TITUS
Movses Kalankatowaci, Patmowtiwn Alowanic Asxarhi
Part No. 106
Previous part

Chapter: 24  
Page: 390  
Line: 16 
ԳԼՈՒԽ Ի՜Դ.

Line: 17  Անուանք հայրապետացն Աղուանից, ամք եւ գործք
Line: 18  նոցին։


Line: 19       Սակս հայրապետական անուան պարտ եւ
Line: 20    պատշաճ վարկանելի էր զստոյգն առ յիշատակի
Line: 21    դրոշմել ՛ի գրիս։ Բայց զի ՛ի սկզբանցն հոլովեալ
Line: 22    նախաշաւիղ առաջնորդացն գորք եւ ժամանակք
Line: 23    եւ անուանք հրկէզ եղեալ են յանօրինաց, եւ կտակարանք
Line: 24    եւ սպասք եւ տեղիք կալոյ նոցա մեզ անյայտք
Line: 25    եւ ոչ բերեալ ՛ի լուր. զայս փոքր ՛ի շատէ
Page: 391   Line: 1    արտայայտեալ բացատրեցաք առ ՛ի գիտութիւն
Line: 2    այնոցիկ, որք փոյթ յանձին կալեալ իցեն
Line: 3    զայսմ խնդրոյ։

Line: 4       Արդ առաջին պատճառ լուսաւորութեան
Line: 5    մերոյ է

Line: 6       Սուրբն Եղիշայ՝ աշակերտ սուրբ առաքելոյն
Line: 7    Թադէոսի, որ ձեռնադրեցաւ յԵրուսաղէմ ՛ի ձեռաց
Line: 8    սրբոյն Յակոբայ։ -- Սա եկն լուսաւորիչ երից
Line: 9    աշխարհաց՝ Չորայ, Լփնաց եւ Աղուանից, եւ
Line: 10    ՛ի սոյն կատարեցաւ վկայութեամբ։

Line: 11       Սուրբ մանուկն Գրիգորիս՝ թոռն սրբոյն
Line: 12    Գրիգորի Լուսաւորչին Հայոց։

Line: 13       Սուրբն Շուփհաղիշու, Աղուանից
Line: 14    արքեպիսկոպոս։

Line: 15       Տէր Մատթէոս։
Line: 16       Տէր Սահակ։
Line: 17       Տէր Մովսէս։
Line: 18       Տէր Պանդ։
Line: 19       Տէր Ղազար։
Line: 20       Տէր Գրիգոր։
Line: 21       Տէր Զաքարիա։
Line: 22       Տէր Դաւիթ։
Line: 23       Տէր Յովհան։

Line: 24       Տէր Երեմիա։ -- ՛Ի սորա աւուրս արար գիր
Line: 25    Աղուանից երանելին Մաեսրոպ, որ եւ Հայոց եւ
Line: 26    Վրաց ետ նշանագիր ջանիւ մեծաւ։

Line: 27       Տէր Աբաս, որ ՛ի սկզբան թուականիս Հայոց
Page: 392   Line: 1    փոխեաց զաթոռ հայրապետութեանն ՛ի Չորայ
Line: 2    ՛ի Պարտաւ՝ կալեալ ամս քառասուն եւ չորս,
Line: 3    յեպիսկոպոսութենէն Մեծիրանց կոչեցեալ։ -- Առ
Line: 4    սովաւ կալան սովորութիւն գրել ՛ի պարուակի
Line: 5    թղթոյն "Աղուանից, Լփնաց եւ Չորայ կաթուղիկոսի"։
Line: 6    Եւ առ սա գրեցին ՛ի ժողովոյն Դունայ՝
Line: 7    ասել "Մի բնութիւն աստուածութեան եւ մարդկութեանն
Line: 8    Քրիստոսի", եւ յաւելուլ ՛ի Սուրբ Աստուածն
Line: 9    "անմահ եւ խաչեցար"։

Line: 10       Տէր Վիրոյ, ամս երեսուն եւ չորս։ -- Սա թափեաց
Line: 11    զգերեալսն Հայոց, Վրաց եւ Աղուանից ՛ի
Line: 12    Շաթայ Խազրէ. եւ սա խնդրեաց ՛ի Խոսրովայ
Line: 13    Պարսից արքայէ գրել ՛ի պատիւ Գարդմանայ
Line: 14    տեառն իշխանացն Աղուանից ՛ի վերայ թղթոց
Line: 15    "առ կուսակալս աշխարհին", զոր դեռեւս գրեն։

