TITUS
Biblia Mcxetica
Part No. 540
Chapter: 13
დასასრულსა
,
ფსალმუნი
დავითისი
Verse: 1
თქუა
უგუნურმან
გულსა
შინა
თჳსსა
:
არა
არს
ღმერთი
.
განირყუნნეს
და
ბილწ
იქმნენ
იგინი
უსჯულოებითა
;
არავინ
არს
,
რომელმანცა
ქმნნა
სიტკბოებაჲ
.
Verse: 2
უფალმან
ზეცით
მოხედნა
ყოველთა
ზედა
ძეთა
კაცთასა
ხილვად
,
იყოს
თუ
ვინმე
გულისხმის-მყოფელ
,
ანუ
გამომეძიებელ
ღმრთისაჲ
.
Verse: 3
ყოველთავე
მიაქციეს
ერთბამად
,
უჴმარ
იქმნნეს
,
არავინ
არს
,
რომელმანმცა
ქმნა
სიტკბოებაჲ
,
არავინ
არს
მიერთამდე
.
სამარე
ზე
აღებულ
არს
ჴორჴი
მათი
,
ენითა
მათითა
ზაკვიდეს
,
გესლი
ასპიტისა
ბაგეთა
ქუეშე
მათსა
,
რომელთანი
პირნი
წყევითა
და
სიმწარითა
სავსე
არიან
,
განმზადებულ
არიან
ფერჴნი
მათნი
დათხევად
სისხლისა
.
შემუსრაჲ
და
სალმობაჲ
არს
გზანი
მათნი
,
და
გზანი
მშჳდობისანი
არ
იცნეს
,
არა
არს
შიში
ღმრთისაჲ
წინაშე
თუალთა
მათთა
.
Verse: 4
არა
გულისხმა-ყონ
ყოველთა
,
რომელნი
იქმან
უსჯულოებასა
,
რომელნი
შესჭამენ
ერსა
ჩემსა
საჭმელებრ
,
პურებრ
,
Verse: 5
უფალსა
არა
ხადეს
.
მუნ
შეეშინა
შიში
,
სადა-იგი
არა
იყო
შიში
,
Verse: 6
რამეთუ
ღმერთი
არს
თესლთა
შორის
მართალთასა
.
ზრახვასა
გლახაკისასა
არცხუენთ
,
ხოლო
უფალი
სასო
მისსა
არს
.
Verse: 7
ვინ
მოსცეს
სიონით
ცხორებაჲ
ისრაჱლსა
?
რაჟამს
მოაქციოს
უფალმან
ტყუჱ
ერისა
თჳსისა
,
იხარებდეს
იაკობ
და
იშუებდეს
ისრაჱლი
.
დიდება
This text is part of the
TITUS
edition of
Biblia Mcxetica
.
Copyright
TITUS Project
, Frankfurt a/M, 22.3.2021. No parts of this document may be republished in any form without prior permission by the copyright holder.