TITUS
Kartlis Cxovreba: Part No. 160

Page of edition: 162 
Line of edition: 1 
    ცად და იხილნეს მყოფნი ცისანი. ხოლო ვითარ-ცა განვლო საზღვარი ჰაერისა და
Line of edition: 2 
    შევიდა საზღვარსა ვარსკულავთასა, ვერ-ღა-რა უძლებდეს საქმედ მოქმედნი, რამეთუ დადნებოდა
Line of edition: 3 
    ოქრო და ვეცხლი; რამეთუ მუნით-გამო ვიდრე-მე არს ჴელმწიფება ცეცხლისა
Line of edition: 4 
    ეთერისა მის, რომელი მგზების მძლაფრიად სამყაროსა ქცევისაგან და ესმა მუნით
Line of edition: 5 
    საზრახავი შჳდთა გუნდთა / ზეცისათა, რომლისაგან შესლბეს ადამიანნი. / და იქმნა
Line of edition: 6 
    ყოველი კაცი თჳთო ნათესავით-ურთ მეტყუელ თჳთო ენასა, და არღარა ერჩდე ურთიერთას
Line of edition: 7 
    პირსა მოყუსისა თჳსისასა, და წარვიდეს.

Line of edition: 8 
    "ხოლო ნებროთს ენითა სპარსულითა რქუა: მე ვარ მიქაელ ანგელოზი, რომელი
Line of edition: 9 
    დადგინებულ ვარ ღმრთისა მიერ მთავრ/ობასა ზედა აღმოსავლისასა. განვედ
Line of edition: 10 
    ქალაქით მაგით, რამეთუ ღმერთი ჰფარავს ქალაქსა მაგას ვიდრე გამოჩინებადმდე
Line of edition: 11 
    სამოთხისა, რომელი-ესე დგას მახლობელად ნაშენებსა მაგას შენსა, რომელსა შორის
Line of edition: 12 
    არს მთა ესე, რომლისაგან აღმოვალს მზე და გამოვლენ მისგან ორნი მდინარენი:
Line of edition: 13 
    ნილოსი და გეონი. რამეთუ გეონსა გამოაქუს სამოთხით ხე სულნელი და თივა,
Line of edition: 14 
    რომელი შეეზავების მუშკსა. აწ წარვედ შენდა. და დაჯედ ორთა-ვე / მდინარეთა შორის,
Line of edition: 15 
    ევფრატსა და ჯილასა, და განუტევენ ნათესავნი ესე, ვითარ-ცა ვინ ინებოს, რამეთუ
Line of edition: 16 
    წარუვლენიან უფალსა. ხოლო მეფობა შენი მეფობდეს ყოველთა ზედა მეფეთა, არამედ
Line of edition: 17 
    ჟამთა უკანასკნელთა მო/ვიდეს მეუფე ცისა, რომლისა შენ გნებავს ხილვა მისი, ერსა
Line of edition: 18 
    შორის შეურაცხსა; შიშმან მისმან განაქარვნეს გემონი სოფლისანი, მეფენი დაუტეობდენ
Line of edition: 19 
    მეფობასა და ეძიებდენ სიგლახაკესა. მაშინ გიხილოს შენ ჭირსა შინა და გიჴსნეს
Line of edition: 20 
    ღმერთმან".

Line of edition: 21 
    "და დაუტევეს ყოველთა ქალაქი და წარვიდეს. და დაუტევნა ჰინდურად მზრ/ახველნი ჰინდოეთს,
Line of edition: 22 
    სინდნი სინდეთს, ჰრომნი ჰრომს, ბერძენნი - საბერძნეთს,


Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.