TITUS
Movses Kalankatowaci, Patmowtiwn Alowanic Asxarhi
Part No. 74
Previous part

Chapter: 44  
Page: 298  
Line: 1 
ԳԼՈՒԽ Խ՜Դ.

Line: 2  Թուղթ իշխանին Հոնաց ՛ի նոյն խորհուրդ յաշխարհն
Line: 3  Հայոց։


Line: 4       "Առ սուրբ եպիսկոպոսապետ Հայոց Մեծաց՝
Line: 5    Սահակ, եւ մեծագով իշխանդ՝ Գրիգոր Հայոց զօրապետ,
Line: 6    ողջոյն շատ։

Line: 7       "Յըսկզբանէ լինելութեան երկրի անգիտութեամբ
Line: 8    խաւարեալ մառախլապատ միգով հարքն
Line: 9    մեր ննջեցին ՛ի դժոխս. իսկ զեկեալն փրկութիւն
Line: 10    աշխարհի զվերինն Աստուած յերկիր եկեալ զՔրիստոս՝
Line: 11    ՛ի լուր ականջաց լուաք իբրեւ ընդ աղօտ
Line: 12    եւ յարշաւանաց մերոց յաշխարհդ յայդ եւ որ մօտ
Line: 13    առ մեզ տունդ Աղուանից, զմի հաւատս ունողք
Line: 14    այժմ դուք եւ ամենայն տիեզերք, նախանձ բարի
Line: 15    եւ ՛ի մեր տնկեցաւ ՛ի սրտի, եւ բանն Քրիստոսի
Line: 16    Աստուծոյ մերոյ լցեալ կատարեցաւ՝ եւ ՛ի ծագս
Line: 17    հիւսիսայնոցս քարոզել զաւետարանն նորա, զոր
Line: 18    բովանդակապէս ուսաք ՛ի լաւագոյն առնէ միոջէ
Line: 19    Իսրայէլէ՝ Մեծկողմանց եղելոյ եպիսկոպոսի։ Եւ
Line: 20    այժմ զեղեալ առ մեզ սքանչելիս յեկելոցդ լուեալ
Line: 21    ձեր՝ եւ զհայցումն մեր կատարել ախորժեսջիք,
Line: 22    զնոյնդ առաքել մեզ տեսուչ. եւ ՛ի սրբոյ հայրապետէն
Line: 23    Եղիազարէ խնդրեալ է մեր. եւ զձեզ գործակից
Line: 24    եւ հաւատակից նմա գիտելով՝ աղերսեմք
Line: 25    յերկաքանչիւրոցդ կատարել զմեր հոգեւոր խընդիրս։
Page: 299   Line: 1    Զի սակս նորա լինելոյ առ ձեզ արշաւանք
Line: 2    զօրացս խուժադուժ ազգաց յաշխարդ ձեր արգելեալ
Line: 3    փակեալ լինիցի՝ մեր մի հաւատ լինելով։
Line: 4    Ողջ լերուք"։

Line: 5       Արդ իբրեւ եկին հասին նոքա յաշխարհն Աղուանից
Line: 6    եւ Հայոց եւ տուեալ ողջոյն պատմելով
Line: 7    զամենայն զոր ինչ արար Աստուած ՛ի ձեռն նորա
Line: 8    աշխարհին Հոնաց, մատուցին զթուղթսն մեծի
Line: 9    իշխանին Հոնաց՝ եւ մեծաւ խնդութեամբ ընկալեալ
Line: 10    նոցա եւ ամենայն աշխարհին՝ առնեն պատասխանի
Line: 11    զայս.



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.