TITUS
Wolfenbuettel Postilla
Part No. 390
Previous part

Page: 195r  

Line: 1      laniſtẹ a ſuſsimilimụ ant Vbagụ, teip kaip tiei
Line: 2      hiſtoriakai raſcha, indiwnu budu a macʒim
Line: 3      pana Diewa bua iam indiwnai didis ſkar=
Line: 4      bas dotas nog pana Diewa.

Line: 5      A tai tobudu, kad tas minetaſsis Cieſarus
Line: 6      Tieberius Conſtantinus, wenu cʒeſu teip ſaw
Line: 7      hulaija ∻ waikſʒtineija pa Pilị ſawạ ta=
Line: 8      da wenai wetai ant Pauimenta* ∻ ant Aſlas
Line: 9      akmenị kriſʒium paſʒenklintụ. Tai ghis re=
Line: 10      giedamas, tare tarnump, Mumus reikia
Line: 11      kriſʒum pana muſụ Jeſaus Cħaus kaktas ir
Line: 12      krutis muſụ ſʒenklinti, A meſs ſchiſkate, ka=
Line: 13      iamis miname, Tadelei tạ akmenị lepe
Line: 14      nog ſʒemes atimti Tạ attemus apacʒai an=
Line: 15      trụ teipag ſu kriſʒunn *atrada tạ attemus ir
Line: 16      trecʒias akmo taipaieg kaip ir anodu* ſu
Line: 17      kriſʒum attſirada, kad liepe Ceſarus ir tạ
Line: 18      atimti, pa to akmenim atrada pagrabụ
Line: 19      kurame rada daugiaus nekaip tukſchtantị bacʒ=
Line: 20      kụ aukſa. Wel ir kittạ kartạ taſ=
Line: 21      ieg Ceſarus, kas iam nog ſʒinancʒia ſena ſʒma=
Line: 22      gaus paſsakita bua attrada wename pagra=
Line: 23      be* ana liſchnei didei bagata ſʒmagaus Narſe=
Line: 24      ta ſkarbụ kurſai teip didis bua, kaipagi an=
Line: 25      ne pennigai per daug dienụ waſs galleija
Line: 26      but iſchgabenti iſch anas dobes angu pagra=
Line: 27      be, ir teip tas Tiberius Ceſarus, ko dau=
Line: 28      giaus dawe dewa del, to iam panas De=
Line: 29      was io dangiaus* atdawe.

Line: 30      Liſchnei graſʒiụ priliginimụ Magnus Baſi=
Line: 31      lius kaʒanis pirmai preſch ſchikſchtoſius Baga=
Line: 32      tus to budu ira tares: Schulnis kurſai io daſch=
Line: 33      niaus* ira ſemiamas, to dideſnị ir cʒiſteſnị
Line: 34      doſti wandenị, A annie apleiſtei* a neſe=
Line: 35      miamiei ſchulnei paſmirſta toiaus, kaip panas

Next part


This text is part of the TITUS edition of Wolfenbuettel Postilla.

Copyright TITUS Project, Frankfurt a/M, 20.3.2012. No parts of this document may be republished in any form without prior permission by the copyright holder.