TITUS
Udzv.iadg.
Part No. 174
Previous part

Date: WPasch._1_c2   Link to lektpar
Line of ed.: 19  დასადებელნი ადგომისანი ჴ̃ჲ გ გ̃ი


Line of ed.: 20       უფალო ღაღატყავსა

Line of ed.: 21       ღაღატ-ყავ შენდამი, ჴმისა ჩემისაჲ ისმინე, უფალო, და
Line of ed.: 22    მაცხოვნე.

Line of ed.: 23       მაცხოვარებისა შენისა ადგომასა ვღაღადებთ შენდამი,
Line of ed.: 24    უფალო.

Line of ed.: 25       ადგომილსა საფლავით მესამესა დღესა გიგალობთ, კაცთმოყუარე
Line of ed.: 26    უფალო.

Line of ed.: 27       მამისა თანა-მოსაყდრჱ, რომელსა ცანი ვერ იტევდეს, ქუეყანასა
Line of ed.: 28    ზედა ჯერ-იჩინე ქალწულისაგან ჴორცშესხმულმან ჯუარსა ზედა
Line of ed.: 29    ვნებაჲ ჩუენთჳს, რომელმან პირველ შექმნული ქუესკნელთაგან ქუეყანისათა
Line of ed.: 30    აღმოიყვანენ და ყოველთა მოგუანიჭე ადგომაჲ, კაცთმოყუარე
Line of ed.: 31    და ყოლად ძლიერო უფალო.

Page of ed.: 478  
Line of ed.: 1       საყდართა ქერობინთა ზედა მჯდომარე ახალსა საფლავსა, ნათლითა
Line of ed.: 2    შემოსილსა, დაიდევ და მესამესა დღესა ასდეგ უჴრწნელად, რომელმან
Line of ed.: 3    პირველ წყევისა მის წილ წმიდათა მათ დედათა სიხარული
Line of ed.: 4    მიჰმადლე, რომლისათჳს ჩუენცა დაუცხრომელად გალობასა, ვითარცა
Line of ed.: 5    საკუმეველსა, შენდა, ქრისტე, შევსწირავთ.

Line of ed.: 6       ნეფსით ივნე, ქრისტე ღმერთო, ცხორებისათჳს კაცთაჲსა, აღრაჲ-ჰჴედ
Line of ed.: 7    ზედა ჯუარსა, სიკუდილისა საწერტელი დასთრგუნე და
Line of ed.: 8    მყოფნი ბნელისანი აღმოიყვანენ ნათლად და ნათლითა შემოსილნი
Line of ed.: 9    წარუდგინენ მამასა მსგავსად ათქუმისა.

Line of ed.: 10       მწუხრისა ლოცვასა შევსწირავთ შენდამი, უფალო, რომელი
Line of ed.: 11    განზრახვით ჯუარსა დაემრჭუალე, ჯოჯოხეთი წარმოსტყუენე. დიდებაჲ
Line of ed.: 12    ადგომასა შენსა, ქრისტე ღმერთო ჩუენო.

Line of ed.: 13       საფლავსა დაიდევ, ვითარცა კაცი, ჩუენთჳს და ასდეგ მესამესა
Line of ed.: 14    დღესა, ადამ საკრველთაგან სიკუდილისათა აღმოიყვანე. დიდებაჲ
Line of ed.: 15    ადგომასა შენსა, ქრისტე ღმერთო ჩუენო.

Line of ed.: 16       ადგომილი საფლავით გამოუჩნდი დედათა, ნელსაცხებლის მიმღებელთა,
Line of ed.: 17    და მათ მიერ მოწაფეთა მგლოვარეთა მიანიჭე სიხარული
Line of ed.: 18    ადგომისა შენისაჲ. თაყუანის-ვსცემთ ადგომასა შენსა, ქრისტე
Line of ed.: 19    ღმერთო ჩუენო.

Line of ed.: 20       გიხაროდენ, ქალწულო, რამეთუ შენგან და შენ მიერ იხარებენ
Line of ed.: 21    ყოველნი კიდენი, რამეთუ ევაჲ პირველად ძელისაგან გამოვიდა სამოთხით,
Line of ed.: 22    ხოლო აქა ძელი შენ მიერ თაყუანის-იცემების ყოველთა მიერ,
Line of ed.: 23    რომლისაგან დაითრგუნა საჭურველი მტერისაჲ.

Line of ed.: 24       გიხაროდენ, ღმრთისმშობელო, სულიერო ტაძარო, რომელი
Line of ed.: 25    ბუნებით მაყუალსა მიემსგავსე, რომელი ხარ სულმცირჱ ღრუბელი,
Line of ed.: 26    რომელმან დაუტევნელი დაიტიე საშოსა ქალწულებისასა და შენგან
Line of ed.: 27    რაჲ გამოვიდა გამოუთქმელად ძჱ და სიტყუაჲ ღმრთისაჲ, ქრისტე
Line of ed.: 28    ღმერთი ჩუენი, რომელმან აიხუნა სოფლისა ცოდვანი.

Page of ed.: 479  
Line of ed.: 1       რომელი იშევ ქალწულისაგან, სიტყუაჲ მამისაჲ, უქცეველად,
Line of ed.: 2    ღმერთი იხილვე ჴორცითა და სოფელი ვნებათაგან იჴსენ. გუაცხოვნენ
Line of ed.: 3    მგალობელნი შენნი, მაცხოვარ.

Line of ed.: 4       მესამესა დღესა ასდეგ საფლავით, ქრისტე ღმერთო ჩუენო, და
Line of ed.: 5    წმიდითა ადგომითა შენითა ცხორებაჲ მორწმუნეთა მიანიჭე. რომელმან
Line of ed.: 6    წმიდათა მათ დედათა მიჰმადლე სიხარული ადგომისა შენისაჲ,
Line of ed.: 7    გამოუთქმელო და კაცთმოყუარეო უფალო, დიდებაჲ შენდა.

Line of ed.: 8       რომელმან ადგომითა შენითა ადგომაჲ მიჰმადლე ნათესავსა კაცთასა
Line of ed.: 9    და ზეცისა მგალობელთა ღირს-მყვენ უღირსნი მონანი შენნი,
Line of ed.: 10    ვღაღადებთ შენდამი: შეგჳწყალენ ჩუენ, ნათელო სულთა ჩუენთაო.

Line of ed.: 11       გიხაროდენ, მაყუალო შეუწ.

Line of ed.: 12       დედაო კაცთმოყ.

Line of ed.: 13       ზღუდე.

