TITUS
Old Georgian Hagiographical Texts, vol. III
Part No. 9
Previous part

Paragraph: 9     
Line of ed.: 20        ხოლო შემდგომად მათსა დამოწაფებულნი მათნი მორწმუნენი, განპოხებულნი
Line of ed.: 21     სძითა მოძღურებათა მათთაჲთა, თუ ვითარ ყოველთა
Line of ed.: 22     ძჳრთა და ტანჯვათა და სიკუდილსა შეურაცხის-მყოფელ იქმნნეს
Line of ed.: 23     და ერეოდეს მთავარსა მას ბნელისასა, სოფლის-მპყრობელსა უკეთურსა,
Line of ed.: 24     რომელმან-იგი ღონითა მანქანებათა მისთაჲთა მყოფელნი ნებისა
Line of ed.: 25     მისისანი, მის ჟამისა მპყრობელნი მეფენი და მთავარნი განმზადნა ჭურად
Line of ed.: 26     თჳსა და Page of ms.: V_381  აღაზრზინნა ტანჯვად და გუემად და სიკუდილად
Line of ed.: 27     ქრისტეს მოწამეთა. ამით ჰგონებდა ყოვლად ბოროტი იგი დაკნინებად
Line of ed.: 28     ღმრთის-მსახურებისა და დაფარვად ჭეშმარიტებისა. არამედ უფროჲს და
Line of ed.: 29     უმაღლეს განშუენდა და განბრწყინდა სიმრავლე წმიდათა მოწამეთა. და
Line of ed.: 30     გჳრგჳნოსანნი ამაღლდეს წინაშე მეუფისა, და აღავსო სასუფეველი
Line of ed.: 31     ზეცათაჲ და განანათლა სოფელი შეწყნარებამან ყოვლად-წმიდათა ნაწილთა
Page of ed.: 11   Line of ed.: 1     მათთამან, და შეამკო ეკლესიაჲ ქადაგებამან ღუაწლთა მათთამან,
Line of ed.: 2     მოაშთო მჴდომი იგი ბელიარ მორევმან მან სისხლთა მათთამან და სრულიად
Line of ed.: 3     შემუსრა და დაწუა ყოველი ძალი მისი. რომელთა შორის, ვითარცა
Line of ed.: 4     მთიები, მდიდარი ბრწყინვალებითა ვარსკულავთა შორის, გამოჩნდა
Line of ed.: 5     ყოვლად-ბრწყინვალე იგი და საჩინო მნათობი, უძლეველი მჴედარი
Line of ed.: 6     მეუფისა დიდისა, კადნიერად მდგომარე წინაშე პირსა ღმრთისასა, მსწრაფლი
Line of ed.: 7     და მჴურვალე, მეოხი და მფარველი და ჴელის-ამპყრობელი ყოველთა
Line of ed.: 8     მორწმუნეთაჲ, და უფროჲსად ნათესავისა ჩუენისა, დიდებული მოწამე
Line of ed.: 9     ქრისტესი გიორგი, რომელმან იღუაწა დიოკლიტიანეს ზე, Page of ms.: V_382  რომელი
Line of ed.: 10     აღმოეცენა ყოვლად-საქებელით და უფროჲს-ღა ესევითართა ნერგთა
Line of ed.: 11     მიერ ქუეყანით კაბადუკიით, რომლისა ღუაწლისა და წამებისა ჟამთა
Line of ed.: 12     და ამას-ვე ქუეყანასა შინა იყო ვინმე თანა-მოქალაქე მისი, კაცი კეთილად
Line of ed.: 13     მორწმუნე, შვილი მდიდართა და წარჩინებულთა, კუალად იყო იგი
Line of ed.: 14     ძლიერ და ახოვან და განთქუმულ წყობათა შინა, რომლისა სახელი ზაბილო.

Next part


This text is part of the TITUS edition of Old Georgian Hagiographical Texts, vol. III.

Copyright TITUS Project, Frankfurt a/M, 27.4.2014. No parts of this document may be republished in any form without prior permission by the copyright holder.