TITUS
Movses Kalankatowaci, Patmowtiwn Alowanic Asxarhi
Part No. 45
Previous part

Chapter: 15  
Page: 187  
Line: 1 
ԳԼՈՒԽ Ժ՜Ե.

Line: 2  Վասն սաստկացեալ սովոյն, սրոյն եւ գերութեանն ՛ի
Line: 3  միասին։
Line: 4  Պարտ եւ արժան է մեզ յիշել վասն ժամանակի


Line: 5       նեղութեան սովոյն, զի եկն եհաս եռացոյց
Line: 6    ՛ի ներքոյ ոտից մերոց զմուկն ծախող եւ եկեր
Line: 7    զամենայն բոյսս եւ սպառեաց զամենայն պտուղս
Line: 8    անդաստանաց մերոց։ Ապա ՛ի մի վայր գումարեալ
Line: 9    սոսկալի զօրավարքն երեքին՝ սովն, սուրն եւ
Line: 10    մահն գործակից նոցա զոյգընթացեալք ընդ միմեանս
Line: 11    խուճապէին, անխնայ վիրաւորէին եւ դիաթաւալ
Line: 12    տարածանէին. ոչ արժանի լեալ հաղորդութեան
Line: 13    յետին թոշակին քաւութեան. զի արգելոյր
Line: 14    սուրն, հեղգայր սովն եւ հեղձուցանէր
Line: 15    մահն։ Ո́հ դառնութեան ժամանակիս այսորիկ.
Line: 16    եղկելի են աչք նոցա, որք տեսին զվիհն զայն
Line: 17    մեծ։ թշուառացեալ զերծեալքն աղերսէին լերանց,
Line: 18    եթէ անկերուք ՛ի վերայ մեր, ահաբեկեալք
Line: 19    եւ ՛ի տերեւոյ եւեթ խարխափելոյ սրտաթափք։
Line: 20    Եւ ՛ի ժամանակի նեղութեան յաւուրս
Line: 21    քառասնորդաց պահոցն յախուռն անխտիր մերձեցեալք
Line: 22    ՛ի գէշ մեռելոտեաց անսրբոց, այլ եւ
Line: 23    զարմատս բանջարոց, եւ հանեալ զկեղեւս ծառոց
Line: 24    եւ զծայրս ոստոց ծամէին եւ ոչ լինէր օգուտ ուժի
Line: 25    ինչ ուտելն զայնս։ Նաեւ զչոր խիզ խաղողոյ տայր
Page: 188   Line: 1    անձանց թշուառականացն աղալ եւ ուտել. առ
Line: 2    որս բազմութիւն սովածացն ժողովեալ ՛ի մի
Line: 3    վայր դիմէին ՛ի վերայ այնպիսեացն, յափշտակէին
Line: 4    ՛ի նոցանէ, պատուհասակոծ առնէին եւ այնպէս
Line: 5    սատակէին եւ նոքա ընդ չքաւորսն. եւ միշտ
Line: 6    քաղցեալ կային աչքն յագահել եւ ՛ի հանել զընկերին։
Line: 7    Լուայ ՛ի հաւատարիմ մարդկանէ, եթէ
Line: 8    տեսաք մեք զոմանս ուտել զմեռելոցն անդամս,
Line: 9    զբազմաժամանակեայ մորթս արջառոց եւ զպարկս
Line: 10    ծխակերս, նաեւ զօդս կօշկաց հնացեալս եփէին եւ
Line: 11    ուտէին. զայլ օրինակ մերոյ փորձութեանս ոչ
Line: 12    կարեմք գտանել՝ բայց միայն զաւերն Երուսաղեմի
Line: 13    ՛ի Վեսպիանոսէ եւ ՛ի Տիտոսէ. կոխեցաք
Line: 14    զդիակունս սովամահաց՝ սեւացեալս եւ ուռուցեալս
Line: 15    ընդ երեսս դաշտաց իբրեւ զքարինս հեղեղատի,
Line: 16    առ որս կատարէր բանն մարգարէական՝
Line: 17    եթէ "զթաղումն իշոյ թաղեսցի, եւ հաց սգոյ մի́
Line: 18    գտցի ՛ի տան նորա"։ Եւ ՛ի ժամուն յայնմիկ ՛ի
Line: 19    խառնել դալարւոյն առաւել էր թիւ սատակելոցն
Line: 20    քան զամենայն աւուրս ձմերայնւոյն։ Բայց որ
Line: 21    կարեւոր է ՛ի լսել եւ ՛ի միտ առնուլ՝ այս է, զի
Line: 22    մօտ ՛ի վախճան ժամանակի կատարածի սովոյն
Line: 23    այլ իմն ախտ հիւանդութեան տարածեցաւ ընդ
Line: 24    սահմանս աշխարհիս, որ ոչ էր ըստ բնութեան
Line: 25    այլոց ցաւոց. զի անկեալքն յախտէ անտի անզգայեալք
Line: 26    իբրեւ զաւուրս ամսոյ միոյ կամ երկուց՝
Line: 27    կափկափեալք կցէին զատամունս, յեղուին զաչս
Page: 189   Line: 1    իւրեանց, ոչ զնշան հիւանդութեանն իմանային,
Line: 2    եւ ջուր խնդրել ոչ գիտէին. ոմանք իբրեւ մոլեգին
Line: 3    վարսամնահարս եղեալք յանկողնոցն մերկք
Line: 4    եւ խայտառակք ընդ որմս խօսէին եւ ընդ հողմս
Line: 5    կոծէին. այլք զհիւանդապաշտս կռփէին. եւ թէպէտ
Line: 6    ցաւքն ժանտ էին՝ սակայն մահք ոչ գործեցան,
Line: 7    զոր անուանեցին ցաւ խելագարութիւն,
Line: 8    ծիւրէին սեւացեալք, հալէին մարմինք նոցա, լուծանէին
Line: 9    յօդքն, ճողէին մազք հերացն եւ մուրուացն,
Line: 10    զորոց ողբալի սուգ առին զաւուրս բազումս
Line: 11    ՛ի վերայ անցից խայտամահացն՝ աղաչելով
Line: 12    զամենողորմն Աստուած, զի յանգումն արասցէ
Line: 13    անտանելի հարուածոցն։ Ես Վիրոյ՝ Աղուանից
Line: 14    եւ Լփնաց եւ Չողայ կաթուղիկոս, թողում
Line: 15    ասել զայլ ամենայն պէսպէս զազրալիս՝ զմարմնոյ
Line: 16    սեւութիւնս եւ զկնտութիւն գլխոց. զի յայսմ
Line: 17    եւս յայտնի լիցի բանն մարգարէական, եթէ "ածից
Line: 18    ՛ի վերայ ամենայն հասակաց զքուրձ. եւ ՛ի
Line: 19    վերայ ամենայն գլխոց զկնտութիւն. եւ արարից
Line: 20    նմա իբրեւ սուգ սիրելւոյ"։ Ապա իբրեւ ետ Աստուած
Line: 21    կատարել զամենայն կամս իւր, յիշեաց
Line: 22    զնոսա իբրեւ զՆոյ ՛ի ջուրցն հեղեղէ ՛ի տապանի
Line: 23    անդ։ Եւ գթացեալ ետ նոցա զխնդրուածս նոցա.
Line: 24    առաքեաց զլիութիւն յանձինս նոցա, յագեցոյց
Line: 25    զքաղցեալս եւ զկարօտեալս լի արար բարութեամբ.
Line: 26    զի վայելեալք զայնս՝ յաւելցեն ՛ի փառաբանութիւնս
Line: 27    Աստուծոյ։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.