Line of ed.: 14       ჯუარსა ზედა აჰმაღლდი შენ ორთა ავაზაკთა და ბნელისა იგი
Line of ed.: 15    საცთური ვნებითა შენითა, ქრისტე, ნათელ ჰყავ. ამისთჳს ჩუენ, მორწმუნენი,
Line of ed.: 16    დაუცხრომელად გალობასა, ვითარცა საკუმეველსა, შენდა,
Line of ed.: 17    ქრისტე, შევსწირავთ.

Line of ed.: 18       წარმოსტყუენე ჯოჯოხეთი, ძლიერო, და დასთრგუნე სიმტკიცჱ
Line of ed.: 19    სიკუდილისაჲ შენითა ღმრთეებითა და მესამესა დღესა ასდეგ მკუდრეთით,
Line of ed.: 20    რომელმან ადამი აღმოიყვანე სიკუდილისაგან ადგომითა
Line of ed.: 21    შენითა. ამისთჳს ჩუენ, მორწმუნენი, გალობასა, ვითარცა საკუმეველსა,
Line of ed.: 22    შენდა, ქრისტე, შევსწირავთ.

Line of ed.: 23       შემდგომად ადგომისა შენისა, ქრისტე ღმერთო, განეცხადე წმიდათა
Line of ed.: 24    მოციქულთა. მთასა ზედა ზეთის-ხილთა გიხილეს შენ აღმაღლებული
Line of ed.: 25    ზეცად და ღრუბელმან შეგიწყნარა მეუფჱ დიდებისაჲ, რომელი
Line of ed.: 26    აჰმაღლდი ზეცად და დასჯედ მარჯუენით მამისა. მოციქულთა
Line of ed.: 27    მოუვლინე სული წმიდაჲ და აღავსენ იგინი მადლითა შენმიერითა,
Line of ed.: 28    უფალო, უქადაგეს სოფელსა ნათელი წარუვალი, სამებისა წმიდისა
Line of ed.: 29    ერთარსებაჲ, რომლისათჳსცა ჩუენ, მორწმუნენი, სამწუხროსა გალობასა,
Line of ed.: 30    ვითარცა საკუმეველსა, შენდა, ქრისტე, შევსწირავთ.

Line of ed.: 31       რომელმან ივნე ჴორცითა ვნებაჲ ჯუარსა ზედა და სიკუდილისა
Line of ed.: 32    საკრველნი, ვითარცა ღმერთ ხარ, განხეთქენ და მყოფნი ბნელისანი
Line of ed.: 33    განათავისუფლენ და პირველისა მისგან წყევისა სოფელი იჴსენ, გუაცხოვნენ
Line of ed.: 34    მღაღადებელნი ადგომისა შენისანი, მაცხოვარ.

Line of ed.: 35       რომელი საფლავსა დაიდევ, ვითარცა მკუდარი, და მესამესა დღესა
Line of ed.: 36    ასდეგ ძლიერებითა ღმრთეებისაჲთა, სოფელი დანთქმული შენ თანა
Line of ed.: 37    აღადგინე და გულნი განანათლენ, გუაცხოვნენ მღაღადებელნი
Line of ed.: 38    ადგომისა შენისანი, მაცხოვარ.

Page of ed.: 480  
Line of ed.: 1       ოხითაჲ

Line of ed.: 2       გამოუთქმელ ხარ ღმრთეებითა და ქველის-მოქმედ მოწყალებითა,
Line of ed.: 3    უგალობთ შენსა სახიერებასა, რაჲთა დაურჩელად ღირს ვიქმნეთ
Line of ed.: 4    წარდგომად წინაშე საყდართა შენთა, რომელსა სარწმუნოებით
Line of ed.: 5    თაყუანის-გცემთ -- მამასა და ძესა და წმიდასა სულსა, განუყოფელად
Line of ed.: 6    სამსა არსებასა, ერთსა ძალსა, ერთსა ღმრთეებასა.

Line of ed.: 7       რომელმან დაჰბადნა ცანი სიტყჳთა და შეამკვნა იგი დიდებითა,
Line of ed.: 8    სათნო-იყო საყდართა ქერაბინთა ზედა მჯდომარემან განკაცებაჲ
Line of ed.: 9    ქალწულისაგან და ვნებითა მისითა ჯუარსა ზედა აღადგინა დაცემული
Line of ed.: 10    ნათესავი კაცთაჲ. მას მხოლოსა თაყუანის-ვსცეთ, რომელი ადგა
Line of ed.: 11    მკუდრეთით.

Line of ed.: 12       გალობითა ახლითა დიდების-ვმეტყუელებდეთ გამოუთქუმელსა
Line of ed.: 13    ქრისტესა ღმერთსა ჩუენსა, რომელმან თავს-იდვა ჯუარსა ზედა ვნებაჲ
Line of ed.: 14    ჴორცითა, დაეფლა და ადგა უჴრწნელად, მოანიჭა სოფელსა დიდი
Line of ed.: 15    წყალობაჲ.

Line of ed.: 16       ადგომაჲ ქრისტჱსი ვიხილეთ, რამეთუ სიხა.


Line of ed.: 17       ფსალმუნი

Line of ed.: 18       წარემართე (ps. 140, 2 Link to psa).


Line of ed.: 19       დასადებელი

Line of ed.: 20       დასდევ, უფალო, საცოჲ პი (ps. 140, 3 Link to psa).


Line of ed.: 21       აქა აკურთხევდითსა

Line of ed.: 22       ადგომაჲ ქრისჱსი ვიხილეთ, თაყუანის-ვსცემთ წმიდასა
Line of ed.: 23    უფალსა იესუს, მაცხოვარსა ჩუენსა.

Line of ed.: 24       ესე არს დღჱ სიხაულისაჲ და ცხორებისაჲ, რომელ ქმნა უფალმან.
Line of ed.: 25    ვიხარებდეთ და ვიშუებდეთ ადგომასა მისსა, რამეთუ ადგა ქრისტე
Line of ed.: 26    მკუდრეთით, ადგომაჲ და ცხორებაჲ ყოველთა მოგუანიჭა.

Line of ed.: 27       ქრისტჱ, მაცხოვარი ჩუენი, საფლავით ადგა, ადგომითა მისითა
Line of ed.: 28    სოფელი განანათლა, ადგომაჲ და ცხორებაჲ ყოველთა მოგუანიჭა.

Line of ed.: 29       ადგომაჲ ქრისტჱსი იხილეს, თაყუანის-სცეს მოციქულთა და
Line of ed.: 30    თაყუანის-ცემად შენდა, ჭეშმარიტისა ღმრთისა, გუასწავეს წარმართთა.

Page of ed.: 481  
Line of ed.: 1       ჯუარისანი

Line of ed.: 2       ჯუარსა ქრისტესსა თაყუანის-ცემად ნუმცა დავსცხრებით,
Line of ed.: 3    რამეთუ მან მიჴსნა ჩუენ ურჩულოებათა ჩუენთაგან -- წმიდამან
Line of ed.: 4    უფალმან იესუ, რომელმან მიჩუენა ჩუენ.

