TITUS
Movses Kalankatowaci, Patmowtiwn Alowanic Asxarhi
Part No. 76
Previous part

Chapter: 46  
Page: 302  
Line: 8 
ԳԼՈՒԽ Խ՜Զ.

Line: 9  Դաւթի Մեծկողմանց եպիսկոպոսի վասն պատկերաց եւ
Line: 10  նկարագրութեանց հայցուած ՛ի Յովհաննէ
Line: 11  Մայրագոմեցւոյ։


Line: 12       Ընդ այն ժամանակս, յոր դեռեւս վարէր
Line: 13    զհայրապետութիւնն Աղուանից տէր Ուխտանէս
Line: 14    եւ զկնի նորա Եղիազար, խռովութիւնք եւ հերձուածք
Line: 15    բազումք ՛ի կողմանս կողմանս գիտնաւորաց
Line: 16    եւ տգիտաց լինէին, մարտ եւ մրցումն Յունաց
Line: 17    եւ Հայոց. եւ աշխարհն Աղուանից անվրդով
Line: 18    մնայր յայնցանէ։ -- Եհաս համբաւ իմն առ նոսա,
Line: 19    եթէ ոմանք պատկերս ոչ ընդունին, ոմանք մկըրտութիւն
Line: 20    ոչ առնեն, ոչ աղ օրհնեն եւ ոչ պսակ
Line: 21    դնեն հարսանեաց. յայս պատճառս, թէ քահանայութիւն
Line: 22    բարձեալ է յերկրէ։ Վասն որոյ Դաւիթ
Line: 23    եպիսկոպոս Մեծկողմանց խնդրեաց գրով ՛ի
Line: 24    Յովհաննէ վարդապետէ Հայոց զպատճառս իրացն.
Page: 303   Line: 1    եւ նա արար հմուտ այնմ ճշմարտապէս՝ այսպէս
Line: 2    ասացեալ. "եթէ աղանդդ այդ յետ առաքելոցն
Line: 3    երեւեցաւ, եւ պատկերամարտութիւն նախ ՛ի Հոռոմս
Line: 4    երեւեցաւ. վասն որոյ ժողով մեծ եղեւ ՛ի
Line: 5    Կեսարիա. հրամայեցին նկարել զպատկերս ՛ի
Line: 6    տանն Աստուծոյ։ Բայց բարձրամտեալ նկարչաց՝
Line: 7    զինքեանս գերագոյն կամէին լինել քան զամենայն
Line: 8    արուեստաւորս եկեղեցականս եւ ասէին.
Line: 9    "մեր արուեստս լոյս է, զի ծերք եւ տղայք առհասարակ
Line: 10    վերծանեն. իսկ զԳիրս սուրբս սակաւք
Line: 11    ընթեռնուն"։ Աստանօր աղմկեալ կրկին լինի
Line: 12    ժողով. եւ քննեալ արդարացուցին զգրիչս եւ զվերծանօղս
Line: 13    եւ զմեկնիչս եւ եդին յառաջ քան զնկարիչս։
Line: 14    Եւ անտի մինչեւ ցՄովսէս Հայոց կաթուղիկոսն
Line: 15    այն աղանդ հերձուած ինչ էր յայտնեալ.
Line: 16    ապա ընդ երկուանալն հայրապետութեան
Line: 17    Հայոց՝ էր մեծ մարտ ընդ Մովսէս եւ ընդ Թէոդորոս
Line: 18    Կարնոյ եպիսկոպոս, զոր փիլիսոփայապետն
Line: 19    կոչէին. եւ ուղղափառքն աղարտէին զՀոռոմոց
Line: 20    զամենայն կրօնսն։ Եւ առնէր ժողով Մովսէս
Line: 21    իւր կողման վարդապետացն եւ հրամայէր
Line: 22    ամենեւին ոչ հաղորդել ընդ Հոռոմս՝ հնազանդեալս
Line: 23    քաղկեդոնական ժողովոյն... մի́ գիրս, մի́ պատկերս
Line: 24    եւ մի́ նշխարս ՛ի նոցանէ ընդունել։ Յայնժամ
Line: 25    Թէոդորոս ետ հրաման ժողովիլ եպիսկոպոսացն
Line: 26    Հայոց, որ ՛ի նորայն կողմանն, ՛ի Կարնոյ
Line: 27    քաղաք եւ ասէ. "պարտ է մեզ առնել կաթուղիկոս".
Page: 304   Line: 1    եւ ածին զՅովհան ոմն Սիւնական,
