TITUS
Wolfenbuettel Postilla
Part No. 393
Previous part

Page: 196v  

Line: 1      man gierti, nogas buaw, a ne apdengete
Line: 2      manẹs ϕ Tai wiſsa takiemus m: k: pa
Line: 3      akim paweiʒdas ta bagatiraus (ape ku=
Line: 4      rị eſme ſchas dienas Egłai girdeghị) ira.

Line: 5      Antru dalị tas Egłas Ape kal=
Line: 6      beſị ta bagatiraus ſu Abrahamu ant kitta
Line: 7      cʒeſa palaikant ϕ Tai mumis m: k: kaipa=
Line: 8      gi neturrim teip ſaw dumati ir tiketeſsi
Line: 9      Jdant per tos wirſchutinius muſụ gie=
Line: 10      roſius darbus teiſus turretumbim but
Line: 11      pa akim pana Diewa, Tai neku budu
Line: 12      negali but, kas giera ira tai be we=
Line: 13      na *palawima :m: k: turrim darriti, bet tame
Line: 14      wiſsame turrim atmintj, kạ makin=
Line: 15      na mus panas muſụ Jeſus Cħus tar=
Line: 16      dams Lu: 17 Cap: Chacʒeigi wiſsa tai
Line: 17      darriſite, kas iumis liepta ira darriti,
Line: 18      tatʒiau bilakite, Tarnai nehadni eſme.

Line: 19      Staiames teiſus be darbụ dawanai per
Line: 20      mukụ a ſmertị pana muſụ Jeſaus Cħaus
Line: 21      kad tam tikime, kaip tai ghiſsai muſụ del
Line: 22      ira keles ir kienteies, kaip ape tai ſ: Paw
Line: 23      Rom: 3 cap: ir 10 plateis ſʒadeis iſchraſʒa.
Line: 24      Pats tadangi wenas panas muſụ Jeſus
Line: 25      Cħus*, ira muſụ teiſibe, a ne darbu muſu
Line: 26      1 Cor: 1 cap:. Jau Patam kure
Line: 27      teip iemị ira atleidimụ grekụ ſawụ ir
Line: 28      teip iau ira teiſais paſtaghị, tie turri iau wiſsakiu
Line: 29      rupeſtim, kaip pergalị a ſumanụ grekụ ſaugates
Line: 30      a gieroſa darboſa platinties, ko iei gerraus na=
Line: 31      rụ a waliụ pana Diewa pilditụ kaip tai raſʒtas ſ:
Line: 32      Eph: 2 ir 4 Cap: Tit: 2 cap: makinna. Tai m: k: priminau J=
Line: 33      dant kurſai ſʒadeis ſchas dienas Egłas piktai a at=
Line: 34      ſʒagarai nekraipalatụ ϕ A tai girdedami panui Dewui
Line: 35      paſsiliecʒiawakima* tardami Amē.

Line: R      <Nedelian>


Date: Dom._2_Trin.  
Next part


This text is part of the TITUS edition of Wolfenbuettel Postilla.

Copyright TITUS Project, Frankfurt a/M, 20.3.2012. No parts of this document may be republished in any form without prior permission by the copyright holder.