Line of ed.: 5       ძელი ცხორებისაჲ, ჯუარი შენი, ქრისტე, გამოაჩინე, სიკუდილი
Line of ed.: 6    ამით დასთრგუნე და სოფელი განანათლე. ყოლად ძლიერო
Line of ed.: 7    უფალო, დიდებაჲ შენდა.

Line of ed.: 8       ჯუარსა დაემშჭუალე, ვენაჴი ჭეშმარიტებისაჲ მოისთულ.

Line of ed.: 9       ჯუარი აემართა, სასოჲ მორწმუნეთაჲ, ქრისტე ამაღლდა მას
Line of ed.: 10    ზედა, მე.

Line of ed.: 11       არღარა მძლე.

Line of ed.: 12       მოეც სასწაულად მოშიშ.


Line of ed.: 13       უგალობდითსა

Line of ed.: 14       უგალობდეთ უფალსა, რამეთუ დიდებით დიდებულ არს დასაბამითგან,
Line of ed.: 15    შემწყნარებელ. ღმერთო ჩუენო, გუაცხოვნენ ჩუენ.

Line of ed.: 16       უგალობდეთ უფალსა, რამეთუ დიდებულ არს, რომელი ადგა
Line of ed.: 17    მკუდრეთით და მშჳდობაჲ მოგუანიჭა ჩუენ.

Line of ed.: 18       უგალობდეთ უფალსა, რომელი ჯუარს-ეცუა ჩუენთჳს, რამეთუ
Line of ed.: 19    ჯოჯოხეთი წარმოსტყუენა და სოფელი ყოველი აცხოვნა.

Line of ed.: 20       რომელი ასდეგ მკუდრეთით მესამესა დღესა, კაცთმოყუარე,
Line of ed.: 21    შენდობაჲ ცოდვათაჲ მოგუანიჭე, რომელნი დაუცხრომელად შენ
Line of ed.: 22    გიგალობთ.

Line of ed.: 23       ქალწულო დედაო, უსძლოო, რომელმან შევ მაცხოვარი ქრისტჱ,
Line of ed.: 24    ნუ ...ლთა ჩუენთათჳს.

Line of ed.: 25       უფალი არს, რომელმან შემუსრა ძლიერებაჲ ფარაოჲსი, შემუსრა
Line of ed.: 26    სიმტკიცჱ სიკუდილისაჲ და, ვითარცა ისრაელი მონებისაგან მტერისა,
Line of ed.: 27    მორწმუნენი განგუათავისუფლნა.

Line of ed.: 28       მოსე სასწაულითა ჯუარისათა მტერთა უფლისათა არცხუენდა,
Line of ed.: 29    ქრისტჱს დამსჭუალვითა ჯუარისაჲთა ჯოჯოხეთი შემუსრა და საუკუნითგან
Line of ed.: 30    შეპყრობილნი დაბადებულნი ბნელისაგან განათავისუფლნა.

Page of ed.: 482  
Line of ed.: 1       ვითარცა უქცეველად ჴორცითა ქალწულისაგან ... ღმრთეებითა
Line of ed.: 2    ჴელმწიფებით საფლავით აღმობრწყინდა და აღთქუმაჲ საუკუნოჲ
Line of ed.: 3    ნათლისა ადგომისაჲ მორწმუნეთა მოანიჭა.

Line of ed.: 4       ქერობინად საყდრად გამოსჩნდი, უჴრწნელო ღმრთისმშობელო,
Line of ed.: 5    გეტჳრთა შენ ძჱ, პირველ საუკუნეთა სიტყუაჲ ღმრთისაჲ უთესოდ
Line of ed.: 6    ჴორცითა შევ ცხორებად ნათესავისათჳს კაცთაჲსა.

Line of ed.: 7       უგალობდეთ უფალსა, რამეთუ დიდებით დიდებულ არს, რომელი
Line of ed.: 8    იშევ ქალწულ.


Line of ed.: 9       მოიხილესა

Line of ed.: 10       მიეცით, ერნო დიდებაჲ ქრისტესა ღმერთსა ჩუენსა, რამეთუ
Line of ed.: 11    სათნო-იყო განკაცებულმან ჯუარსა ზედა ვნებაჲ და აჴოცნა ცოდვანი
Line of ed.: 12    სოფლისანი.

Line of ed.: 13       დაგჳცვენ შენნი მოსავნი, ღმერთო, ჯუარითა შენითა პატიოსნისა
Line of ed.: 14    და ნათელსა ღმრთეებისა შენისასა ღირს მყვენ ჩუენ წმიდითა
Line of ed.: 15    ადგომითა შენითა.

Line of ed.: 16       მართალ და წმიდა არს უფალი ღმერთი ჩუენი, რომელმან შემუსრა
Line of ed.: 17    სიმტკიცჱ სიკუდილისაჲ, ადგომაჲ და ცხორებაჲ ყოველთა
Line of ed.: 18    მოგუანიჭა.

Line of ed.: 19       მარადის მადიდებელნი შენნი, ყოლად წმიდაო ქალწულო, გევედრებით
Line of ed.: 20    შენ: მეოხ გუეყავ შენგან შობილისა მიმართ ღმრთისა ლხინებისათჳს
Line of ed.: 21    სულთა ჩუენთაჲსა.

Line of ed.: 22       მოიხილე მაღლით წმიდით შენით, მოწყალე, და მოეც მშჳდობაჲ
Line of ed.: 23    ერსა შენსა, კაცთმოყუარე, რომელნი იჴსნენ ჯუარითა შენითა
Line of ed.: 24    პატიოსნითა.

Line of ed.: 25       მართალ და წმიდა არს უფალი ღმერთი ჩუენი, რომელმან მისცა
Line of ed.: 26    თავი თჳსი ჩუენთჳს და მიჴსნა ჩუენ მონებისაგან საცთურისა მტერისა
Line of ed.: 27    პატიოსნითა ჯუარითა.

Line of ed.: 28       განამართლოს უფალმან ერი თჳსი, რომელი მოიგო სისხლითა
Line of ed.: 29    თჳსითა და ნუგეშინის-სცეს მონათა თჳსთა, რომელნი იჴსნნა ადგომითა
Line of ed.: 30    მისითა და დაიცვეს სოფელი ჯუარითა პატიოსნითა.

Line of ed.: 31       მოიხილე, ცაო.

Line of ed.: 32       დიდებაჲ შენდა, დიდებ.

Line of ed.: 33       უბიწოო ღმრთის.

