TITUS
Biblia Mcxetica
Part No. 490
Previous part

Chapter: 6 
Verse: 1  Link to oskijerLink to sept   მიუგო იობ და თქუა:

Verse: 2  Link to oskijerLink to sept   უკუეთუმცა ვინმე წონით აღწონნა რისხვანი ჩემნი და სალმობანი ჩემნი და აღიხუნა სასწორითა ერთბამად,

Verse: 3  Link to oskijerLink to sept   ქჳშისამცა ზღჳსკიდისა უმძიმეს იპოვა, არამედ, ვითარ საგონებელ არს, სიტყუანი ჩემნი ვიდრემე არიან ბოროტ.

Verse: 4  Link to oskijerLink to sept   რამეთუ ისარნი უფლისანი ჴორცთა ჩემთა განწონილ არიან, რომელთა გულისწყრომაჲ მათი გამოსწოვს სისხლთა ჩემთა, რაჟამს სიტყუად ვიწყე, დამწერტედ მე.

Verse: 5  Link to oskijerLink to sept   აწ უკუე რაჲმე არს? ცუდადმე რას ჴმობსა ვირი ველური, არამედ საზრდელსა ეძიებნ? ანუ თუ აუტევის ჴმაჲ ჴარმან, ბაგასა ზედა წინაშე რაჲ უცნ საჭმელი?

Verse: 6  Link to oskijerLink to sept   ანუ იჭამოს პური თჳნიერად მართლისა? ანუ თუ არს გემოჲ სიტყუათა შინა ცუდთა?

Verse: 7  Link to oskijerLink to sept   რამეთუ ვერ ჴელ-ეწიფების დაცხრომად სულსა ჩემსა. მყრალად ვხედავ საზრდელსა ჩემსა, ვითარცა სულმყრალობასა ლომისასა.

Verse: 8  Link to oskijerLink to sept   უკუეთუ მომცეს მე უფალმან, და მოვიდეს თხოვაჲ ჩემი, და სასოებაჲ ჩემი მომცეს ღმერთმან.

Verse: 9  Link to oskijerLink to sept   იწყო უფალმან და დამწყლა მე. და სრულიად ნუ მომსპოლავნ მე.

Verse: 10  Link to oskijerLink to sept   იყავნ ჩემდა ქალაქი ესე საფლავ, რომლისა ზღუდეთა ზედა ვიქცეოდე, არა ვერიდო, რამეთუ არა ვიცრუე სიტყუათა წმიდათა ღმრთისა ჩემისათა.

Verse: 11  Link to oskijerLink to sept   რაჲმე არს ძალი ჩემი, რამეთუ დავითმინო? ანუ რავდენ არს ჟამი ჩემი, რამეთუ თავს-იდვას სულმან ჩემმან.

Verse: 12  Link to oskijerLink to sept   ნუუკუე ძალი კლდისა არსა ძალი ჩემი? ანუ ჴორცნი ჩემნი არიან რვალისანი? ანუ მე არა მას ვესევდ? შეწევნაჲ ჩემი მისგან განმეშორა.

Verse: 13  Link to oskijerLink to sept   განმწუართა მე წყალობაჲ მისი. მოღუაწებამან უფლისამან უგულებელს-მყო მე.

Verse: 14  Link to oskijerLink to sept   არა მომხედეს მე მახლობელთა ჩემთა,

Verse: 15  Link to oskijerLink to sept   ვითარცა ჴევი ღუარისაჲ, მოვაკლდი და, ვითარცა ელვაჲ, წარვჴედი.

Verse: 16  Link to oskijerLink to sept   რომელთა-იგი ჩემდა ეშინოდა, აწ ზედა დამესხმიან,

Verse: 17  Link to oskijerLink to sept   ვითარცა თოვლი, გინა მყინვარი დაყინებული რაჲ დადნის სიცხისაგან და არა საცნაურ არნ, სადა იგი იყო.

Verse: 18  Link to oskijerLink to sept   ეგრეცა მე დავშთი, ყოველთა მიერ წარვწყმდი და სახლისაგან განვარდი.

Verse: 19  Link to oskijerLink to sept   იხილენით გზანი თემანელთანი და ალაგნი ესებონელთანი, რომელნი-იგი ეზღუანნიან.

Verse: 20  Link to oskijerLink to sept   და სირცხჳლის თანამდებ იყვნენ, რომელნი-იგი ქალაქებსა და საფასებთა მოსავ არიან.

Verse: 21  Link to oskijerLink to sept   ხოლო აწ თქუენცა, ეგერა, მეტად მექმნენით მე უწყალო მის წილ, რამცა იხილეთ წყლულებაჲ ესე ჩემი და შეგეშინა.

Verse: 22  Link to oskijerLink to sept   აწ უკუე რაჲ? ნუ თქუენგან რასმე ვითხოვ,

Verse: 23  Link to oskijerLink to sept   ანუ ძალისა თქუენისა მოქენე რას ვარ? რათამცა განმარინეთ მე ჴელთაგან მტერთასა, ანუ ჴელისაგან ძლიერთასა მიჴსნეთ მე?

Verse: 24  Link to oskijerLink to sept   მასწავეთ მე და მე დავდუმნე. უკუეთუ რას ცთომილ ვარ, მითხართ მე ?

Verse: 25  Link to oskijerLink to sept   არამედ მსგავს არიან ამათსა ჭეშმარიტისა სიტყუანი, არა თუ თქუენგან ძალსა რასმე ვითხოვ.

Verse: 26  Link to oskijerLink to sept   არცაღა მხილებამან სიტყუათა თქუენთამან დამაცხროს მე, არცა თქმული ეგე სიტყუათა თქუენთაჲ თავს-ვიდვა.

Verse: 27  Link to oskijerLink to sept   გარნა ესე, რამეთუ, ვითარცა ობოლსა, ზედა დამესხმით მე და ზედამომივალთ მეგობარსა თქუენსა.

Verse: 28  Link to oskijerLink to sept   აწ, ესერა, მივხედო პირსა თქუენსა და არა ვტყუო. დასხედით და ნუ იყოფინ სიცრუე.

Verse: 29  Link to oskijerLink to sept   და მერმე კუალად სამართალს ვიდრე შეერთენით,

Verse: 30  Link to oskijerLink to sept   რამეთუ არა არს ენასა ჩემსა სიცრუე, ანუ არა სასა ჩემი გულისჴმის-ყოფასა იწურთის?

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.