{წარვიდა კათალიკოზ-პატრიაქი მელქისედეკ წინაშე რომანოზ ბერძენთა მეფისა კოსტანტინეპოლედ.
Line of edition: 2
შეიწყნარა და მოსცა შესამკობელნი ეკლესიათანი, ხატნი და ჯუარნი, სამღდელთეთავრო
Line of edition: 3
და სამღდელო სამკაული, და წარმოვიდა ქუეყანასა და სამწესოსა-ვე თჳსსა.}
Line of edition: 4
შემდგომად ამისსა, წელსა მესამესა, წარვიდა დედოფალი მარიამ, დედა ბაგრატისი, აფხაზთა
Line of edition: 5
მეფისა, საბერძნეთად ძიებად მშჳდობისა და ერთობისა, და კუალად
Line of edition: 6
ძიებად პატივისა კურაპალატობისა ძისათჳს თჳსისა, ვითარ-ცა არს ჩუეულება და წესი
Line of edition: 7
სახლისა მათისა, და მოყვანებისათჳს მის ცოლისა.
Line of edition: 8
{ამის ჟამში იყო წმიდა გიორგი მთა-წმიდელი მთარგმნელი, თან ახლდა დედოფალს
Line of edition: 9
მარიამს, ქრისტეს აქათ ჩ~ჲჱ.
Line of edition: 10
ხოლო ჩუენ პირველსა-ვე სიტყუასა მოვიდეთ.}
Line of edition: 11
და ვითარ-ცა მიიწია საბერძნეთად წინაშე ბერძენთა მეფისა, აღუსრულა ყოველი
Line of edition: 12
სათხოველი სიხარულით: მოსცნა ფიცნი და სიმტკიცენი ერთობისა და სიყუარულისათჳს,
Line of edition: 13
დაუწერნა ოქრო-ბეჭედნი, მოსცა პატივი კურაპალატობისა, და მოსცა ცოლად
Line of edition: 14
ბაგრატისთჳს ელენე დედოფალი.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