Page of ed.: 483  
Line of ed.: 1       განძლიერდასა

Line of ed.: 2       განძლიერდა გული ჩემი უფლისა მიმართ და ამაღლდა რქაჲ
Line of ed.: 3    ჩემი ღმრთისა მიერ ჩემისა, განივრცნა პირი ჩემი ზედა მტერთა
Line of ed.: 4    ჩემთა.

Line of ed.: 5       არავინ არს წმიდაჲ, ვითარ უფალი, და არავინ არს მართალ,
Line of ed.: 6    ვითარ შენ, ღმერთო ჩუენო, და არავინ არს წმიდაჲ შენსა გარეშე,
Line of ed.: 7    უფალო.

Line of ed.: 8       რქაჲ ჩუენი აღამაღლე ჯუარსა ზედა ვნებითა შენითა, ქრისტე,
Line of ed.: 9    არცხჳნე მჴდომსა ჩუენსა, ამისთჳსცა თაყუანის-ვსცემთ წმიდასა ადგომასა
Line of ed.: 10    შენსა.

Line of ed.: 11       ასდეგ საფლავით, ცხორების მომცემელო, გჳჴსნენ ჴრწნილებისაგან,
Line of ed.: 12    ქრისტე, მორწმუნენი ადგომითა შენითა, მხოლოო,
Line of ed.: 13    კაცთმოყუარე.

Line of ed.: 14       უსძლოო დედაო, უქორწინებელო ქალწულო, რომელმან პირველ
Line of ed.: 15    საუკუნეთა სიტყუაჲ ღმრთისაჲ უთესლოდ ჴორცითა აღმოგჳცჱნე,
Line of ed.: 16    მას ევედრე ჩუენთჳს, რაჲთა ვიჴსნნეთ ჩუენ განსაცდელისაგან.

Line of ed.: 17       ძლიერებაჲ სულისაჲ, სიმდაბლჱ გულისაჲ გამოაბრწყინე ჩუენ
Line of ed.: 18    ზედა, კაცთმოყუარეო უფალო, და ჯუარითა შენითა მიჴსნენ და
Line of ed.: 19    მაცხოვნენ ჩუენ.

Line of ed.: 20       მონისა ხატითა გამოშჩნდი უქცეველად ღმრთეებითა და პირველისა
Line of ed.: 21    მამისა თანა-ნადები ცოდვაჲ მოწყალემან უფალმან ჯუარსა
Line of ed.: 22    შემშჭუალე.

Line of ed.: 23       აღმოჰბრწყინდი საფლავით მეუფჱ უკუდავი და საუკუნითგან
Line of ed.: 24    სიკუდილისა მიცემულნი ძლიერებითა ღმრთეებისაჲთა გამომიჴსნენ
Line of ed.: 25    ჩუენ.


Line of ed.: 26       უფალო მესმასა

Line of ed.: 27       მესმა ჴმისა შენისაჲ და შემეშინა, განვიცდიდ საქმეთა შენთა
Line of ed.: 28    და შევძრწუნდი, უფალო.

Line of ed.: 29       სმენაჲ შენი მესმა და შემეშინა, ვღაღად-ვყავ და ვთქუ: უფალო,
Line of ed.: 30    დიდებაჲ ძალსა შენსა.

Line of ed.: 31       ესმა და იხარებდა სიონი, რამეთუ გამოუჩნდი მას ადგომითა
Line of ed.: 32    შენითა, უფალო.

Line of ed.: 33       განანათლე სოფელი ჯუარითა პატიოსნითა, ადგომაჲ და ცხორებაჲ
Line of ed.: 34    ყოველთა მოგუანიჭე.

Line of ed.: 35       მეოხებითა, უფალო, წმიდათა მოციქულთა შენთაჲთა ცხორებისა
Line of ed.: 36    ჩუენისათჳს მშჳდობა ყავ, ვითარცა ღმერთ ხარ და
Line of ed.: 37    კაცთმოყუარე.

Page of ed.: 484  
Line of ed.: 1       გარდამოჰჴედ ზეცით, ხატი მონებისაჲ მიიღე, განათლდეს ეკლესიანი
Line of ed.: 2    ადგომითა შენითა, უფალო.

Line of ed.: 3       ქალწულმან შევ მაცხოვარი ქრისტე, ნუ დასცხრები ვედრებად,
Line of ed.: 4    რაჲთა შეიწყალნეს მაქებელნი შენნი, ღმრთისმშობელო ყოლად
Line of ed.: 5    უჴრწნელო.

Line of ed.: 6       მესმა სმენაჲ შენი, უფალო, და შემეშინა, რამეთუ მოხუედ ქუეყანად
Line of ed.: 7    კაცობრივითა ბუნებითა. დიდებაჲ ძალსა შენსა, უფალო.

Line of ed.: 8       ჯუარსა ზედა აჰმაღლდი, ქრისტე ღმერთო, შემოქმედი ყოველთაჲ,
Line of ed.: 9    ჰურიათათჳს განბნევისა და წარმართთათჳს მოქცევისა. დიდებაჲ
Line of ed.: 10    ძალსა შენსა, უფალო.

Line of ed.: 11       მესამესა დღესა ასდეგ მკუდრეთით უვნებელად ღმრთეებითა,
Line of ed.: 12    შენ თანა აღადგინენ დაცემული და ჩუენ მოგჳწოდე მგალობელად
Line of ed.: 13    სამებისა წმიდისა. დიდებაჲ ძალსა შენსა, უფალო.

Line of ed.: 14       ნათლით შემოსილსა საფლავსა პირველ განგებ.

Line of ed.: 15       უბიწოო, მარადის ქალწულო, დედაო ქრისტეს ღმრთისა ჩუენისაო,
Line of ed.: 16    მას ევედრე ცხო ...


Line of ed.: 17       ღამითგანსა

Line of ed.: 18       რომელთა აღვიმსთუეთ დიდებად შენდა და ქებად, უგალობთ
Line of ed.: 19    დაუცხრომელად ნიშსა ჯუარისა შენისასა, რომელი მომეც ჩუენ საჭურველად
Line of ed.: 20    საძლეველად.

Line of ed.: 21       ჯუარსა დაემშჭუალე, ვითარცა განიზრახე, მკუდართა თანა
Line of ed.: 22    შეირაცხე დიდითა სახიერებითა და მიჴსნენ ჩუენ. უფალო, დიდებაჲ
Line of ed.: 23    შენდა.

Line of ed.: 24       საფლავსა დაიდევ უკუდავი ღმერთი და ყოლად ძლიერებითა ასდეგ
Line of ed.: 25    მესამესა დღესა ღმრთეებისა ჴელმწიფებითა და მიჴსნენ ჩუენ.

Line of ed.: 26       უფალო, დიდებაჲ შენდა.

