TITUS
Movses Kalankatowaci, Patmowtiwn Alowanic Asxarhi
Part No. 66
Previous part

Chapter: 36  
Page: 261  
Line: 7 
ԳԼՈՒԽ Լ՜Զ.

Line: 8  Վասն Վարազ Տրդատայ լինել իշխան յաթոռ Ջիւանշիրի,
Line: 9  եւ Հոնաց վրէժխնդրութիւն նորին մահուան, եւ
Line: 10  սորա առ նոսա առնել խաղաղութիւն։


Line: 11       Եղեւ յետ այնորիկ իբրեւ մեկնէր տրտմութիւնն,
Line: 12    փարատէր սուգն եւ փոքր մի տարակուսական
Line: 13    աղետիցն լինէր մոռացումն, յայնժամ
Line: 14    տեարք տոհմից, կուսակալք, մեծամեծք, նախարարք
Line: 15    եւ ամենայն իշխանք աշխարհացն այնոցիկ
Line: 16    ժողովեալք առ մեծ արքեպիսկոպոսն Եղիազար՝
Line: 17    խորհուրդս բարեաց վասն խաղաղութեան խորհէին
Page: 262   Line: 1    եւ շինութեան աշխարհիս Աղուանից՝ եւ մտադիւր
Line: 2    մտածութեամբ հոգացեալ սակս իշխանութեան՝
Line: 3    հաճեցան առժամայն ընտրել հաւանութեամբ
Line: 4    զնախարար ոմն, որ մեծարեալ էր կայսերակերպ
Line: 5    պատուով զապեհի պատրկութեան
Line: 6    ստացեալ պատիւ, որոյ անուն Վարազ Տրդատ,
Line: 7    որդի Վարազ Պերոժի՝ եղբօր Ջիւանշիրի։ Եւ
Line: 8    սրտայօժար կամակցութեամբ իշխանք աշխարհին
Line: 9    եւ կաթուղիկոսն ճեպեցին մեծաւ փութով հասանել
Line: 10    ՛ի կատարումն գործոյն. եւ անդրէն ամենայն
Line: 11    մեծամեծքն առ հասարակ զնշան կենդանատեսակ
Line: 12    դրօշիցն վառելոց ՛ի ձայն փողոյ հռչակեալ,
Line: 13    առեալ կացուցանէին զնա ՛ի վերայ ոսկեհանգոյց
Line: 14    վահանին եւ երիցս վերաբերելով՝ ներբողականս
Line: 15    հնչէին բարբառս։ Եւ այսպէս մեծաւ ուրախութեամբ
Line: 16    աւանդեալ նմա զպատիւ նախագահ իշխանութեանն
Line: 17    հայրենական գահոյին՝ օժտաբեր եւ
Line: 18    ընծայաբեր լինէին նորոգ նորա տէրութեանն,
Line: 19    որ նախ յառաջ քան զայս արի այրն Վարազ
Line: 20    Տրդատ հզօրիմաց հանճարով գերագոյն յոյժ ցուցանելով
Line: 21    ամենեցուն զսէր խնամակալ բարեկամութեան,
Line: 22    իբրեւ յայն իսկ հասանէր իշխանութեան
Line: 23    գահ, թէպէտեւ անբեղոյ միտս ունէին ընդ
Line: 24    նմա ոմանք ՛ի մախայորդոր տոհմակցացն, բայց
Line: 25    նա ՛ի ձեռն իմաստակիր եւ քաղցրահամբոյր խօսից
Line: 26    նուաճէր եւ յինքն յանկուցանէր զամենեցուն
Line: 27    սիրտ, եւ երկայնամիտ հեզութեամբն հնազանդեցուցանէր
Page: 263   Line: 1    զաշխարհն ըստ սովորական իւրոյ տէրութեանն.
Line: 2    եւ ՛ի նոյն աճապարեալ՝ ունէր զհըռչակաւոր
Line: 3    մայրաքաղաքն Պարտաւ։ Յայնմ ժամանակի
Line: 4    զօրավարին եւ մեծ իշխանին Հոնաց Աղփիւղի
Line: 5    Թուերոյ առեալ զբազմութիւն զօրաց իւրոց,
Line: 6    եւ որք ուստեք ուստեք եկեալ էին առ նա
Line: 7    աշխոյժազնեայք յաշխարհէն Գովգոյ՝ ՛ի զէն եւ ՛ի
Line: 8    զարդ վառելոց զօրապետաց՝ դրօշիւք եւ գնդիւք
Line: 9    մկնդակազգեստ աղեղնաւորաց, եւ սպառազէն հեծելոց
Line: 10    զրահեալք եւ սաղաւարտեալք՝ իբրեւ թէ
Line: 11    վրէժխնդիրք արեանն Ջիւանշիրի. ասպատակ
Line: 12    սփռեալք յաշխարհն Աղուանից եւ առ ստորոտով
Line: 13    մեծ լերինն Կովկասու եւ յաւանս Կապաղանայ
Line: 14    գաւառին, ինքն իւրովի յօգնական գնդիւն ընդ
Line: 15    հովիտս դաշտացն ճախր առեալ՝ անցանէր յՈւտի
Line: 16    գաւառ ընդ գետն Կուր։ Եւ ահա սաստիկս ամփոխեալ
Line: 17    զմարդ եւ զանասուն աշխարհին, աւար
Line: 18    առեալ գերէին զամենայն. եւ ինքեանք անդրէն
Line: 19    դարձեալ՝ բնակէին ՛ի կողմանս դաշտին առ սահմանօքն
Line: 20    Լփնաց։ Իսկ իբրեւ ետես իշխանն Աղուանից
Line: 21    Վարազ Տրդատ զայն ամբոխ բազմութեան
Line: 22    գնդին՝ զի ասպատակ սփռեալ գերէին, քանդէին
Line: 23    զամենայն, նեղեցաւ յոյժ եւ տարակուսեցաւ։ Ապա
Line: 24    առաքէր պատգամ առ իշխանն Հոնաց զմեծ
Line: 25    եպիսկոպոսապետն Եղիազար՝ ցուցանելով ՛ի ձեռն
Line: 26    նորա զիւր միամիտ հաւատարմութիւն եւ զսէրն,
Line: 27    զոր ունէր առ նա մտերմաբար իբրեւ եղբօր սիրելւոյ,
Page: 264   Line: 1    եւ թէ չեղաք մեք հաղորդ սպանմանն
Line: 2    Ջիւանշիրի, այլ ՛ի ձեռն վատանշան առն միոյ
Line: 3    նուազագունի եղեն ոճիրքն անհնարին չարեաց։
Line: 4    Զայս ամենայն խօսեցաւ կաթուղիկոսն Աղուանից
Line: 5    առաջի հիւղականին Հոնաց, որոյ յաւելեալ
Line: 6    եւ զայլ բանս աստուածայինս զանգիտականս՝
Line: 7    մերձեցուցանէր զնա յերկիւղ եւ ՛ի սէրն Աստուծոյ,
Line: 8    եւ նուաճէր զմիտս նորա ՛ի հաշտութիւն եւ
Line: 9    ՛ի սէր անքակտելի. եւ ապա հաւանական մտօք
Line: 10    զիշխանն Հոնաց օգնական եւ թիկունք նորա իշխանութեանն
Line: 11    առնէր։ Եւ ինքն չուեալ անտի՝
Line: 12    անցանէր գնայր յաշխարհն իւր։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.