Line: 16       Տէր Զաքարիա, այր սուրբ, ամս տասն եւ
Line: 17    հինգ։ -- Սա յերաշխի էառ զմեծ քաղաքն Պարտաւ,
Line: 18    եւ աղօթիւք իւրովք զերծոյց ՛ի գերութենէ
Line: 19    զբազում անձինս. եւ ձեռնադրեաց եպիսկոպոս
Line: 20    Սիւնեաց զՎրթանէս ոմն անուն յանհաւանութենէ
Line: 21    Հայոց։

Line: 22       Տէր Յովհան, ամս քսան եւ եօթն, յեպիսկոպոսութենէ
Line: 23    Ամարասայ կոչեցեալ յաթոռն։

Line: 24       Տէր Ուխտանէս, ամս տասն եւ երկու։ -- Սա
Line: 25    անէծ զնախարարս Աղուանից վասն ազգաշաղախ
Line: 26    խառնակման նոցա։

Line: 27       Տէր Եղիազար, ամս վեց, յեպիսկոպոսութենէն
Page: 393   Line: 1    Շաքւոյ։ -- Սա եգիտ զսուրբ խաչն՝ զծածկեալն
Line: 2    ՛ի Մեսրոպայ ՛ի Գիս գեօղն, եւ ՛ի նոյն
Line: 3    կենարար փայտէն մասն առեալ եդ ՛ի հարիւր
Line: 4    քսան դահեկանի ոսկւոջ, եւ գրեաց ՛ի վերայ,
Line: 5    "Եթէ Եղիազարու է". եւ կարգ եդ յօր խաչին
Line: 6    տօնել ՛ի Գիս։

Line: 7       Տէր Ներսէս, յեպիսկոպոսութենէն Գարդմանայ,
Line: 8    ամս տասն եւ եօթն։ -- Սա վրիպեալ ՛ի
Line: 9    մտաց՝ կամեցաւ աղմկել զսեպհական տունս Աղուանից՝
Line: 10    խոտորեալ ՛ի կրօնն Քաղկեդոնի։

Line: 11       Տէր Սիմէոն, ամ մի եւ կէս։ -- Սարկաւագապետ
Line: 12    էր աթոռոյն Աղուանից, եւ եդ կանոնս եօթն
Line: 13    տուն։

Line: 14       Տէր Միքայէլ, ամս երեսուն եւ եօթն։ -- Սա
Line: 15    էր սարկաւագապետ ՛ի Շաքւոյ, եւ սորա կոչեցեալ
Line: 16    զՄաքենոցացն հայր Սողոմոն, եւ անէծ
Line: 17    զտեարս Աղուանից, որք զերից ազգաց ծնունդս
Line: 18    ամուսնացեալ էին, որոց առժամայն հասեալ պատուհաս՝
Line: 19    սպառեցան։ Ընդ որս եւ նզովեցին զԹալիլէ
Line: 20    Վրաց առաջնորդն, զի հրաման տայր անօրէն
Line: 21    ամուսնութեան։

Line: 22       Տէր Անաստաս, ամս չորս։

Line: 23       Տէր Յովսէփ, ամս տասն եւ եօթն։ -- ՛Ի սորա
Line: 24    հինգերորդ ամին լցաւ երկուհարիւր ամն թուոյն
Line: 25    Հայոց։ Սա եկեալ էր յաթոռն յեպիսկոպոսութենէն
Line: 26    Ամարասայ։

Line: 27       Տէր Դաւիթ ամս չորս։ -- Եւ սա յԱմարասայ
Page: 394   Line: 1    եպիսկոպոսութենէն կացեալ յաթոռն՝ թափեաց
Line: 2    զհող եւ զսպաս սրբութեանց, եւ դեղ մահու
Line: 3    արբեալ ՛ի դաւողաց վախճանի։

Line: 4       Տէր Դաւիթ, ամս ինն. յեպիսկոպոսութենէն
Line: 5    Մեծկուենից։ -- Սա վաճառեաց անօրինաց
Line: 6    զդաստակերտն եւ զսահմանախաչն։

Line: 7       Տէր Մատթէ, ամ մի եւ կէս, յեպիսկոպոսութենէն
Line: 8    Կապաղակայ եւ Սաղքաւայ։

Line: 9       Տէր Մովսէս, ամս երկու։
Line: 10       Տէր Ահարոն, ամս երկու։
Line: 11       Տէր Սողոմոն, կէս ամ։

