Page of ms. L: _ Page of ms. P: 320v ... ჩუენ თანა ღმერთი.
ცანთ წარმართთა და იძლიენით; ისმინეთ დასასრულადმდე ქუეყანისა, განძრიელებულნი ეგე იძლიენით. თუ კუალად განსძრიელდეთ, მერმეცა იძლიენით.
და რომელი ზრახვაჲ ჰზრახოთ, განაქარვოს იგი ღმერთმან; და სიტყუასა რომელსა იტყოდით, არა დაადგრეს თქუენ თანა, რამეთუ ჩუენ თანა არს ღმერთი.
ამას იტყჳს უფალი _ ჴელითა ძრიელითა ურჩთა მათთჳს და სლვითა გზისა ერისა ამის -- და იტყჳან:
ნუ იტყჳთ ფიცხელსა, რამეთუ ყოველი რომელი თქუას ერმან ამან, ფიცხელ არს; შიშისა მათისაგან არა გეშინოდის, არცა შესძრწუნდეთ.
უფალი თავადი წმიდა-ყავთ, და იგი იყოს შიშ თქუენდა.
და უკუეთუ მისა მოსავ იყვნეთ, იყოს შენდა სიწმიდე; და ფერჴი შენი არა წარსცე ქვასა, არცა პკოლასა შემთხუევისასა, და საცთური შენი არა შეგემთხჳოს. ხოლო სახლი იგი იაკობისი საფრჴედ ღელეთა, დარანებულთა იერუსალჱმს.
ამისთჳს მოუძრულდენ მათ თანა, დაეცნენ და შეიმუსრნენ, ... და საცემელად კაცნი წარსაწყმედელად.
მაშინ გამოჩინებულ იყვნენ, რომელნი ჰკრვიდეს და ჰბეჭდვიდეს შჯულსა, ვითარ ნუვინ ისწავა.
მაშინ სთქუა: დავადგრე და ველოდი ღმერთსა, რომელმან გარემიიქცია პირი მისი სახლისაგან იაკობისა, და ვესვიდე მას.
და, აჰა, მე და ყრმანი ესე ჩემნი, რომელნი მომცნა მე ღმერთმან, და იყოს სასწაულად და ნიშად ზედა სახლსა მას ისრაჱლისასა უფლისაგან ღმრთისა ძალთაჲსა, რომელი დამკჳდრებულ არს მთასა ზედა სიონსა.
Page of ms. P: 215v მაშინ ცხად იყვნენ აღბეჭდულნი იგი შჯულსა არა სწავლად.
და თქუა: ვჰგებდე მე უფალსა, რომელმან გარემიიქცია პირი მისი სახლისაგან იაკობისა, და ვიყო მე მისა მოსავ.
აჰა, ესერა, მე და ყრმანი, რომელნი მომცნა მე უფალმან, და იყოს სასწაულებად და ნიშებად სახლსა ზედა ისრაჱლისასა უფლისა მიერ საბაოთისა.
