TITUS
Biblia Iberica: Psalterium et Odae
Part No. 110
Previous part

Chapter: 110 
Verse: 1  Link to mcat Link to sept Link to armat   აგიარო შენ, უფალო, ყოვლითა გულითა ჩემითა ზრახვასა შინა წრფელთასა და ერსა შორის.

Verse: 2  Link to mcat Link to sept Link to armat   დიდ არიან საქმენი ღმრთისანი, გამოსაძიებელ არიან ყოვლითავე მცნებანი მისნი;

Verse: 3  Link to mcat Link to sept Link to armat   აღსაარებულ და დიდად შუენიერ არიან საქმენი მისნი, და სიმართლე მისი ეგოს უკუნითი უკუნისამდე.

Verse: 4  Link to mcat Link to sept Link to armat   საჴსენებელ-ყო საკჳრველებათა მისთა, მოწყალე, მწყალობელ უფალი.

Verse: 5  Link to mcat Link to sept Link to armat   საზრდელი მოსცა მოშიშთა მისთა, მოიჴსენა უკუნისამდე აღთქუმაჲ თჳსი.

Verse: 6  Link to mcat Link to sept Link to armat   ძალი საქმეთა თჳსთაჲ უთხრა ერსა თჳსსა მიცემად მათდა სამკჳდრებელი წარმართთაჲ.

Verse: 7  Link to mcat Link to sept Link to armat   საქმენი ჴელთა მისთანი სიმართლე და განგებულება არიან; სარწმუნო არიან ყოვლითავე მცნებანი მისნი,

Verse: 8  Link to mcat Link to sept Link to armat   განმტკიცებულ არიან უკუნითი უკუნისამდე, შექმნულ არიან ჭეშმარიტებით და განგებულებით.

Verse: 9  Link to mcat Link to sept Link to armat   ჴსნაჲ მოუვლინა ერსა თჳსსა, ამცნო უკუნისამდე აღთქუმაჲ თჳსი; რამეთუ წმიდა და საშინელ არს სახელი მისი.

Verse: 10  Link to mcat Link to sept Link to armat   რამეთუ დასაბამი სიბრძნისაჲ არს შიში უფლისაჲ, გულისჴმა კეთილ ყოველთა, რომელთა ყონ იგი, და ქებაჲ მისი ეგოს უკუნისამდე.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.