը
Page: 175  
Line: 2 
Սպանումն Երուզայ, եւ շինել միւսոյ Բագարանի, եւ հարկիլ Արտաշիսի
Line: 3 
Հռոմայեցւոց։


Line: 4    Sentence: 1   Զկնի այսորիկ հրաման տայ Սմբատայ՝ երթալ յամուրն Բագարան,
Line: 5    որ հուպ ի քաղաքն Երուանդայ ի վերայ Ախուրեան գետոյ, զի
Line: 6    սպանցէ զԵրուազ զեղբայր Երուանդայ։ Sentence: 2   Զոր կալեալ Սմբատայ՝ երկան
Line: 7    զուլանէ հրամայէ կապել, եւ ընկենուլ ի պտոյտ մի գետոյն։ Sentence: 3   Եւ ի
Line: 8    տեղին նորա ի վերայ բագնացն կացուցանէ զընտանի Արտաշիսի, աշակերտ
Line: 9    մոգի ուրումն երազահանի, որ յայն սակս եւ Մոգպաշտէ անուն կարդային։

Line: 10    Sentence: 4   Եւ ապա աւար առեալ զգանձսն Երուազայ, եւ ծառայս անձնիս հինգ
Line: 11    հարիւր, նա եւ զընտիր ընտիր գանձուցն մեհենից՝ բերէ Արտաշիսի։

Line: 12    Sentence: 5   Եւ Արտաշէս պարգեւէ Սմբատայ զծառայս Երուազայ. Sentence: 6   Բայց զգանձսն
Line: 13    հրամայէ տանել Դարեհի արքայի Պարսից, հանդերձ յաւելմամբ յիւրոց
Line: 14    գանձուց, ի շնորհակալութեան պատիւ իբրեւ հօր եւ օգնականի։

Line: 15    Sentence: 7   Յայնժամ Սմբատայ զծառայսն Երուազայ, զոր գերեացն ի Բագարանէ,
Line: 16    տարեալ բնակեցուցանէ ի թիկանց Մասեաց, ի նոյն անուն
Line: 17    Բագարան կոչելով զձեէակերտն։ Sentence: 8   Ինքն անցանէ ի Պարսս, ընծայատար
Line: 18    Դարեհի, ոչ ինչ փոյթ առնելով զՀռոմայեցւոց տէրութենէն։ Sentence: 9   Իսկ ի
Line: 19    գնալն Սմբատայ ի Պարսս Հասանեն հարկահանք կայսեր եւ սպայ ծանր
Line: 20    ի սահմանս Հայոց, զորս մաղթեալ Արտաշիսի եւ կրկին տուեալ զհարկսն՝
Page: 176   Line: 1    Հաշտեցուցանէ։ Sentence: 10   Եւ զայս մեզ ստուգապէս պատմէ Ողիւմպ քուրմ Հանւոյ,
Line: 2    գրող մեհենական պատմութեանց, եւ զայլ բազում գործս՝ զոր ասել
Line: 3    կայ մեզ առաջի, որում եւ Պարսից մատեանքն վկայեն եւ Հայոց երգք
Line: 4    վիպասանաց։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.