Line of ed.: 27       რომელმან უთესლოდ შევ ქრისტე მეუფჱ, ვედრებასა ნუ დასცხრები
Line of ed.: 28    ჴსნად შეცოდებულთა მონათა შენთათჳს, უბიწოო დედაო
Line of ed.: 29    ქრისტჱს ღმრთისა ჩუენისაო.

Line of ed.: 30       მეოხებითა, უფალო, წმიდათა მოციქულთაჲთა მგალობელნი შენნი
Line of ed.: 31    გჳჴნენ მრავალთაგან ცოდვათა ჩუენთა და გუაცხოვნენ ჩუენ,
Line of ed.: 32    უფალო, სასუფეველსა შენსა.

Line of ed.: 33       ღამისა ლოცვასა შევსწირავთ შენდამი, უფალო, რომელმან მოავლინე
Line of ed.: 34    ძჱ შენი მოძიებად ცხოვართა მათ წარწყმედულთა სახელისა
Line of ed.: 35    ისრაელისათა და ჴსნად პირველ შექმნულისა ადამისა. შენი მშჳდობაჲ
Line of ed.: 36    მოგუმადლე, ღმერთო, რომელნი შენდამი ვღაღადებთ, რამეთუ
Line of ed.: 37    ნათელ არიან ბრძანებანი შენნი ქუეყანასა ზედა.

Page of ed.: 485  
Line of ed.: 1       ღამისა ლოცვასა შევსირავთ შენდამი, უფალო, რამეთუ ცხორებისა
Line of ed.: 2    ჩუენისათჳს ზეცით ქუეყნად გარდამოჰჴედ და შობითა შენითა
Line of ed.: 3    წმიდისაგან ქალწულისა კიდენი ქუეყანისანი განნათლდეს. შენი
Line of ed.: 4    მშჳდობაჲ მოგუმადლე, ღმერთო, რამეთუ ნათელ არიან ბრძანებანი
Line of ed.: 5    შენნი ქუეყანასა ზედა.

Line of ed.: 6       საფლავსა დაიდევ უკუდავი ღმერთი, რომელსა მოკუდავნი
Line of ed.: 7    გცვიდეს, ხოლო შენ ძლიერებით მესამესა დღესა ასდეგ და მოკუდავებაჲ
Line of ed.: 8    ჩუენი უკუდავებად გარდასცვალე.

Line of ed.: 9       რომელი ასდეგ მკუდრეთით, უფალო, დიდებაჲ ადგომასა შენსა.


Line of ed.: 10       ღაღატყავსა

Line of ed.: 11       ღაღად-ვყავ დარჩილმან ცოდვისა სიღრმეთა, აღმომიყვანე
Line of ed.: 12    მე განჴრწნისაგან, ღმერთო ჩემო, და მაცხოვნე მე.

Line of ed.: 13       რომელმან წინაწარმეტყუელი იგი, შეძრწუნებული ღელვათაგან
Line of ed.: 14    ზღჳსათა და მუცლისაგან ვეშაპისა, იჴსენ, ჩუენცა განგუარინენ
Line of ed.: 15    ყოვლისაგან ჭირისა, ღმერთო, და გუაცხოვნენ ჩუენ.

Line of ed.: 16       მკუდრეთით ასდეგ მესამესა დღესა, სახიერ, აღადგინე კაცთაჲ
Line of ed.: 17    ნათესავი და ყოველთა მოგუანიჭე, კაცთმოყუარე, შენთა მორწმუნეთა,
Line of ed.: 18    ადგომაჲ.

Line of ed.: 19       სასოვო სოფლისაო და შესავედრებელო ცოდვილთაო, წმიდაო
Line of ed.: 20    ღმრთისმშობელი, შენ გუაქუ მეოხად წინაშე ძისა შენისა და ღმრთისა
Line of ed.: 21    ჩუენისა ცხორებისათჳს სულთა ჩუენთაჲსა.

Line of ed.: 22       იონა მუცლით გამო ვეშაპისაჲთა ღაღადებდა: უფალო, აღმოიყვანე
Line of ed.: 23    განჴრწნისაგან ცხორებაჲ ჩემი, და მე შენდამი ვღაღადებ:
Line of ed.: 24    ყოლად ძლიერო უფალო, დიდებაჲ შენდა.

Line of ed.: 25       დაუსაბამომან სიტყუამან მამისამან ჯუარსა ზედა ივნე ჩუენთჳს
Line of ed.: 26    და დარჩილნი სიკუდილისაგან აღმომიყვანენ, ადგომაჲ მოჰმადლე
Line of ed.: 27    ნათესავსა კაცთასა, ღმერთო, და გუაცხოვნენ ჩუენ.

Line of ed.: 28       ნათლითა ადგომისა შენისაჲთა განათლდეს ეკლესიანი, ქრისტე
Line of ed.: 29    ღმერთო, და მას შინა გიღაღადებთ მგალობელნი მორწმუნენი: გუაცხოვნენ,
Line of ed.: 30    კაცთმოყუარე, ადგომითა შენითა.

Line of ed.: 31       დედაო კაცთმოყუარისა ღმრთისაო, ევედრე შენგან შობილსა
Line of ed.: 32    ღმერთსა, რაჲთა მიჴსნეს ჩუენ საშინელისა მისგან დიდისა სარჩელისა.
Line of ed.: 33    ვითარცა ხარ მეოხი სოფლისაჲ, ქალწულო, ითხოვე ჩუენთჳს
Line of ed.: 34    დიდი წყალობაჲ.

Line of ed.: 35       ივნე ვნებაჲ ნეფსით უნებ.

Line of ed.: 36       საფლავსა დაიდევ მკუდართა განმათავისუფ.

Line of ed.: 37       მოციქულნო და ნათელნო სოფ.

Page of ed.: 486  
Line of ed.: 1       კურთხეულარსა

Line of ed.: 2       საჴუმილსა აგზებულსა ცუარი გარდამოუვლინე, სახიერ, ყრმანი
Line of ed.: 3    იჴსნენ მგალობელნი, რომელნი იტყოდეს: კურთხეულ ხარ შენ
Line of ed.: 4    უკუნისამდე, უფალო ღმერთო მამათა ჩუენთაო.

Line of ed.: 5       ქერობინთა ეტლთა ზედა მჯდომარეო, დამბადებელო ყოველთაო,
Line of ed.: 6    რომელმან საჴუმილი აგზებული დაშრიტე, კურთხეულ ხარ შენ,
Line of ed.: 7    უფალო ღმერთო მამათა ჩუენთაო.

Line of ed.: 8       რომელი გამოსჩნდი ჴორცითა ქალწულისაგან, დამბადებელი
Line of ed.: 9    ყოველთაჲ, და ვნებითა შენითა ჯუარსა ზედა განაახლე ადამი, კურთეულ
Line of ed.: 10    ხარ შენ უკუნისამდე, უფალო ღმერთო მამათა ჩუენთაო.