Line: 2    ձեռնադրեցին եւ հնազանդեցան քաղկեդոնական
Line: 3    կրօնիցն. եւ ոչ ոք ՛ի նոցանէ եղեւ խնդրող ուղղափառ
Line: 4    հաւատոց՝ բաց յԵնովսայ երանելւոյ, որ
Line: 5    գնաց ՛ի նոցանէ եւ եկն առ Մովսէս կաթուղիկոս,
Line: 6    զոր ուրախութեամբ ընկալան։ Մովսէս նըստէր
Line: 7    ՛ի Դուին կաթուղիկոս. պատշաճեցին եւ Հռովմայեցիքն
Line: 8    Յովհաննու զկաթուղիկոսարան յԱւանի՝
Line: 9    մօտ առ միմեանս. եւ էր խռովութիւն ՛ի միջի
Line: 10    նոցա՝ չընդունելով զՅովհաննու ձեռնադրեալսըն։
Line: 11    Ապա Յեսու անուն քահանայ եւ Թադէոս եւ
Line: 12    Գրիգոր, որք ՛ի Մովսիսի կողմանէն էին, գնացին
Line: 13    ՛ի Դունայ եւ ելին ՛ի Սոթից գաւառն բնակելով
Line: 14    յանապատս, զի կրօնաւորք էին. եւ սկսան
Line: 15    ուսուցանել, եթէ զպատկերս, որ յեկեղեցիսն են
Line: 16    նկարել ՛ի բաց ջնջեցէք եւ ընդ աշխարհական
Line: 17    քահանայս մի́ հաղորդիք։ Եղեւ խռովութիւն ՛ի
Line: 18    գաւառին. եւ համբաւն եհաս առ Մովսէս հայրապետն,
Line: 19    որ իսկոյն գրեաց, թէ փութով այսրէն
Line: 20    եկայք։ Եւ նոքա ոչ անսացին հրամանին, այլ
Line: 21    անտի գնացեալ բնակեցան ՛ի ձերում Արցախական
Line: 22    գաւառի։ Եւ հարցեալ հայրապետին զգիտնաւորս
Line: 23    իւր, եթէ զիարդ են այնց մարդկան
Line: 24    գործք, նոքա զոր վասն հռովմայականին էր թիւրութիւն՝
Line: 25    ետուն պատճառս. ապա գրեցին նամակ,
Line: 26    թէ մի́ ոք իշխեսցէ խոտել զնկարս որ յեկեղեցիս
Line: 27    են։ Եւ ՛ի վախճանել հայրապետին Մովսեսի
Page: 305   Line: 1    եւ ՛ի տիրելն Խոսրովու Հայոց՝ միաւորեցաւ
Line: 2    երկիրն. եւ նստուցին հայրապետ զԱբրահամ
Line: 3    ճշմարիտ եւ ընտիր այր, որ զժողովն Քաղկեդոնի
Line: 4    նախ եբարձ նզովիւք, եւ ապա ձեռնադրեցաւ։
Line: 5    Իսկ պատկերամարտքն, որ իջին յԱղուանս՝ պըղտորեցին
Line: 6    զերկիրդ ձեր։ Ապա Գարդմանայ տէրն
Line: 7    կալեալ զերեսին արսն, որոց անուանն ՛ի թըղթիդ
Line: 8    են, ետ կապանօք ածել ՛ի Հայս. եւ եղեալ
Line: 9    նոցա յանդիման մեզ՝ հարցաք. "թէ յոր պատճառս
Line: 10    չընդունիք զմարմնացելոյ Աստուծոյ զպատկերն".
Line: 11    ետուն պատասխանի՝ "թէ արտաքոյ է
Line: 12    պատուիրանաց եւ եթէ կռապաշտից է գործդ այդ,
Line: 13    որոց զամենայն արարածս ՛ի պաշտօն էր առեալ.
Line: 14    մեք ոչ պագանեմք երկիր պատկերաց, զի ոչ
Line: 15    ունիմք հրաման ՛ի Գրոց"։ Ապա մեր յայտ ա
Line: 16    րարեալ զՄովսիսականն ՛ի խորանին նկարակերտութիւն
Line: 17    եւ զՍողոմոնեան տաճարին զանազան
Line: 18    քանդակագործութիւնսն՝ զնոյնն նկարագրեալ եւ
Line: 19    ՛ի մեր եկեղեցիս։ Զայս եւ զսոցին նմանս ասացեալ՝
Line: 20    զթիւրութիւն նոցա ուղղեցաք։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.