TITUS
Movses Xorenaci, Patmowtiwn Hayoc
Part No. 86
Previous part

Chapter: 50  
Ծ՜
Line: 11 
Sentence: 1   Յարձակումն Ալանաց ի մեզ եւ պարտումն, եւ խնամութիւն Արտաշիսի
Line: 12 
ընդ նոսա։


Line: 13    Sentence: 2   Զայսու ժամանակաւ միաբանեալ Ալանք լեռնականօքն ամենայնիւ,
Line: 14    յինքեանս արկանելով եւ զկէս Վրաց աշխարհին՝ մեծաւ ամբոխիւ
Line: 15    տարածեալ ընդ աշխարհս մեր։ Sentence: 3   Ժողովէ եւ Արտաշէս զիւրոց զօրացն
Line: 16    բազմութիւն, եւ լինի պատերազմ ի մէջ երկոցունց ազգացն քաջաց եւ
Line: 17    աղեղնաւորաց։ Sentence: 4   Սակաւ ինչ տեղի տայ ազգն Ալանաց, եւ գնացեալ
Line: 18    անցանէ ընդ գետն մեծ Կուր, եւ բանակի առ եզերբ գետոյն ի Հիւսիսոյ.

Line: 19    Sentence: 5   եւ հասեալ Արտաշէս բանակի ի Հարաւոյ, եւ գետն ընդ մէջ նոցա։

Line: 20    Sentence: 6   Բայց քանզի զորդի Ալանաց արքային ձերբակալ արարեալ զօրացն
Line: 21    Հայոց ածեն առ Արտաշէս՝ զխաղաղութիւն խնդրէր արքայն Ալանաց,
Page: 178   Line: 1    տալ Արտաշիսի զինչ եւ խնդրեսցէ. Sentence: 7   եւ երդումս եւ դաշինս ասէր
Line: 2    հաստատել մշտնջենաւորս, որպէս զի մի եւս մանկունք Ալանաց ասպատակաւ
Line: 3    հինից ելցեն յաշխարհս Հայոց։ Sentence: 8   ԵՒ ի չառնուլ յանձն Արտաշիսի առ ի
Line: 4    տալ զպատանին՝ գայ քոյր պատանւոյն յափն գետոյն ի դարաւանդ
Line: 5    մի մեծ, եւ ի ձեռն թարգմանաց ձայնէ ի բանակն Արտաշիսի. Sentence: 9   "Քեզ
Line: 6    ասեմ, այր քաջ Արտաշէս, որ յաղթեցեր քաջ ազգին Ալանաց. Sentence: 10   Եկ
Line: 7    հաւանեաց բանից աչագեղոյ դստերս Ալանաց՝ տալ զպատանիդ. Sentence: 11   զի
Line: 8    վասն միոյ քինու ոչ է օրէն դիւցազանց՝ զայլոց դիւցազանց զարմից
Line: 9    բառնալ զկենդանութիւն, կամ ծառայեցուցանելով ի ստրկաց կարգի
Line: 10    պահել, եւ թշնամութիւն յաւիտենական ի մէջ երկոցունց ազգաց քաջաց
Line: 11    հաստատեալ"։ Sentence: 12   Եւ լուեալ Արտաշիսի զայսպիսի իմաստութեան բանս՝
Line: 12    գնաց յեզր գետոյն. Sentence: 13   եւ տեսեալ զկոյսն գեղեցիկ, եւ լուեալ ի նմանէ
Line: 13    բանս իմաստութեան՝ ցանկացաւ կուսին։ Sentence: 14   Եւ կոչեցեալ զդայեակն իւր
Line: 14    զՍմբատ՝ յայտնէ նմա զկամս սրտի իւրոյ, առնուլ զօրիորդն Ալանաց
Line: 15    ի կնութիւն իւր, եւ դաշինս եւ ուխտս հաստատել ընդ ազգի քաջացն, եւ
Line: 16    զպատանին արձակել ի խաղաղութիւն։ Sentence: 15   Եւ հաճոյ թուեցալ Սմբատայ,
Line: 17    յղէ առ արքայն Ալանաց՝ տալ զտիկին օրիորդն Ալանաց զՍաթինիկ
Line: 18    ի կնութիւն Արտաշիսի։ Sentence: 16   Եւ ասէ արքայն Ալանաց. Sentence: 17   "Եւ ուստի տացէ քաջն
Line: 19    Արտաշէս հազարս ի հազարաց եւ բիւրս ի բիւրուց ընդ քաջազգւոյ
Line: 20    կոյս օրիորդիս Ալանաց"։

Page: 179   Line: 1    Զայս տեղի առասպելաբանելով վիպասանքն յերգելն իւրեանց
Line: 2    ասեն. Sentence: 18   "Հեծաւ արի արքայն Արտաշէս ի սեաւն գեղեցիկ, եւ հանեալ
Line: 3    զոսկէօղ շիկափոկ պարանն, եւ անցեալ որպէս զարծուի սրաթեւ ընդ
Line: 4    գետն, եւ ձգեալ զոսկէող շիկափոկ պարանն՝ ընկեց ի մէջք օրիորդին
Line: 5    Ալանաց, եւ շատ ցաւեցոյց զմէջք փափուկ օրիորդին, արագ հասուցանելով
Line: 6    ի բանակն իւր"։ Sentence: 19   Որ եւ ճշմարտութեամբ ունի այսպէս. Sentence: 20   Քանզի
Line: 7    պատուեալ է առ Ալանս մորթ կարմիր՝ լայքա շատ եւ ոսկի բազում
Line: 8    տուեալ ի վարձանս՝ առնու զտիկին օրիորդն Սաթենիկ։ Sentence: 21   Այս է ոսկէօղ
Line: 9    շիկափոկ պարանն։ Sentence: 22   Դոյնպէս եւ զհարսանեացն առասպելեալ երգեն,
Line: 10    այսպէս ասելով. Sentence: 23   "Տեղ ոսկի տեղայր ի փեսայութեանն Արտաշիսի, տեղայր
Line: 11    մարգարիտ ի հարսնութեան Սաթինկանն"։ Sentence: 24   Քանզի սովորութիւն իսկ
Line: 12    էր թագաւորացն մերոց, փեսայութեամբ ի դուռն տաճարին հասանել՝
Line: 13    դահեկանս ճապաղել իբրեւ զհիւպատեանն Հռոմայեցւոց. Sentence: 25   սապէս եւ
Line: 14    թագուհեացն յառագաստին՝ մարգարիտ։ Sentence: 26   Այս է ճշմարտութիւն բանիցս։

Line: 15    Sentence: 27   Սա առաջին եղեալ ի կանանցն Արտաշիսի՝ ծնանի նմա զԱրտաւազդ
Line: 16    եւ զայլս բազումս, զորս ոչ կարեւոր համարեցաք այժմ անուամբ
Line: 17    թուել. Sentence: 28   բայց զկնիսն յորժամ ի գործ ինչ հասանիցեմք։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.