Line of ed.: 11       რომელი ასდეგ მკუდრეთით მესამესა დღესა, კაცთმოყუარე, სოფელი
Line of ed.: 12    განანათლე შენითა ადგომითა, კურთხეულ ხარ შენ უკუნისამდე,
Line of ed.: 13    უფალო ღმერთო მამათა ჩუენთაო.

Line of ed.: 14       სამებასა ერთარსებასა უგალობდეთ დაუცხრომელად, მორწმუნენი
Line of ed.: 15    ვღაღადებდეთ ყოვლითა გულითა და ვიტყოდით: კურთხეულ ხარ
Line of ed.: 16    შენ უკუნისამდე, ღმერთო მამათა ჩუენთაო.

Line of ed.: 17       რომელმან სათნო-იყავ შობაჲ ქალწულისაგან ჴორციელად და
Line of ed.: 18    ჩუენისა ჴსნისათჳს ჯუარსა ზედა აჰმაღლდი, კურთხეულ ხარ შენ
Line of ed.: 19    უკუნისამდე, ღმერთო მამათა ჩუენთაო.

Line of ed.: 20       რომელი დაეფალ გულსა ქუეყანისასა სან დღე, ვითარცა მკუდარი,
Line of ed.: 21    და ძლიერებითა ღმრთეებისაჲთა ჯოჯოხეთი შეჰმუსრე, კურთხეულ
Line of ed.: 22    ხარ შენ უკუნისამდე, ღმერთო მამათა ჩუენთაო.

Line of ed.: 23       შენ, ღმერთსა, უხილავთა შემოქმედსა, გაქებდეს ყრმანი საჴუმილსა
Line of ed.: 24    შინა, რომელნი აცხოვნენ ცუარითა. კურთხეულ ხარ შენ
Line of ed.: 25    უკუნისამდე, ღმერთო მამათა ჩუენთაო.

Line of ed.: 26       პირველი სიტყუაჲ, რომელი იშევ ქალწულისაგან, ჴელნი თჳსნი
Line of ed.: 27    ჯუარსა ზედა განიპყრენ, წარმოსტყუენე ჯოჯოხეთი ძლევითა, კურთხეულ
Line of ed.: 28    ხარ შენ უკუნისამდე, ღმერთო მამათა ჩუენთაო.

Line of ed.: 29       კრებული წმიდათაჲ და მთავარანგელოზთაჲ შენდა დიდებასა
Line of ed.: 30    შესწირვენ, რომელი დაეფალ ჩუენთჳს და ასდეგ მკუდრეთით, განანათლე
Line of ed.: 31    სოფელი ადგომითა. კურთხეულ ხარ შენ უკუნისამდე, უფალო
Line of ed.: 32    ღმერთო მამათა ჩუენთაო.

Line of ed.: 33       ასდეგ მკუდრეთით მესამესა დღესა უკუდავი მეუფჱ, საუკუნჱ
Line of ed.: 34    ნათელი ადგომისა შენისაჲ მოგუმადლე მორწმუნეთა შენთა. კურთხეულ
Line of ed.: 35    ხარ შენ უკუნისამდე, ღმერთო მამათა ჩუენთაო.


Line of ed.: 36       აკურთხევდითსა

Line of ed.: 37       რომელი ქალწულისაგან უბიწოჲსა აღსასრულსა ჟამთასა განჴორციელდა
Line of ed.: 38    ცხორებისათჳს ჩუენისა -- ქრისტესა ღმერთსა ჩუენსა
Line of ed.: 39    ყოველნი საქმენი უგალობდით და უფროჲსად ამაღლებდით მას
Line of ed.: 40    უკუნისამდე.

Page of ed.: 487  
Line of ed.: 1       მხოლოსა, უჴრწნელსა, პირველ საუკუნეთა სიტყუასა, აღსასრულსა
Line of ed.: 2    ჟამთასა ქალწულისაგან შობილსა და მაცხოვარსა ნათესავისა
Line of ed.: 3    კაცთაჲსა უგალობდით მღდელნი, ერნი უფროჲსად ამაღლებდით
Line of ed.: 4    მას უკუნისამდე.

Line of ed.: 5       მხოლოსა, მოწყალესა, მეუფესა დიდებისასა, რომელსა გმსახურებენ
Line of ed.: 6    ცათა ძალნი და ძრწიან ანგელოზთა წესნი, უგალობდით
Line of ed.: 7    მღდელნი, ერნი უფროჲსად ამაღლებდით მას უკუნისამდე.

Line of ed.: 8       ყრმანი, ანგელოზთა თანა მგალობელნი, და საჴუმილი, ცუარისა
Line of ed.: 9    მშობელი, ერთობით გაკურთხევენ შენ, უფალო.

Line of ed.: 10       სამეებასა ღმერთსა, რომელსა მაღალთა შინა ანგელოზნი აქებენ
Line of ed.: 11    და ქუეყანსა ზედა მორწმუნენი თაყუანის-სცემენ, ყოველნი საქმენი
Line of ed.: 12    უგალობდით და უფროჲსად ამაღლებდით მას უკუნისამდე.

Line of ed.: 13       რომელი ჯუარს-ეცუა ჩუენთჳს და ძელისა წყევაჲ განკურნა
Line of ed.: 14    ქრისტემან ღმერთმან ჩუენმან, ყოველნი საქმენი უგალობდით
Line of ed.: 15    და უფროჲსად ამაღლებდით მას უკუნისამდე.

Line of ed.: 16       რომელი ადგა მკუდრეთით და სოფელი დათქმული თანა აღადგინა
Line of ed.: 17    ქრისტემან ღმერთმან ჩუენმან, ყოველნი საქმენი უგალობდით
Line of ed.: 18    და უფროჲსად ამაღლებდით მას უკუნისამდე.

Line of ed.: 19       რომელმან დაიცვა დანიელ პირისაგან ლომთაჲსა და დაშრიტა
Line of ed.: 20    ქალდეველთაჲ აგზებული საჴუმილი და იჴსნნა აზარიაეთნი, უგალობდით
Line of ed.: 21    მღდელნი, ერნი უფროჲსად ამაღლებდით მას
Line of ed.: 22    უკუნისამდე.

Line of ed.: 23       რომელმან განიპყრნა ჴელნი თჳსნი ჯუარსა ზედა და შეჰმუსრა
Line of ed.: 24    ჴელმწიფებაჲ ეშმაკისაჲ და იჴსნა სოფელი მძლავრებისაგან მტერისა,
Line of ed.: 25    უგალობდით მღდელნი, ერნი უფროჲსად ამაღლებდით მას
Line of ed.: 26    უკუნისამდე.

