TITUS
Movses Kalankatowaci, Patmowtiwn Alowanic Asxarhi
Part No. 64
Previous part

Chapter: 34  
Page: 253  
Line: 9 
ԳԼՈՒԽ Լ՜Դ.

Line: 10  Մահ օրհասական Ջիւանշիրի մեծի իշխանին։


Line: 11       Եւ եղեւ ՛ի ժամանակին յայնմիկ խաղալ
Line: 12    գնալ մեծի իշխանին Ջիւանշիրի ՛ի կողմանս լեռնականաց
Line: 13    ՛ի զբօսանս բոլոր տարեկան աւուրցն՝
Line: 14    հրճուական երկաչափութեամբ, եւ յոգնայարդար
Line: 15    գուսանօք, ուր եւ խոհականութեամբ նուաճէր
Line: 16    զամենեսեան ընդ իւրովն իշխանութեամբ եւ բոլորովին
Line: 17    բարեբաստիկ եղեալ գերասացութեամբ
Line: 18    իմն եւ խրոխտաբար զամենայն ինչ յօրինէր իմաստակիր
Line: 19    քաջութեամբ։ Բայց ապա ըղձալի
Line: 20    հռչակաւորն այն, զի ՛ի ձեռն խարդաւանող ախտին
Line: 21    ընդդէմ Աստուծոյ երկասիրէր պատուիրանին,
Line: 22    թափուր եւ ունայն ՛ի նորայն փառաց երեւէր.
Line: 23    եւ ամենայն ինչ սարդի ոստայն եղեալ վաղվաղակի
Line: 24    չքնաղն այն քակտէր վայելչութիւն։

