TITUS
Biblia Iberica: Psalterium et Odae
Part No. 114
Previous part

Chapter: 114 
Verse: 1  Link to mcat Link to sept Link to armat   შევიყუარე, რამეთუ ისმინა უფალმან ჴმაჲ ლოცვისა ჩემისაჲ.

Verse: 2  Link to mcat Link to sept Link to armat   რამეთუ მოყო ყური მისი ჩემდა, და მე დღეთა ჩემთა ვხადოდე მას.

Verse: 3  Link to mcat Link to sept Link to armat   გარე-მომადგეს მე სალმობანი სიკუდილისანი, და ჭირთა ჯოჯოხეთისათა მპოეს მე; ჭირი და სალმობაჲ ვპოვე.

Verse: 4  Link to mcat Link to sept Link to armat   და სახელსა უფლისასა ვხადე: ჰე უფალო, იჴსენ სული ჩემი.

Verse: 5  Link to mcat Link to sept Link to armat   მოწყალე არს უფალი, მართალ, და ღმერთი ჩუენი მწყალობელ.

Verse: 6  Link to mcat Link to sept Link to armat   დაიცვნეს ჩჩჳლნი უფალმან; მე დავმდაბლდი, და მან მაცხოვნა მე.

Verse: 7  Link to mcat Link to sept Link to armat   მოიქეც, სულო ჩემო, განსასუენებელად შენდა, რამეთუ უფალმან კეთილი გიყოს შენ.

Verse: 8  Link to mcat Link to sept Link to armat   რამეთუ იჴსენ სული ჩემი სიკუდილისაგან, თუალნი ჩემნი ცრემლთაგან და ფერჴნი ჩემნი - ბრკოლისაგან,

Verse: 9  Link to mcat Link to sept Link to armat   რაჲთა სათნო-ვეყო მე უფალსა წინაშე სოფელსა მას ცხოველთასა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.