Line of ed.: 27       რომელმან დათრგუნა სიმტკიცჱ სიკუდილისაჲ და მესამესა დღესა
Line of ed.: 28    საფლავით ადგა და იჴსნნა მორწმუნენი ადგომითა, უგალობდით
Line of ed.: 29    მღდელნი, ერნი უფროჲსად ამაღლდებდით მას უკუნისამდე.

Line of ed.: 30       მეუფესა ყოველთასა ვაკურთხევდეთ, რომელმან იჴსნნა სამნი
Line of ed.: 31    ყრმანი საჴუმილისაგან, უგალობდით და უფროჲსად ამაღლდებდით
Line of ed.: 32    მას უკუნისამდე.

Line of ed.: 33       რომელმან ჴსნისათჳს თჳსთა დაბადებულთა მოუვლინა ძჱ
Line of ed.: 34    თჳსი მაღლით სიმდაბლით, სახიერსა უფალსა ყოველნი ვაკურთხევდეთ,
Line of ed.: 35    უგალობდეთ და უფროჲსად ავამაღლებდეთ მას უკუნისამდე.

Line of ed.: 36       ქრისტესა ღმერთსა ჩუენსა ყოველნი საქმენი აქებდით და უფროჲსად
Line of ed.: 37    ამაღლებდით მას უკუნისამდე.

Page of ed.: 488  
Line of ed.: 1       ადიდებდითსა

Line of ed.: 2       ღრუბელი ნათლისაჲ და სამოთხჱ ცხორებისაჲ -- დედაჲ მეუფისაჲ,
Line of ed.: 3    მეოხი მორწმუნეთაჲ, ღმრთისმშობელი მარიამ, გალობით
Line of ed.: 4    ვადიდებდეთ.

Line of ed.: 5       გადიდებთ შენ, სახარულევანო, უხრწნელო, მარადის ქალწულო,
Line of ed.: 6    დედაო მაცხოვრისაო.

Line of ed.: 7       დაუსაბამოჲ ღმერთი, ნათელი სამარადისოჲ მოხუედ მაცხოვრად
Line of ed.: 8    სოფლისა, შეგჳწყალენ და გუაცხოვნენ ჩუენ.

Line of ed.: 9       კურთხეულ არს ქრისტე, მეუფჱ საუკუნოჲ, რომელი უთესლოდ
Line of ed.: 10    იშვა წმიდისაგან ქალწულისა, განაქარვა ძალი მტერისაჲ და განანათლა
Line of ed.: 11    ნათესავი კაცთაჲ.

Line of ed.: 12       ნათლად გამოგჳბრწყინდა ჩუენ ქრისტე ღმერთი ჩუენი, მოგუხედნა
Line of ed.: 13    მყოფთა ბნელისათა და წარუმართა ფერჴთა ჩუენთა გზასა
Line of ed.: 14    მშჳდობისასა.

Line of ed.: 15       შენ ხარ მეუფჱ საუკუნოჲ, შენ ხარ მჴსნელი სულთა ჩუენთაჲ,
Line of ed.: 16    შენ ხარ ღმერთი ჭეშმარიტი, რომელი სამებით თაყუანის-იცემები,
Line of ed.: 17    შენ, მხოლოსა უფალსა, დაუცხრომელად გადიდებთ.

Line of ed.: 18       ჯუარი აემართა -- სასოჲ მორწმუნეთაჲ, ქრისტჱ ამაღლდა მას
Line of ed.: 19    ზედა -- მეუფჱ სიმართლისაჲ, მას, მხოლოსა უფალსა, დაუცხრომელად
Line of ed.: 20    ვადიდებდეთ.

Line of ed.: 21       კურთხეულ არს ქრისტე, მჴსენლი სულთა ჩუენთაჲ, რომელმან
Line of ed.: 22    პატიოსნითა ჯუარითა წარმოტყუენა ჯოჯოხეთი, შემუსრა სიმტკიცჱ
Line of ed.: 23    სიკუდილისაჲ, ადგომაჲ და ცხორებაჲ ყოველთა მოგუანიჭა.

Line of ed.: 24       ყოლად დიდებულო, ცათა უმაღლჱსო, რომელმან უჴრწნელი
Line of ed.: 25    სიტყუაჲ უთესლოდ მიცლად-იღე და ჴორცშესხმული ღმერთი უშევ
Line of ed.: 26    კაცთა, რომლისათჳსცა მარადის ყოველნი შენ გადიდებთ.

Line of ed.: 27       ნათლისა სამარადისოჲსა მშობელად ყოველთა გამოუჩნდი,
Line of ed.: 28    შენგან რაჲ გამობრწყინდა მზჱ სიმართლისაჲ, ყოველნი განგუანათლნა
Line of ed.: 29    და ბნელი უჴრწნელებითა დაშრიტა, რომლისათჳსცა მარადის
Line of ed.: 30    ყოველნი შენ გადიდებთ.

Line of ed.: 31       მთისაგან ლოდი, თჳნიერად ჴელისა გამოკუეთილი, დანიელ
Line of ed.: 32    პირველვე გამოსახა უჴრწნელად შენი შობაჲ. სძალო ზეცისაო, ქალწული
Line of ed.: 33    შემდგომად შობისა დაადგერ, რომლისათჳსცა მარადის ყოველნი
Line of ed.: 34    შენ გადიდებთ.

Line of ed.: 35       ჯუარსა ზედა ამაღლებითა შენითა ნეფსით, მოწყალე, განათავისუფლე
Line of ed.: 36    ნათესავი კაცთაჲ მონებისაგან და საცთურისა მტერისა,
Line of ed.: 37    რომელნი გუიჴსნენ ჯუარითა წმიდითა მგალობელად და ქებად
Line of ed.: 38    შენდა.

Page of ed.: 489  
Line of ed.: 1       საფლავით ადგომითა შენითა მესამესა დღესა, ქველის-მოქმედ,
Line of ed.: 2    დაეცა სიკუდილი და შეძრწუნდა ჯოჯოხეთი, მყოფნი ბნელისანი განათლდეს
Line of ed.: 3    ადგომითა და ცხორებაჲ ყოველთა მოგუანიჭა.

Line of ed.: 4       ანგელოზთა განწყობილებითა გალობანი ბრწყინვალე იქმნებიან
Line of ed.: 5    და ნათელი იგი ქრისტჱს მოსლვისაჲ მორწმუნეთა გამობრწყინდა,
Line of ed.: 6    რომელმან განანათლა ნათესავი კაცთაჲ.

Line of ed.: 7       ქალწულო კურთხეულო, დიდებულ.