Line: 12       Տէր Թէոդորոս, ամս չորս. յեպիսկոպոսութենէն
Line: 13    Գարդմանայ։

Line: 14       Տէր Սողոմոն, ամս տասն եւ մի եւ կէս։

Line: 15       Տէր Յովհաննէս, ամս քսան եւ հինգ։ -- Սա
Line: 16    փոխեաց զկաթուղիկոսարանն ՛ի Բերդակուր իւրեանց
Line: 17    հովոցաց տեղին, յորժամ հանաւ ՛ի
Line: 18    Պարտաւայ։

Line: 19       Տէր Մովսէս, կէս ամ։

Line: 20       Տէր Դաւիթ, ամս քսան եւ ութ. յեպիսկոպոսութենէն
Line: 21    Կապաղակայ։ -- Սա օրհնեաց զանօրէն
Line: 22    ամուսնութիւնն Շաքւոյ տեառն, եւ նոյն իշխանի
Line: 23    աշխարհական եղբայրն գիտացեալ հարցանէ
Line: 24    զնա եւ ասէ. "Ուստի՞ գաս՝ տէր". եւ նա
Line: 25    ասէ "՛Ի տանէ եղբօր քո". եւ ասէ իշխանն ցԴաւիթ.
Line: 26    "Լեզուդ, որ օրհնեաց՝ մի́ խօսեսցի, եւ աջդ
Page: 395   Line: 1    չորասցի". եւ առժամայն եղեւ այնպէս եւ ոչ բժըշկեցաւ
Line: 2    մինչեւ ՛ի մահ նորա։

Line: 3       Տէր Յովսէփ, ամս քսան եւ հինգ, յեպիսկոպոսութենէն
Line: 4    Մեծկուենից։ -- ՛Ի սորա յերրորդ
Line: 5    ամին լցաւ թիւն Հայոց երեք հարիւր։

Line: 6       Տէր Սամուէլ, ամս տասն եւ եօթն. յեպիսկոպոսութենէն
Line: 7    Մեծկուենից։ -- Անձամբ առեալ
Line: 8    սորա զպատիւն եւ յետոյ լուծեալ ՛ի Գէորգայ
Line: 9    կաթուղիկոսէ Հայոց, առնու զերկրորդ ձեռնադրութիւն
Line: 10    ՛ի նմանէ ՛ի Դուին։

Line: 11       Տէր Յովնան, ամս ութ եւ կէս։ -- Սա էր դրան
Line: 12    եպիսկոպոս Հայոց. եւ մինչդեռ ՛ի գերութեան
Line: 13    էր Գէորգ՝ սա գայ յԱղուանս, եւ անդէն ձեռնադրի
Line: 14    առանց կամաց տեառն Գէորգայ։ Եւ իբրեւ
Line: 15    գնեցին զտէր Գէորգ իշխանքն Աղուանից, լուծանէ
Line: 16    զնա ՛ի պատւոյն. բայց աղաչեալ զնա իշխանացն
Line: 17    Աղուանից վասն երախտեացն որ առ
Line: 18    նա՝ կրկին ձեռնադրէ զնա։

Line: 19       Տէր Սիմէոն, ամս քսան եւ մէկ։ -- Սա էր
Line: 20    դրան եպիսկոպոս սուրբ աթոռոյն, որ առաւել
Line: 21    զարդարեաց սպասիւք զխաչն սուրբ։

Line: 22       Տէր Դաւիթ, ամս վեց։ -- Սա էր յառաջնորդութենէն
Line: 23    Փառիսոսոյ վանաց։

Line: 24       Տէր Սահակ, ամս տասն եւ ինն, յեպիսկոպոսութենէն
Line: 25    Մեծկուենից։

Line: 26       Տէր Գագիկ, ամս տասն եւ չորս, յեպիսկոպոսութենէն
Page: 396   Line: 1    Գարդմանայ։ -- ՛Ի սորա չորրորդ
Line: 2    ամին լցաւ թիւն Հայոց չորք հարիւր։

Line: 3       Տէր Դաւիթ, ամս եօթն՝ յեպիսկոպոսութենէն
Line: 4    Կապաղակայ։

Line: 5       Տէր Դաւիթ, ամս վեց։ -- Սա էր ձեռնադրութիւն
Line: 6    յԱնանիայէ Հայոց կաթուղիկոսէ։

Line: 7       Տէր Պետրոս, ամս տասն եւ ութ, յեպիսկոպոսութենէն
Line: 8    Գարդամանայ։

Line: 9       Տէր Մովսէս, ամս վեց, յառաջնորդութենէն
Line: 10    Փառիսոսոյ վանաց։



Line: 11 
ՎԵՐՋ ՊԱՏՄՈՒԹԵԱՆ ԱՂՈՒԱՆԻՑ ԱՇԽԱՐՀԻ



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.