TITUS
Kartlis Cxovreba: Part No. 97
Page of edition: 99
Line of edition: 1
საზომსა მიწევნულ არს, და თავსა თჳსსა ხადის ძედ ღმრთისად. მოვედით ყოველნი
Line of edition: 2
სიკუდილსა მისსა, რათა აღესრულოს მცნება მოსესი". და წარვიდა აქათ ელიოზ, მამის
Line of edition: 3
მამა ჩემი, კაცი მოხუცებული; და ესუა მას დედა ტომისაგან ელია მღდელისა, / და
Line of edition: 4
ესუა მას დაჲ ერთი. და ევედრებოდა ელიოზს დედა მისი ესრეთ: "წარვედ, შვილო,
Line of edition: 5
წოდებასა მეფისასა და წესსა სჯულისასა; ხოლო რომელსა-იგი განიზრახვენ, ნუ შეერთვინ
Line of edition: 6
ცნობა შენი, ნუ შვილო რამეთუ იგი არს სიტყუა წინასწარმეტყუელთა და იგავი
Line of edition: 7
ბრძენთა". / და წარვიდა ელიოზ მცხეთელი და ლონგინოზ კარსნელი, და მუნ დახუდეს
Line of edition: 8
ჯუარ-ცმასა უფლისასა.
Line of edition: 9
ხოლო ოდეს დამსჭუალეს უფალი და პასანიკმან კუერითა დაჰკრა სამსჭუალთა,
Line of edition: 10
აქა დედასა ელიოზისსა ესმა, და იკრჩხიალნა და თქუა: "მშჳდობით, მეფობაო ჰურიათაო, რამეთუ მოჰკალთ თავისა თქუენისა მაცხოვარი და იქმნენით
Line of edition: 11
მკლ/ველ შემოქმედისა. ვაი
Line of edition: 12
თავსა ჩემსა, რომელ არა წინა-ვე მოვკუედ, რათა-მცა არა სმენილ იყო ყურთა
Line of edition: 13
ჩემთა". და ამას ზედა შეისუენა.
Line of edition: 14
"ხოლო კუართი იგი უფლისა წილით ხუდა მცხეთელთა: წარმოიღო ელიოზ, და
Line of edition: 15
მოიღო მცხეთას. და მიეგება დაჲ მისი, შესუარული ცრემლითა: მ/ოეხჳა ყელსა ძმასა
Copyright
TITUS Project
Frankfurt a/M 1999-2000. No parts of this document may be republished in any form without prior permission by the copyright holder.
