TITUS
Wolfenbuettel Postilla
Part No. 481
Previous part

Page: 240v  

Line: 1      kad kiekwenas krikſʒaniſʒkas ſʒmagus iap ieib ka=
Line: 2      kiamigi priwali a reikmeniai ſawa ſchaukia
Line: 3      ghị meldʒia ϕ tai wel atgawis kạ melde nog
Line: 4      ia iam iſch dugna ſchirdies ſawa uſʒ tai Deka=
Line: 5      waija, iam tikedams garbindams a ſchla=
Line: 6      windams ghị, ſkelbia iſchſaka a iſchpaſʒinſta
Line: 7      wiſsemus ta ia didiju malanẹ a gieribẹ,
Line: 8      kaip tai m: k: paſsimekſta panu Dewu tai
Line: 9      ghiſsai pats per Prarakụ Dawidụ iſchpa=
Line: 10      ſʒinſta Pſal 49* tardams. Palaſʒa ſchlawes
Line: 11      apgarbins mane, Wel kalba Dawidas Pſal:
Line: 12      106* Jr affirawas affirụ gieribes a ſchla=
Line: 13      wes, a iſchſakis darbus ia dʒiaukſme a linkſ=
Line: 14      mibei. Takias garbes aſchlawes prida=
Line: 15      wimụ Panu Dewu ir iam takia dekawa=
Line: 16      ghima uſʒ wiſsas ia ſ: Dawanas welinas
Line: 17      Didei ta pawidi ir uſʒmeta ir uſʒdoſti kita
Line: 18      ſʒmagu ieib per kitta tiketunſi pagielbetas
Line: 19      a ne nog pana Diewa, kaip tie 9 Bran=
Line: 20      totei angu kruwinei, priwilti gundini=
Line: 21      ma welina nog ſawa kaplanụ tikeijaſsi
Line: 22      per palaſʒias ſawa cʒiſti a ſweiki paſtaghị
Line: 23      ne per Cħụ Jeſụ Tadelei ner ſugrinſʒị*
Line: 24      Cħauſp Jeſauſp, nei ira dawị garbes
Line: 25      ſchlawes a dekawaghima uſʒ tai panu
Line: 26      Dewu kaip tas ſwetimaſiſis ſʒmo Sama=
Line: 27      ritanus. Nemalaniſte tadangi m: k:
Line: 28      tai* eſt, nepaſʒinimas gieribes a mala=
Line: 29      nes pana Diewa, ira teip biaurus a pik=
Line: 30      tas grekas, kaipagi tadelei nog takiụ
Line: 31      ir kitas ſawa Dawanas ſ: atima panas
Line: 32      Dewas Kaip pra tai dactarai raſchta
Line: 33      ſ: kalba: Nemalaniſte ira weijas ſauſas
Line: 34      dʒiawinus ſchulinị malanes ∻ pana Die=
Line: 35      wa, Jr wel kalbama ira :Ab ingratis
Line: 36      beneficia tolluntur: Nog nemalaningụ
Line: 37      gieribes tur but atimtas, Jr wel kal=

Line: R      <bama ira>

Next part


This text is part of the TITUS edition of Wolfenbuettel Postilla.

Copyright TITUS Project, Frankfurt a/M, 20.3.2012. No parts of this document may be republished in any form without prior permission by the copyright holder.