Page of ms. P: _ Page of ms. L: 539V და მიჩუენა მე უფალმან მღდელი იგი დიდი, მდგომარჱ წინაშე Page of ms. L: 540R ანგელოზთა მისთა, და ეშმაკი დგა მარჯუენით ჴდომად მისა.
ჰრქუა უფალმან ეშმაკსა მას: შეგრისხენინ შენ უფალმან, რომელმან გამოაჩინა იერუსალჱმი, ანუ არა აჰა, ესერა, ვითარცა მუგუზი, გამოტაცებული ცეცხლისაგან?
და ისუს ემოსა სამოსელი მწიკულევანი და დგა წინაშე ანგელოზთა მისთა.
მიუგო და ჰრქუა მდგომარეთა მათ მის წინაშე: განსძარცუეთ მაგას სამოსელი ეგე მწიკულევანი; და ჰრქუა მას: აჰა, ესერა, მოგისპენ შენ უშჯულოებანი შენნი.
Page of ms. L: _ Page of ms. P: 249v ამას იტყჳს უფალი ყოვლისა-მპყრობელი: უკუეთუ გზათა ჩემთა ხჳდოდით და ბრძანებათა ჩემთა იმარხვიდეთ და შენ სჯიდე სახლსა ჩემსა და თუ დაიცვე ეზოჲ ჩემი, მოგცე შენ სლვად მდგომარეთა ამათ შორის.
ისმინე აწ, იესუ, მღდელმან მაგან დიდმან, შენ და მოყუარეთა შენთა, რომელნი-ეგე სხენან წინაშე პირსა შენსა, რამეთუ კაცნი-ესე ნიშ-მსტუარ არიან. რამეთუ აჰა, ესერა, მოვიყვანო მონაჲ ჩემი, აღმოსავალ სახელი მისი.
რამეთუ ლოდსა მას მივეც წინაშე პირსპირ იესუჲსა. ერთსა მას ლოდსა შჳდნი თუალნი ასხენ; აჰა, ესერა, მე მოვთხარო მღჳმჱმ, იტყჳს უფალი ყოვლისა-მპყრობელი, და ჴელი შევახო და აღვიხილო სიცრუვჱ ქუეყანისაჲ მის დდესა ერთსა.
მას დღესა შინა, იტყჳს უფალი ყოვლისა-მპყრობელი, მოუწოდის კაცმან მოყუასსა თჳსსა ქუეშე ვენაჴსა თჳსსა და ქუეშე ლეღოანსა თჳსსა.
