TITUS
Biblia Iberica: Psalterium et Odae
Part No. 94
Previous part

Chapter: 94 
Verse: 1  Link to mcat Link to sept Link to armat   მოვედით, უგალობდეთ უფალსა, ვღაღადებდეთ ღმრთისა მიმართ მაცხოვარისა ჩუენისა.

Verse: 2  Link to mcat Link to sept Link to armat   აღვიმსთოთ წინაშე პირსა მისსა აღსარებითა, და ფსალმუნითა ვღაღადებდეთ მისა მიმართ.

Verse: 3  Link to mcat Link to sept Link to armat   რამეთუ ღმერთი დიდ არს უფალი და მეუფე დიდ არს ყოველსა ქუეყანასა ზედა;

Verse: 4  Link to mcat Link to sept Link to armat   რამეთუ ჴელსა შინა მისსა არიან ყოველნი კიდენი ქუეყანისანი, და სიმაღლე მთათაჲ მისი არს.

Verse: 5  Link to mcat Link to sept Link to armat   მისი არს ზღუაჲ, მან შექმნა იგი. და ჴმელი ჴელთა მისთა დაჰბადეს.

Verse: 6  Link to mcat Link to sept Link to armat   მოვედით, თაყუანის-ვსცეთ, შეუვრდეთ და ვტიროდით წინაშე უფლისა შემოქმედისა ჩუენისა.

Verse: 7  Link to mcat Link to sept Link to armat   რამეთუ იგია ღმერთი მაცხოვარი ჩუენი, ჩუენ ერი სამწყსოჲ მისი და ცხოვარნი ჴელისა მისისანი.

Verse: 8  Link to mcat Link to sept Link to armat   დღეს თუ ჴმისა მისისაჲ ისმინოთ, ნუ განიფიცხებთ გულთა თქუენთა განმწარებად, ვითარცა-იგი დღესა მას განცდისასა უდაბნოსა ზედა.

Verse: 9  Link to mcat Link to sept Link to armat   სადა-იგი განმცადეს მე მამათა თქუენთა; განმცადეს მე და იხილნეს საქმენი ჩემნი.

Verse: 10  Link to mcat Link to sept Link to armat   ორმეოც წელ ამისთჳს მოვიწყინე ნათესავი იგი და ვთქუ: მარადის სცთებიან იგინი გულითა მათითა და მათ ვერ იცნნეს გზანი ჩემნი.

Verse: 11  Link to mcat Link to sept Link to armat   ვითარცა ვფუცე რისხვითა ჩემითა, ვერ შევიდენ იგინი განსასუენებელსა ჩემსა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.