TITUS
Biblia Iberica: Psalterium et Odae e codice Gracensi
Part No. 2
Previous part

Chapter: 2  


Verse: 1   Link to psa   რად აღიძრნეს წარმართნი და ერმან იზრახა ცუდი?

Verse: 2   Link to psa   შეჲთქუნეს მეფენი ქუეყანისანი და მთავარნი შეკრბეს ერთად უფლისათჳს და ცხებულისა მისისათჳს.

Verse: 3   Link to psa   განვხეთქნეთ აპაურნი მათნი და განვაგდოთ ჩუენგან უღელი მათი.

Verse: 4   Link to psa   იგი, რომელ დამკჳდრებულ არს ცათა შინა, ეცინოდის მათ და უფალმან შეურაცხ-ყვნეს იგინი.

Verse: 5   Link to psa   მაშინ ეტყოდის მათ რისხვითა მისითა და გულისწყრომითა მისითა შეაძრწუნნეს იგინი.

Verse: 6   Link to psa   მე დავდეგ მეუფედ მის მიერ ზედა სიონსა, მთასა წმიდასა მისსა,

Verse: 7   Link to psa   თხრობად ბრძანებასა უფლისასა. უფალმან მრქუა მე: ძჱ ჩემი ხარი შენ და მე დღეს მიშობიე6 შენ.
Verse: 7V        (6) მიშობიეს.

Verse: 8   Link to psa Manuscript page: 2v     ითხოვენ ჩემგან, მიგცნე შენ წარმართნი სამკჳდრებელად შენდა, დაპყრობად შენდა ყოველნი კიდენი ქუეყანისანი.

Verse: 9   Link to psa   ჰმწყსნე იგინი კუერთხითა რკინისაჲთა და ვითარცა ჭურნი მეკეცეთანი, შეჰმუსრნე იგინი.

Verse: 10   Link to psa   აწ, მეფენო, ესრეთ გულისჴმა-ჰყავთ და განისწავლენით ყოველნი მსაჯულნი ქუეყანისანი.

Verse: 11   Link to psa   ჰმონეთ უფალსა შიშით და უგალობდით მას ძრწოლით.

Verse: 12   Link to psa   მიჲღეთ სწავლაჲ, ნუუკუე განრისხნეს უფალი, წარწყმდებოდით თქუენ გზისა მისგან მართლისა, რაჟამს აღატყდეს მყის გულისწყრომაჲ მისი. ნეტარ არიან ყოველნი, რომელნი ესვენ მას.



Next part


This text is part of the TITUS edition of Biblia Iberica: Psalterium et Odae e codice Gracensi.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.