TITUS
Ioane Minchkhi, Poezia
Part No. 20
Previous part

Hymn number: 21 
Page of ed.: 173 
Line of ed.: 23  მეორესა ორშაბათსა. მწუხრი. უფალო
Line of ed.: 24  ღაღატყავსა. სხუანი. [ჴმაჲ] გ


Line of ed.: 25    ნუმცა ვემსგავსებით, ჵ ძმანო,
Line of ed.: 26    ხეთა მათ ზამთრისათა უნაყოფოთა,
Line of ed.: 27    ფურცელ-დაცჳვნებულთა ბელეკონთა,
Line of ed.: 28    რაჲთა არაჲ მოვიღოთ ჩუენ პატიჟი იგი
Line of ed.: 29    უნაყოფოჲსა მის ლეღჳსაჲ,
Line of ed.: 30    რომელი წყევით განაჴმო ქრისტემან,
Line of ed.: 31    არამედ ნაყოფიერ ვიქმნნეთ!

Line of ed.: 32    ვითარცა-რაჲ საჭურველი
Line of ed.: 33    მფარველ ექმნის ჴორცთა ახოვნისათა
Line of ed.: 34    დღესა ბრძოლისასა მახჳლისაგან _
Line of ed.: 35    ეგრეთვე სცავს მარხვაჲ და ლოცვაჲ სულთა ჩუენთა
Line of ed.: 36    მახჳლთაგან უხილავთა
Page of ed.: 174  Line of ed.: 1    მტერთა მათ ბოროტთა უჩინოთაჲსა
Line of ed.: 2    და განაწონებს გულთა მათთა.

Line of ed.: 3    ვითარცა-რაჲ წყალმან ცეცხლი
Line of ed.: 4    მოტყინარე დაშრიტის მეყსეულად
Line of ed.: 5    და განაგრილის სიმჴურვალე მისი _
Line of ed.: 6    ეგრეთვე წყაროჲ ცრემლთაჲ დაშრეტს ცოდვისა ალსა
Line of ed.: 7    და განაგრილებს ყოველსა
Line of ed.: 8    სიცხესა ჴორცთა მჴურვალებისასა,
Line of ed.: 9    რომელნი ცრემლით ინანიან.

Line of ed.: 10    მაცთურისა სანადიროჲ,
Line of ed.: 11    საწუთროჲსა გემოთა სამჭედური
Line of ed.: 12    გემოთმოყუარებითა მუცლად ვიღე
Line of ed.: 13    და მით მოიწყლა სასიკუდინედ სული ჩემი,
Line of ed.: 14    ხოლო რაჟამს შეიმოსნა,
Line of ed.: 15    ვითარცა სამჭედურმან, ჴორცნი ჩემნი,
Line of ed.: 16    ღმრთეებამან აცხოვნა სული ჩემი.

Line of ed.: 17    ვინმცა მოსცა თავსა ჩემსა
Line of ed.: 18    წყალი და თუალთა ჩემთა _ წყაროჲ ცრემლთაჲ?
Line of ed.: 19    და ესრეთ ვტიროდემცა დღე და ღამე
Line of ed.: 20    ლმობიერად, გულსმოდგინედ წინაშე ღმრთისა,
Line of ed.: 21    ნუუკუე გან-მცა-ვიბანე
Line of ed.: 22    შეგინებული ესე გუამი ჩემი
Line of ed.: 23    და განვაბრწყინვე სული ჩემი.

Line of ed.: 24    დამიმონა მე ცოდვამან
Line of ed.: 25    და არღარა ძალ-მიც ყოფად კეთილისა,
Line of ed.: 26    რამეთუ თჳთ შევაპყარ თავი ჩემი,
Line of ed.: 27    ვითარცა ტრედი, მახესა მას მტერისასა.
Line of ed.: 28    გევედრები, ქრისტე მჴსნელო,
Line of ed.: 29    იჴსენ საბრჴეთა მისთაგან სული ჩემი
Line of ed.: 30    და განარინე სიკუდილისაგან.

Line of ed.: 31    ქერობინთა უაღრესო
Line of ed.: 32    ცათა უვრცელესო, სძალო ღმრთისაო,
Page of ed.: 175  Line of ed.: 1    დედობრივთა წესთა გარეწარსულო,
Line of ed.: 2    უმამოდ და უხრწნელად მშობელო ქრისტესო,
Line of ed.: 3    რომელი სთქუ _ აღესრულა,
Line of ed.: 4    რამეთუ გნატრიან ქუეყანისანი
Line of ed.: 5    და იდიდები ზეცისათაგან!
Hymn type:  



Next part


This text is part of the TITUS edition of Ioane Minchkhi, Poezia.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.