TITUS
Wolfenbuettel Postilla
Part No. 525
Previous part

Page: 262v  

Line: 1      wiſsada tuſchnu a ſmutnu ſchirdị turreti del
Line: 2      greku muſụ. Ta trumpai* galime ſaw pa=
Line: 3      weiſdụ imti iſch ana karelaus wardu *Ma=
Line: 4      naſses, Tas kaip ira 4 Reg: 21 cap: raſchita
Line: 5      didei baiſei wiſsu biauribe wiſsakiu grekụ
Line: 6      apſibiaurinaies bua, a nekat ghis iſch ta
Line: 7      nebutụ pakutas daris nei dumaija dar=
Line: 8      riti, ieib ia teip panas Diewas nebu=
Line: 9      tụ pakaraies, ir iam ant ia ſchirdes ta=
Line: 10      kia warga bedas ſmutka a tuſʒbas nebu=
Line: 11      tụ perleidens, kaip neſs ſkaitame 2
Line: 12      Paralip: 33 cap: Perleida panas Diewas
Line: 13      ant ta karelaus Maneſsen del ta daugia
Line: 14      biauruiu grekụ ia karụ karelaus Aſsi=
Line: 15      riorum, kuriei ſugawị tạ kareliu *Ma=
Line: 16      naſsen ſuriſchị lancʒugais ir apkale ghị
Line: 17      pantais nuwede ing Babiloniụ, ir inme=
Line: 18      te ghị ing teip ankſchtụ* turmụ*, kur ne=
Line: 19      galeija nei klauptes nei ſeſtes nei ſtacʒias
Line: 20      ſtates, Tẹ tada ghis, net teip budams
Line: 21      ſuwargintas pradeija didei raſcha didei
Line: 22      darriti pakutụ pa akim pana Diewa, Die=
Line: 23      wạ tewụ ſawu, iſch dugna wiſsas ſchirdes
Line: 24      ſawa meldeſsi panụ Diewụ (kaip tẹ ant
Line: 25      gala tu knigu* Paralip: ira raſchita mal=
Line: 26      da ia) tardams. Sugreſchijau ant *ſkait=
Line: 27      laus ſʒrigſʒdu maru, iſsiplatinaiuſas eſt
Line: 28      piktibes mana, ſulankintas* eſmi di=
Line: 29      dʒiu a daugiu kaleghimu gieleſʒu, teip
Line: 30      kaipagi neatdweſia ner man, eſmi ne=
Line: 31      ſanga inruſtinaijes tawe, darridams
Line: 32      piktibẹ pa akim tawa, Nu tada klaup=
Line: 33      iu kieleis ſchirdes mana melʒdams ge=
Line: 34      ribes tawa pane ϕ Ir kad teip kara=
Line: 35      lius tais wargais ſchirdes ſawa paſʒinna

Line: R      <grekụ ſa=>

Next part


This text is part of the TITUS edition of Wolfenbuettel Postilla.

Copyright TITUS Project, Frankfurt a/M, 20.3.2012. No parts of this document may be republished in any form without prior permission by the copyright holder.