Page: 254  
Line: 1       Զի ՛ի ժամ տապակէզ աւուրցն առեալ գերահրաշ
Line: 2    պետականին զազատազարմ տոհմն հանդերձ
Line: 3    նամեսական գնդիւն ՛ի հովիտս բարձրաբերձ
Line: 4    լերանցն՝ բերկրէր, եւ ծաղկատեսակ հանգըստեամբ
Line: 5    ՛ի գեղեցիկ մարգս յոլովէր զաւուրս
Line: 6    բարեկեցիկ յղփութեամբ։ Իսկ իբրեւ անցանէին
Line: 7    աւուրք խորշակայեղց տօթոյն ՛ի ժամանել բարձրութեան
Line: 8    տօնի նաւակատեաց խաչին, համբարձեալ
Line: 9    ՛ի կողմանցն յայնցանէ՝ գայր անցանէր
Line: 10    յՈւտի գաւառ ՛ի Պարտաւ քաղաք յիւրական գեղազարդեալ
Line: 11    տաճարն. եւ անդ պարգեւաձիր մեծարանօք
Line: 12    ՛ի հանդիսաւոր տօնին Աստուծոյ մատուցանէր
Line: 13    երկրպագութիւն։ Եւ մինչդեռ հանգուցեալ
Line: 14    էր մեծաւ ուրախութեամբ մեծահռչակն
Line: 15    Ջիւանշիր, այր ոմն տարօրէն եւ վատանշան ՛ի
Line: 16    կայենեանն ընկղմեալ ախտ՝ ՛ի հրապոյրս խարդախութեանն
Line: 17    զընկերս իւր համահաւանս արարեալ, --
Line: 18    որ ոչ զսէր նորա եւ ոչ զպատիւ տան
Line: 19    հօրն իւրոյ, զոր գտեալ էր ՛ի նմանէ մեծաւ
Line: 20    պարգեւօք՝ յիշէր ինչ -- մահ խորհեցաւ ՛ի վերայ
Line: 21    նորա՝ խորհուրդ վատ արկեալ ՛ի միտս իւր. եւ
Line: 22    հրապուրեալ զնա ՛ի պատճառս բղջախոհութեան՝
Line: 23    փաստապատիր բանիւք հաւանեցուցանէր զնա
Line: 24    ելանել ՛ի զբօսանս խոհերականս։ Եւ մինչ ՛ի
Line: 25    տաճարէ անտի ելանէր իշխանն ընդ ճանապարհ
Line: 26    պարտիզայար ծաղկոցացն, ՛ի գիշերի յառաջին
Line: 27    պահուն անվահան եւ թուր միայն ունելով, ուր
Page: 255   Line: 1    ապառազինեալ սուրհանդակ պահապանացն ջոկք՝
Line: 2    անհոգ եւ անվեհեր ՛ի դրունս պալատանն անկեալ
Line: 3    կային ընդ քնով, առեալ չարաբարոյ Ենիբայ
Line: 4    դաւաճանողին վարազային զվաղրն արքունական՝
Line: 5    զսուսերն պողովատիկ եւ զվահանն ոսկեխնձոր,
Line: 6    դաւով յառաջապահ լինէր ՛ի պատճառս եւ ըստ
Line: 7    օրինակի զինակրութեան. եւ ինքն անօրէն նենգաւորն
Line: 8    ՛ի ծածուկ վառեալ ագեալ էր զրահս ՛ի
Line: 9    ներքոյ պատմուճանին իւրոյ։ Ապա իբրեւ հասանէին
Line: 10    ՛ի միջնավայր անդր բուրաստանին եւ մերձ
Line: 11    էին ՛ի պարոյկ որմոյ, որ պարունակեալ էր զլայնատարած
Line: 12    արքունական բանն, որպէս այլով ամենայնիւ
Line: 13    իմաստայեղց էր անվկանդն Ջիւանշիր,
Line: 14    այժմ եւս գիտաց զնենգութիւն սպանողին պիտակահոյլ
Line: 15    դաւոյն. եւ ՛ի հնչիւն ձայնի վառելոյ
Line: 16    զրահին պակուցեալ սրտաբեկ լինէր՝ համարելով,
Line: 17    թէ աշխարհախումբ խորհուրդ է վասն իւրոյ
Line: 18    սպանմանն, եւ լռելեայն ՛ի տաճարն կամէր դառնալ։
Line: 19    Իսկ անօրէն սպանողն զսուսերն թերաքամեալ
Line: 20    ունելով՝ յանկարծակի յետուստ կողմանէ
Line: 21    հարկանէր զիշխանն արի սաստիկս վիրաւորեալ,
Line: 22    զի մերկ էր ՛ի զրահից, այլ չկարէր ստէպ զնա
Line: 23    յաղթահարել. որով եւ աճապարէր նա որպէս առիւծ
Line: 24    մռնչող ձեռն ՛ի գործ արկանել սուսերաւն։
Line: 25    Բայց զի զօրութիւն բարձրելոյն հեռացեալ
Line: 26    էր ՛ի նմանէ՝ մատնելով զնա ՛ի ձեռս ձեռնասուն
Line: 27    սիրելւոյն նորա, յառաջնում նուագին
Page: 256   Line: 1    իբրեւ ՛ի վերայ նորա յարձակէր սուսերաւն՝ նորա
Line: 2    յասպարն առեալ ընդդիմամարտեալ արձանանայր.
Line: 3    եւ խրեալ զզէնն ՛ի սերտ վահանն՝ ոչ կարէր
Line: 4    հանել զսուրն եւ անդրէն ամփոփել ամենեւին։
Line: 5    Իսկ նա լցեալ վիրագային գազանութեամբ
Line: 6    զայրագնեալ վիրաւորէր զամենայն մարմինն նորա,
Line: 7    եւ իբրեւ զթիւնաւոր օձ խածանող սրտմտութեամբ
Line: 8    նրանակոտոր եւ վաղակաւոր խոցոտմամբ՝
Line: 9    անխայաբար յերկիր ընկենոյր զիւր տէրն. եւ յոգւոյն
Line: 10    ՛ի ծոցն թափիլ՝ վարկանելով տիրասպանին
Line: 11    կիսամահ զնա արարեալ՝ զանխլաբար արտաքս
Line: 12    ելանէր՝ յիւրն երթալով տուն, կեղծաւորեալ ոչ
Line: 13    տալ կարծիս, որպէս թէ յանգէտս ՛ի տան նընջեսցէ։
Line: 14    Եւ ահա անդուստ ուրեմն իրազգած լեալ
Line: 15    իրացն եղելոց՝ գոյժ աղմկի խռովութեան հնչէր
Line: 16    եւ կաճար ամբոխին բազմանայր. յորոց մի ոմն
Line: 17    յեղբայրական հարազատաց վրիժապարտին՝ զեկուցեալ
Line: 18    նմա զոճիրս իրացն զոր գործեալ էր,
Line: 19    անդէն փութապէս հեծեալ նա յերիվար փախըստական
Line: 20    լինէր։ Յայնժամ պատրիկ ոմն քեռորդի
Line: 21    իշխանին՝ առեալ զիւր ամեհականն լէգէոն գնդի
Line: 22    յիսնեակսն զկնի ելանէր մահապարտին, բայց ոչ
Line: 23    զգացեալ հասանել նմա վասն նախափախուստ
Line: 24    լինելոյն, ՛ի վերնակողմն երթային յԱրցախունեաց
Line: 25    գաւառն նմին իրաց քինախնդիր. եւ զտուն հօր
Line: 26    նորա աւարեալ քանդէին հրդեհաբոց կիզմամբ,
Line: 27    եւ զմետաքսառէչ եւ զկերպասանիւթ դիպակս, եւ
Page: 257   Line: 1    զգոյնագոյն կապերտս, զոսկի եւ զարծաթ եւ զընտիր
Line: 2    ընտիրս կահուց եւ սպասուց աւար առեալ. եւ
Line: 3    ինքեանք ողորմագոչ արտասուօք անդրէն դառնային,
Line: 4    լային զիշխանն եւ աշխարէին։ Այլ զի դեռ
Line: 5    շունչ նորա ՛ի նմա կայր, սուղ ինչ աւուրս տեւէր
Line: 6    կենդանի. եւ որդւոց իւրոց իւրաքանչիւրումն
Line: 7    զգանձս եւ զպատիւս յայտ առնելով՝ կարգէր զնոսա
Line: 8    ՛ի բաժինս նոցին. եւ ՛ի դժնդակ վիրացն պակասեալ
Line: 9    վախճանէր։

