TITUS
Zamagirk
Part No. 104
Previous part

Page: 388   Line: 1     այնոցիկ աղօթիւք եւ բարեխօսութեամբ ամենայն
Line: 2     սրբոց, որք աստ եւ ընդ ամենայն տիեզերս։ Որպէս զի
Line: 3     անարատ վարուք, եւ ճշմարիտ առաքինութեամբ կացեալք
Line: 4     ըստ կամաց նորա յայսմ աշխարհիս, զմասն եւ զվիճակ
Line: 5     ժառանգութեան ընկալցուք ընդ ամենայն սուրբս նորա.
Line: 6     զբնակութիւն յաւիտենական եւ երկնային խորանացն։

Line: 7     Զոր խոստացաւ սիրելեաց իւրոց ճշմարիտ աստուած
Line: 8     յիսուս քրիստոս. տէր մեր կեցո եւ ողորմեա։ Տէր
Line: 9     ողորմեա։

Line: 10        Ժամս եւ զառաջիկայ օրս խաղաղութեամբ անցուցանել՝
Line: 11     հաւատով ի տեառնէ խնդրեսցուք։ Շնորհեա տէր։

Line: 12        Զհրեշտակ խաղաղութեան պահապան անձանց մերոց՝ ի
Line: 13     տեառնէ խնդրեսցուք։ Շնորհեա տէր։

Line: 14        Զքաւութիւն եւ զթողութիւն յանցանաց մերոց ի
Line: 15     տեառնէ խնդրեսցուք։ Շնորհեա տէր։

Line: 16        Զսրբոյ խաչին մեծ եւ կարող զօրութիւնն յօգնութիւն
Line: 17     անձանց մերոց ի տեառնէ խնդրեսցուք։ Շնորհեա տէր։

Line: 18        Եւ եւս միաբան վասն ճշմարիտ եւ սուրբ հաւատոյս
Line: 19     մերոյ զտէր աղաչեսցուք։ Տէր ողորմեա։

Line: 20        Զանձինս մեր եւ զմիմեանս տեառն աստուծոյ
Line: 21     ամենակալին յանձն արասցուք։ Քեզ տեառնդ յանձն
Line: 22     եղիցուք։

Line: 23        Ողորմեաց մեզ, տէր աստուած մեր, ըստ մեծի
Line: 24     ողորմութեան քում. ասասցուք ամենեքեան
Line: 25     միաբանութեամբ։

Line: 26        Տէր ողորմեա. Տէր ողորմեա. Տէր ողորմեա։


Next part


This text is part of the TITUS edition of Zamagirk.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.