TITUS
Ioane Minchkhi, Poezia
Part No. 27
Previous part

Hymn number: 28 
Page of ed.: 180 
Line of ed.: 15  მეორესა კჳრიაკესა. [ცისკრად]. ჴმაჲ დ


Line of ed.: 16BC    ნათელი დაუღამებელი
Line of ed.: 17BC    ნათლისაგან თუალთშეუდგამისა მოსრული
Line of ed.: 18BC    შევიდა საშოსა სულმცირისა მის ღრუბლისასა
Line of ed.: 19BC    და მისგან გამოგჳბრწყინდა ჩუენ
Line of ed.: 20BC    ღმერთი სრული შემოსილი კაცებითა
Line of ed.: 21BC    ერთი გუამი ორითა ბუნებითა
Line of ed.: 22BC    და მოსცა ადამიანთა
Line of ed.: 23BC    მადლი მაღლით გარდამო
Line of ed.: 24BC    და ჴელმწიფებაჲ ნაშობ ღმრთისა წოდებისაჲ,
Line of ed.: 25BC    რომლითა გამოვიჴსნენით
Line of ed.: 26BC    მონებისაგან მტერთა ჩუენთაჲსა.

Line of ed.: 27    ნათელმან დაუღამებელმან
Line of ed.: 28    დაბადებულთა დაბადებისა მიზეზმან,
Line of ed.: 29    ოდეს-იგი მოციქულთა მთასა ზედა თაბორსა
Line of ed.: 30    უჩუენა დიდებაჲ ღმრთეებრი,
Line of ed.: 31    მაშინ ვნებაჲცა იგი კაცობრივი,
Line of ed.: 32    რომელი ყოფად იყო, აუწყა მათ
Line of ed.: 33    მოსეს და ელიაჲს მიერ,
Line of ed.: 34    რომელნი ეტყოდეს მას,
Line of ed.: 35    რაჲ-იგი შემთხუევად იყო იერუსალჱმს
Page of ed.: 181  Line of ed.: 1    ჴელითა ჰურიათაჲთა,
Line of ed.: 2    დაბადებულთა ცხორებისათჳს.

Line of ed.: 3    აღჰმართეს ძელი ცხორებისაჲ
Line of ed.: 4    მთასა მას ზედა გოლგოთისასა უღმრთოთა
Line of ed.: 5    და ითხოვდეს პილატესგან, რაჲთა ჯუარს-აცუან მჴსნელი
Line of ed.: 6    და ყოლად განძლიერდებოდეს
Line of ed.: 7    წარწყმედისა მათისა იგი ჴმანი,
Line of ed.: 8    ხოლო მან მისცა მათ ნებასა მათსა
Line of ed.: 9    საუკუნეთა მეუფჱ
Line of ed.: 10    და შეირაცხა იგი,
Line of ed.: 11    ვითარცა უშჯულოჲ შორის უშჯულოთასა
Line of ed.: 12    საკჳრველთმოქმედი ღმერთი,
Line of ed.: 13    მჴსნელი და ცხორებაჲ სულთა ჩუენთაჲ.

Line of ed.: 14    იოსებ და ნიკოდემოს
Line of ed.: 15    მოიღეს ალოჲ და ალაბასტრი დიდძალი,
Line of ed.: 16    მოითხოეს პილატესგან წმიდაჲ გუამი უფლისაჲ
Line of ed.: 17    და გარდამოჰჴსნეს მათ ძელისაგან
Line of ed.: 18    და დადვეს ახალსა მას სამარესა,
Line of ed.: 19    რომელმან ჴელმწიფებით განაღჳძნა ყოველნი
Line of ed.: 20    ბნელსა შინა მძინარენი
Line of ed.: 21    სიკუდილისა აჩრდილთა,
Line of ed.: 22    საღმრთოჲთა ნათლითა განაბრწყინვა ყოველნი,
Line of ed.: 23    აღდგა მესამესა დღესა
Line of ed.: 24    და აღმავსნა ჩუენ სიხარულითა.

Line of ed.: 25    ვიდოდით ძალითიძალად
Line of ed.: 26    ყოველთა დღეთა ცხორებისა ჩუენისათა,
Line of ed.: 27    ვიქცეოდით ანგელოზთა წესითა სოფელსა შინა.
Line of ed.: 28    რამეთუ დაბადებულნი ვართ
Line of ed.: 29    ხატად და მსგავსად ღმრთისა ცხოველისა
Line of ed.: 30    და ყოლადვე უცხო არს ცოდვაჲ ჩუენ შორის
Line of ed.: 31    და ჴორცნი ჩუენნი _ ტაძარნი
Line of ed.: 32    სულისა წმიდისანი _
Line of ed.: 33    მარადის მარხვითა აღვიკრძალნეთ სიწმიდით
Line of ed.: 34    და ძრწიანმცა გულნი ჩუენნი
Line of ed.: 35    საუკუნოჲსა საშჯელისაგან!

Line of ed.: 36    მაცთუნა მტერმან ბოროტმან
Line of ed.: 37    და მომაკუდინა უკუდავად დაბადებული
Line of ed.: 38    გარდასლვითა მცნებასა მას დამბადებელისა,
Line of ed.: 39    რამეთუ შევიწყნარე სიტყუაჲ
Line of ed.: 40    მტყუვარისაგან, რომელი-იგი მრქუა მე,
Line of ed.: 41    ვითარმედ: ღმერთ იქმნე ყოველსა ზედა!
Page of ed.: 182  Line of ed.: 1    ხოლო შემოქმედმან ჩემმან
Line of ed.: 2    არაჲ უგულებელს-მყო,
Line of ed.: 3    არამედ წყალობით აღმადგინა მომწყდარი
Line of ed.: 4    და მამცნო წყლულებათათჳს
Line of ed.: 5    მარხვაჲ და ლოცვაჲ საკურნებელად.

Line of ed.: 6    ტაძრისა დაკრძალულისაგან
Line of ed.: 7    და ყოლად შეუვალისა კაცთა მიერ
Line of ed.: 8    გამოვიდა კაცი სრული გუამოვნებითა
Line of ed.: 9    სიტყუაჲ ღმრთისაჲ განკაცებული
Line of ed.: 10    და ვითარცა შესლვასა არაჲ განეღო,
Line of ed.: 11    ეგრეთვე გამოსლვასა არაჲ აგრძნა
Line of ed.: 12    დედობრივმან ბუნებამან,
Line of ed.: 13    და არცა ქალწულებამან,
Line of ed.: 14    რამეთუ ჰფარვიდა მას ზეცით ძალი მაღლისაჲ
Line of ed.: 15    და აწ აქუს მადლი მეოხებად
Line of ed.: 16    წინაშე ღმრთისა სულთა ჩუენთათჳს.
Hymn type:  



Next part


This text is part of the TITUS edition of Ioane Minchkhi, Poezia.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.