Line: 10       Յայնմ ժամանակի ոչ սակաւ խռովութիւն
Line: 11    լինէր աշխարհիս. զի կուտեալ զինեալ խուռն
Line: 12    կաճառացն, եւ մեծամեծ նախարարացն ժողովեալ,
Line: 13    եւ ամենայն երկիրն առհասարակ վայիւք
Line: 14    լի եղեալ՝ ողբային զիշխանն կականաւոր եւ դժընդակ
Line: 15    գոչմամբ. որ այնպէս անտանելի սուգ եւ
Line: 16    անհնարին բեկումն աշխարհիս հասոյց։ Յայնժամ
Line: 17    ճարտասան ոմն ՛ի մէջ անցեալ, տեղեակ արհեստական
Line: 18    իմաստից, Դաւթակ անուն կոչեցեալ՝
Line: 19    հնարագիւտական վարժիւքն յաջողակ եւ վերծանական
Line: 20    քերթութեամբ յառաջադէմ, յառատաբեր
Line: 21    բանից պաճուճանացն ճարտարութեամբ եւ քաջապէս
Line: 22    հրատարակող, լեզու ունելով նման երագագիր
Line: 23    գրչի, սա յոլով աւուրբք յառաջ ժաման
Line: 24    էր ՛ի դրան արքունի։ Եւ իբրեւ հասանէր օրհասական
Line: 25    շշուկն ՛ի վերայ արեւելից աշխարհիս սակս
Line: 26    յանկարծահաս սպանման մեծի զօրավարին, յայնժամ
Line: 27    սկսաւ նա երգել ըստ ալֆաֆիտաց գլխակագութեանց
Page: 258   Line: 1    զողբս զայս ՛ի վերայ բարեացապարտին
Line: 2    Ջիւանշիրի, եւ ասէր այսպէս.



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.