TITUS
Ioane Minchkhi, Poezia
Part No. 59
Previous part

Hymn number: 60 
Page of ed.: 217 
Line of ed.: 12  მეოთხესა კჳრიაკესა. ჴმაჲ ბ გუერდი


Line of ed.: 13BC    კაცებაჲ რაჲ შეჲმოსა
Line of ed.: 14BC    კაცთა ჴსნისათჳს უჴორცომან ღმერთმან,
Line of ed.: 15BC    დაფარა ჴორცითა თუალთშეუდგამი
Line of ed.: 16BC    შანთი იგი ღმრთეებისაჲ
Line of ed.: 17BC    განგებულებით ჴორცითა თჳსითა,
Line of ed.: 18BC    რომლითა გამოჩნდა უხილავი
Line of ed.: 19BC    სახილველად დაბადებულთა,
Line of ed.: 20BC    რამეთუ შეერთო
Line of ed.: 21BC    შეურწყმელად შეზავებითა
Line of ed.: 22BC    ღმრთეებაჲ კაცებასა
Line of ed.: 23BC    და იშვა ორითა ბუნებითა,
Line of ed.: 24BC    რაჲთა მოსცეს სოფელსა დიდი წყალობაჲ.

Line of ed.: 25    კაცთათჳს კაც იქმნა ღმერთი,
Line of ed.: 26    თჳსთა მოვიდა და მათ არაჲ იცნეს,
Line of ed.: 27    არაჲ შეიწყნარეს, ვითარცა ღმერთ არს,
Line of ed.: 28    არამედ შურად აღუდგეს
Line of ed.: 29    და ვითარცა კაცი დასაჯეს ჯუარსა ზედა,
Line of ed.: 30    რომელთა კადრებაჲ ღმრთეებისაჲ
Line of ed.: 31    ამხილა მზემან დაბნელებითა,
Line of ed.: 32    კლდეთა განხეთქითა
Line of ed.: 33    და კრეტსაბმელმან განპებითა.
Line of ed.: 34    ჵ სიბრმესა მას მათსა:

Line of ed.: 35    ხედვიდეს და არა იხილეს,
Line of ed.: 36    ვითარცა თქუა მათთჳს პირველივე ესაჲა.
Page of ed.: 218  Line of ed.: 1    რომელნი იერუსალჱმად
Line of ed.: 2    აღმოსრულ იყვნეს გალილეაჲთ დედანი,
Line of ed.: 3    შეუდგეს უფალსა ჯუარცუმასა მისსა
Line of ed.: 4    და იხილეს მათ ყოველი
Line of ed.: 5    ვითარ-იგი დადვეს საფლავსა და დაჰბეჭდეს,
Line of ed.: 6    წარვიდეს და მოჰმზადეს სულნელებაჲ
Line of ed.: 7    და განთიად მესამესა დღესა
Line of ed.: 8    მოვიდეს საფლავად
Line of ed.: 9    გლოვად წუხილითა მტირალნი.
Line of ed.: 10    და აჰა, სიხარულითა
Line of ed.: 11    მიუწდომელითა აღივსნეს,
Line of ed.: 12    ოდეს ჰრქუა მათ ანგელოზმან "გიხაროდენ!"

Line of ed.: 13    საუკუნეთა უფალო
Line of ed.: 14    ყოვლისა დამამტკიცებელო ქრისტე,
Line of ed.: 15    არაჲ თუ ჩუენ თჳთ ვიყვენით, არამედ
Line of ed.: 16    შენ დამბადენ მიწისაგან
Line of ed.: 17    და მიმამსგავსებენ ღმრთეებისა შენისა ხატსა
Line of ed.: 18    და რაჟამს მიხილენ მოშურნისა მიერ,
Line of ed.: 19    იგივე ბუნებაჲ
Line of ed.: 20    საძიებელად შეიმოსე
Line of ed.: 21    და მით მოჰკუედ ჩუენთჳს
Line of ed.: 22    და აღსდეგ მესამესა დღესა
Line of ed.: 23    და ჩუენ აღმადგინენ შენ თანა და მაცხოვნენ ჩუენ.

Line of ed.: 24    მტყუვარ არს საწუთროჲ ესე
Line of ed.: 25    და ყოვლით კერძოვე ამაო არს,
Line of ed.: 26    დაუმძიმნის გონებანი კაცთანი
Line of ed.: 27    შუებითა და მთრვალობითა
Line of ed.: 28    და დაუბნელნის შინაგან სულისა თუალნი
Line of ed.: 29    და დაუტკბნის ჴორცთა გემოვნებანი,
Line of ed.: 30    რომლისა მიზეზითა მოატყჳს
Line of ed.: 31    საუკუნოჲ იგი
Line of ed.: 32    სატანჯველი ულხინებელი,
Line of ed.: 33    ხოლო მათთჳს კეთილ არს,
Line of ed.: 34    რომელთა კეთილად იჴუმიონ
Line of ed.: 35    სიმდიდრე თჳსი და მიავასხონ ღმერთსა.

Line of ed.: 36    სინათლე სულისა თუალთაჲ
Line of ed.: 37    და ბრწყინვალებაჲ ჴორცთა ბუნებისაჲ,
Line of ed.: 38    შანთი ზეცისაჲ ცეცხლებრ შემწუეველი
Line of ed.: 39    ეკლოვანთა გულისთქუმათაჲ
Page of ed.: 219  Line of ed.: 1    და კეთილთა საქმეთა დასაბამი,
Line of ed.: 2    მარხვაჲ _ დაცემულთა აღმადგინებელი
Line of ed.: 3    და დაცემადთა განმამტკიცებელი
Line of ed.: 4    და შინაგანთა მათ
Line of ed.: 5    ზრახვათა ბოროტთა დამჴსნელი.
Line of ed.: 6    ესე შევიყუაროთ ჩუენ
Line of ed.: 7    და ლოცვაჲ და გლახაკთმოწყალებაჲ
Line of ed.: 8    და ვცხოვნდეთ უკუნითი უკუნისამდე.

Line of ed.: 9    სანთელი იგი ზეცისაჲ
Line of ed.: 10    დაბადებულთა განმანათლებელი
Line of ed.: 11    საბაზმაკესა მას ზედა წმიდასა
Line of ed.: 12    მოუკლებელად მგზნებარე
Line of ed.: 13    ცეცხლი საღმრთოჲ ნებთა ზედა უბიწოჲსათა
Line of ed.: 14    გამოჩნდა და არაჲ შემწუველ ექმნა,
Line of ed.: 15    არამედ დაიცვა უვნებელად,
Line of ed.: 16    ვითარცა მაყუალი,
Line of ed.: 17    რომელმან განაკჳრვა მოსე,
Line of ed.: 18    ესე არს სასოჲ ჩუენი,
Line of ed.: 19    კარი ცხორებისა ჩუენისაჲ,
Line of ed.: 20    დედაჲ მეუფისაჲ და მეოხი სულთა ჩუენთაჲ.
Hymn type:  



Next part


This text is part of the TITUS edition of Ioane Minchkhi, Poezia.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.