TITUS
Biblia Iberica: Psalterium et Odae
Part No. 100
Previous part

Chapter: 100 
Verse: 1  Link to mcat Link to sept Link to armat   წყალობითა და სიმართლითა გაქებდე შენ, უფალო.

Verse: 2  Link to mcat Link to sept Link to armat   გიგალობდე და გულისჴმა-ვყო გზასა უბიწოსა; ოდეს მოხჳდე ჩემდა? ვიდოდე მე უბიწოებითა გულისა ჩემისაჲთა შორის სახლსა ჩემსა.

Verse: 3  Link to mcat Link to sept Link to armat   არა ვყავ მე წინაშე თუალთა ჩემთა საქმე ურჩულოებისაჲ და გარდამავალნი რჩულისანი მოვიძულენ; არა მომეხო მე დრკუი გულითა,

Verse: 4  Link to mcat Link to sept Link to armat   და გარე მიქცევაჲ უკეთურისაჲ ჩემგან მე არა უწყოდე.

Verse: 5  Link to mcat Link to sept Link to armat   რომელი იტყოდა იდუმალ მოყუსისა თჳსისათჳს ძჳრსა, იგი გარეს-გარე ვდევნე; რომელი ამპარტავან იყო თუალითა და უძღებ გულითა, მის თანა პური არა ვჭამე.

Verse: 6  Link to mcat Link to sept Link to armat   თუალნი ჩემნი წმიდათა თანა ქუეყანისათა, რაჲთა დასხდენ იგინი ჩემ თანა; რომელი ვიდოდა გზასა უბიწოსა, იგი მმსახურებდა მე.

Verse: 7  Link to mcat Link to sept Link to armat   არა დაიმკჳდრის შორის სახლსა ჩემსა, რომელმან ყვის ამპარტავანებაჲ; რომელი იტყჳს სიცრუესა, მას არა წარემართის წინაშე თუალთა ჩემთა.

Verse: 8  Link to mcat Link to sept Link to armat   ცისკარსა მოვსწყუედდი ყოველთა ცოდვილთა ქუეყანისათა, რაჲთა მოისრნენ ქალაქით უფლისაჲთ ყოველნი მოქმედნი უსჯულოებისანი.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.