TITUS
Biblia Iberica: Psalterium et Odae
Part No. 61
Previous part

Chapter: 61 
Verse: 2  Link to mcat Link to sept Link to armat   გარნა ღმერთსა დაემორჩილე, სულო ჩემო; რამეთუ მის მიერ არს ცხორებაჲ ჩემი.

Verse: 3  Link to mcat Link to sept Link to armat   რამეთუ იგი არს ღმერთი, მაცხოვარი ჩემი, შესავედრებელი ჩემი და მე არა შევირყიო უფროჲს.

Verse: 4  Link to mcat Link to sept Link to armat   ვიდრემდის შეადგეთ კაცთა და მოჰკლვიდეთ მათ ყოველნი, ვითარცა კედელსა მიდრეკილსა და ზღუდესა განშორებულსა?

Verse: 5  Link to mcat Link to sept Link to armat   ხოლო პატივისა ჩემისა იზრახეს განშორებაჲ და რბიოდეს წყურილსა მათსა; პირითა მათითა აკურთხევდეს და გულითა მათითა სწყევდეს.

Verse: 6  Link to mcat Link to sept Link to armat   ხოლო შენ ღმერთსავე დაემორჩილე, სულო ჩემო, რამეთუ მის მიერ არს თმენაჲ ჩემი.

Verse: 7  Link to mcat Link to sept Link to armat   რამეთუ ღმრთისა მიერ არს ცხორებაჲ ჩემი და დიდებაჲ ჩემი.

Verse: 8  Link to mcat Link to sept Link to armat   ღმერთი შეწევნისა ჩემისაჲ და სასოებაჲ ჩემი მისა მიმართ.

Verse: 9  Link to mcat Link to sept Link to armat   ესევდით მას ყოველი კრებული ერისაჲ, განჰფინენით მის წინაშე გულნი თქუენნი, რამეთუ ღმერთი მწე ჩუენდა არს.

Verse: 10  Link to mcat Link to sept Link to armat   ხოლო ამაო არიან ძენი კაცთანი, ცრუ არიან ძენი კაცთანი სასწორსა მას ზედა სიცრუისასა და იგინივე ამაოებით არიან ურთიერთას.

Verse: 11  Link to mcat Link to sept Link to armat   ნუ ესავთ სიცრუესა და ტაცებად ნუ გული გითქუამნ; სიმდიდრე თუ გარდაგერეოდის, ნუ შეაპყრობთ გულთა თქუენთა.

Verse: 12  Link to mcat Link to sept Link to armat   ერთჯერ თქუა ღმერთმან და ორი ესე გუესმა, რამეთუ ღმრთისაჲ არს სიმტკიცე.

Verse: 13  Link to mcat Link to sept Link to armat   და შენ მიერ არს, უფალო, წყალობაჲ და შენ მიაგო კაცად-კაცადსა საქმეთა მათთაებრ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.