TITUS
Zamagirk
Part No. 92
Previous part

Page: 362  
Chapter: 77 
Line: 1  
ՔԱՐՈԶ*


Line: 2        Յարեւելից մինչեւ ի մուտս արեւու ընդ ամենայն
Line: 3     տեղիս քրիստոնէութեան, ուր եւ կարդան զանուն տեառն
Line: 4     սրբութեամբ, տէր աղօթիւք նոցա եւ բարեխօսութեամբն
Line: 5     մեզ ողորմեսցի։ Ուխտիւք զաստուած աղաչեսցուք, զի
Line: 6     նա փրկեսցէ զմեզ ի մեղաց եւ ի ցանկութենէ աշխարհի։

Line: 7     Ընկալցի զուխտս եւ զխնդրուածս սրտից մերոց. եւ
Line: 8     արժանի արասցէ զմեզ հաւատոց եւ պատուիրանաց իւրոց
Line: 9     ընդ ամենայն սուրբս իւր։ Ամենակալ տէր աստուած մեր
Line: 10     կեցո եւ ողորմեա։ Տէր ողորմեա։

Line: 11        Զառաւօտս լուսոյ եւ զառաջիկայ օրս խաղաղութեամբ
Line: 12     անցուցանել՝ հաւատով ի տեառնէ խնդրեսցուք։ Շնորհեա
Line: 13     տէր։

Line: 14        Զհրեշտակ խաղաղութեան պահապան անձանց մերոց՝ ի
Line: 15     տեառնէ խնդրեսցուք։ Շնորհեա տէր։

Line: 16        Զքաւութիւն եւ զթողութիւն յանցանաց մերոց ի
Line: 17     տեառնէ խնդրեսցուք։ Շնորհեա տէր։

Line: 18        Զսրբոյ խաչին մեծ եւ կարող զօրութիւնն յօգնութիւն
Line: 19     անձանց մերոց ի տեառնէ խնդրեսցուք։ ՇնորհԵա տէր։

Line: 20        Եւ եւս միաբան վասն ճշմարիտ եւ սուրբ հաւատոյս
Line: 21     մերոյ զտէր աղաչեսցուք։ Տէր ողորմեա։

Line: 22        Զանձինս մեր եւ զմիմեանս տեառն աստուծոյ
Line: 23     ամենակալին յանձն արասցուք։ Քեզ տեառնդ յանձն
Line: 24     եղիցուք։

Line: 25        Ողորմեաց մեզ, տէր աստուած մեր, ըստ մեծի
Line: 26     ողորմութեան քում. ասասցուք ամենեքեան
Line: 27     միաբանութեամբ։

Line: 28        Տէր ողորմեա. Տէր ողորմեա. Տէր ողորմեա։


Next part


This text is part of the TITUS edition of Zamagirk.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.