TITUS
Zamagirk
Part No. 108
Previous part

Page: 392   Line: 1     եւ զմարմնաւոր ընթացս ծառայից քոց՝ անարատ
Line: 2     ճանապարհաւդ յաւիտենական ի կեանսդ. շնորհօք
Line: 3     միածնի քոյ տեառն մերոյ եւ փրկչին յիսուսի
Line: 4     քրիստոսի. որ եղեւ մեզ առաջնորդ կենաց եւ յոյս
Line: 5     փրկութեան։ Ընդ որում օրհնեալ ես, հայր ամենակալ,
Line: 6     հանդերձ կենդանարար եւ ազատիչ սուրբ հոգւովդ, այժմ
Line: 7     եւ միշտ եւ յաւիտեանս յաւիտենից. ամէն։



Chapter: 96 
Line: 8  

Ի* ՍԱՐԿԱՒԱԳ* ՎԱՐԴԱՊԵՏԷՆ* ԱՍԱՑԵԱԼ*


Line: 9        Յիշեա, տէր, զպաշտօնեայս քո, զծնողսն մեր,
Line: 10     զվարդապետս, զեղբայրս, զընկերս, զկերակրողս,
Line: 11     զուխտաւորս, զճանապարհորդս, զհանգուցիչս,
Line: 12     զվաստակաւորս, զխոստովանողս, զապաշխարողս, զգերիս,
Line: 13     զհիւանդս, զնեղեալս, զիշխանս, զչարարարս,
Line: 14     զբարերարս, զթշնամիս, զատելիս եւ որք պատուիրեցին
Line: 15     մեզ հաւատով։

Line: 16     Յիշեա տէր եւ ողորմեա։

Line: 17        Բարերար եւ բազումողորմ աստուած, քո անմոռաց
Line: 18     գիտութեամբդ եւ անբաւ մարդասիրութեամբդ յիշեա
Line: 19     զամենայն հաւատացեալս ի քեզ, եւ ողորմեա
Line: 20     ամենեցուն։ Օգնեա եւ փրկեա յիւրաքանչիւր վտանգից
Line: 21     եւ ի փորձութեանց։ Արժանաւորեա գոհութեամբ
Line: 22     փառաւորել զհայր եւ զորդի եւ զսուրբ հոգիդ, այժմ եւ
Line: 23     միշտ եւ յաւիտեանս յաւիտենից. ամէն։


Next part


This text is part of the TITUS edition of Zamagirk.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.