TITUS
Physiologus
Part No. 26
Previous part

Chapter: 26  
ի՜զ [in margine]


Paragraph: 1     Է երէ ինչ, որ կոչի կասդորիոս, որ թարգմանի կուղբ. հանդարտ եւ յոյժ զգաւն է երէն։
Paragraph: 2     Եւ կարեւորք նորա բժշկութիւն է, գտանի եւ ի տունս թագաւորաց։
Paragraph: 3     Եւ որսորդն յորժամ զհետ նորա ընթանայցէ, կիղբն կտրէ զկարեւորսն իւր եւ ընկենու յորսորդն։
Paragraph: 4     Եւ թէ այլ որսորդ [ Manuscript page: 81r  ] ընթանայ զհետ նորա ցուցանէ զտեղին որսորդին.
Paragraph: 5     եւ որսորդն իբրեւ տեսանէ զնա՝ թէ ոչ ունի եւ, թոյլ տայ եւ ի բաց դառնայ ի նմանէ։
Paragraph: 6     Եւ դու առաքինիդ եւ կրաւնաւորդ, եթէ կամեսցիս, ընկենուցուս առ չար որսորդն զոր ինչ խնդրէ, եւ ոչ եւս մերձենայ առ քեզ։ Չար որսորդն սատանայ է։
Paragraph: 7     Եթէ ի քեզ կայ արծաթսիրութիւն, պոռնկութիւն եւ շնութիւն, կտրեա եւ տուր ցսատանայ։
Paragraph: 8     Որպէս եւ գրեալ է. "հատուցէք իւրաքանչիւր զպարտս. որում զհարկն զհարկն, զերկեղ՝ զերկեղ, որում զպատիւ՝ զպատիւ" (cf. Link to armntRom. 13:7)։
Paragraph: 9     Զառաջին յոյսն հատցուք եւ ընկեսցուք ի սատանայ. եւ ապա հատուսցուք զաստուծոյն աստուծոյ (cf. Link to armntMt. 22:21)։
Paragraph: 10     Արծաթ եւ ոսկի չունէին (cf. Link to armntAct. 3:6) Պետրոս եւ Յովհաննէս, որ զկաղն յարուցին առ գեղեցիկ դրան տաճարին. զայն տէր ասաց ցնոսա թէ. "մի ստանայք ձեզ ոսկի եւ արծաթ" (cf. Link to armatMt. 10:9):
Paragraph: 11     Ապա ուրեմն բարւոք ասաց բարոյախաւսն զկղբէ։



Next part


This text is part of the TITUS edition of Physiologus.

Copyright TITUS Project, Frankfurt a/M, 1.6.2016. No parts of this document may be republished in any form without prior permission by the copyright holder.