Line of ed.: 8       იყოფოდა მარიამ ტაძა.

Line of ed.: 9       გალობდა ანა გალო.

Line of ed.: 10       დღეს ადამ კუალად განახ.

Line of ed.: 11       საფლავსა დაიდვა მკუდართა აღამდგინებელი, ადგა ძლიერებითა
Line of ed.: 12    ღმრთეებისაჲთა, რომელი ზის ქერობინთა ზედა. მას მხოლოსა
Line of ed.: 13    დაუცხრომელად ვადიდებდეთ.

Line of ed.: 14       შენითა მესამისა დღისა საფლავით ადგომითა, ქველის-მოქმედ,
Line of ed.: 15    დაეცა სიკუდილი და წარმოიტყუენა ჯოჯოხეთი, მყოფნი ბნელისანი
Line of ed.: 16    განათლდეს, ადგომაჲ და ცხორებაჲ ყოველთა მოგუანიჭა.

Line of ed.: 17       დღეს მხიარულ არს წმიდათა მიერ.

Line of ed.: 18       დედაო კაცთმოყ.

Line of ed.: 19       ქალწულო, რომელმან შე.


Line of ed.: 20       ცისკრად ფსალმუნი

Line of ed.: 21       აღდეგ, ღმერთო, საჯე შჯაჲ (ps. 73, 22 Link to psa).


Line of ed.: 22       დასადებელი

Line of ed.: 23       და სულსა გლახაკთა შენთასა (ps. 73, 19 Link to psa).


Line of ed.: 24       [ფსალმუნი]

Line of ed.: 25       აღდეგ, ღმერთო, შემეწიენ ჩუენ (ps. 43, 27 Link to psa).


Line of ed.: 26       დასადებელი

Line of ed.: 27       ღმერთო, ყურთა ჩუენთა გუესმა (ps. 43, 2 Link to psa).


Line of ed.: 28       [ფსალმუნი]

Line of ed.: 29       ყოველი სული აქებდით უფალსა (ps. 150, 6 Link to psa).


Line of ed.: 30       დასადებელი

Line of ed.: 31       აქებდით ღმერთსა სიწმიდესა შორის მისსა (ps. 150, 1 Link to psa).


Line of ed.: 32       გარდამოთქუმაჲ

Line of ed.: 33       კარის მცველთა მათ ქრისტჱს საფლავისათა, რომელთა იხილეს
Line of ed.: 34    ბრწყინვალებაჲ ანგელოზისაჲ, შეძრწუნდეს და დაცჳვეს პირსა ქუეყანისასა,
Line of ed.: 35    სირცხჳლეულ იქმნნეს და განიბნინეს. ხოლო წმიდათ მათ
Page of ed.: 490   Line of ed.: 1    დედათა, რომელთა მიაქუნდა ნელსაცხებელი, მისგანვე ანგელოზისა
Line of ed.: 2    სიხარული ეუწყა: რაჲსა ეძიებთ ცხოველსა მას მკუდართა თანა?
Line of ed.: 3    წარვედით და უთხართ დამალულთა მოწაფეთა, ვითარმედ: აღდგა
Line of ed.: 4    ცხორების მომცემელი, რომელმან მიჰმადლა სოფელსა ადგომაჲ და
Line of ed.: 5    დიდი წყალობაჲ.

Line of ed.: 6       ოდეს განიპყრენ ჴელნი თჳსნი ჯუარსა ზედა, მეუფეო სიმართლისაო,
Line of ed.: 7    მაშინ დედაჲ შენი მგლოვარჱ დგა წინაშე ჯუარსა. საფლავი
Line of ed.: 8    მომზადებული, უპირატჱს განგებული ღმრთეებითა, შე-რაჲხუედ,
Line of ed.: 9    ღმრთეებაჲ და კაცებაჲ არა ცნეს უჴორცოთა ანგელოზთა. ხოლო
Line of ed.: 10    შენ ძლიერებით მესამესა დღესა ასდეგ, რომელმან მოაკუდინე
Line of ed.: 11    სიკუდილი და ჩუენ აღმადგინენ, დაცემულნი, შენითა ადგომითა.


Line of ed.: 12       აქებდითსა

Line of ed.: 13       გარდამოჴდა ანგელოზი ზეცით წმიდასა საფლავსა შენსა, მაცხოვარ,
Line of ed.: 14    ახარა დედათა მათ აღდგომაჲ შენი, ქრისტე.

Line of ed.: 15       ჴმითა საშინელითა ადგომისა შენისაჲთა შეძრწუნდეს მცველნი
Line of ed.: 16    იგი და იქმნნეს ვითარცა მკუდარნი.

Line of ed.: 17       ადგომასა შენსა, ქრისტე, საფლავით ეტყოდე მოწაფეთა: განძლიერდით,
Line of ed.: 18    მე ვსძლე სიკუდილსა.

Line of ed.: 19       ადგა ქრისტე მკუდრეთით, დაჰჴსნნა საკრველნი სიკუდილისანი,
Line of ed.: 20    ახარა სოფელსა სიხარული დიდი, აქებდით ცანი ღმერთსა
Line of ed.: 21    დიდებულსა.

Line of ed.: 22       არღარა მძლე გუექმნა ჩუენ მტერი ძელისა ცხორებითა -- სასოების
Line of ed.: 23    ქონებითა ჯუარისა შენისაჲთა. უფალო, დიდებაჲ ადგომასა
Line of ed.: 24    შენსა.

Line of ed.: 25       დედათა არა მოაკლდა სასოებაჲ, მოელოდეს ადგომასა შენსა,
Line of ed.: 26    რომელცა იხილეს და იტყოდეს: უფალო, დიდებაჲ ადგომასა შენსა.

Line of ed.: 27       ვაქებდეთ ადგომასა ქრისტესსა.

Line of ed.: 28       ადგომილსა ქრისტესა თაყუანის-ვსცეთ.

Line of ed.: 29       საფლავსა შენსა, ქრისტე, გცვიდეს ერისაგანნი, ხოლო ანგელოზნი
Line of ed.: 30    მაღალთა შინა გიგალობდეს და იტყოდეს: დიდებაჲ შენდა.

Line of ed.: 31       რომელსა ქებით თაყუნის-გცემენ ანგელოზნი, მაცხოვარ, შეგჳწყალენ
Line of ed.: 32    ჩუენ.

Page of ed.: 491  
Line of ed.: 1       ქმნულნი ჴელთა შენთანი გიგალობთ შენ, მაცხოვარ, შეგჳწყალენ
Line of ed.: 2    ჩუენ.

Line of ed.: 3       გაქებთ და თაყუანის-გცემთ შენ, ქრისტე, სიტყუაო ღმრთისაო,
Line of ed.: 4    შეგჳწყალენ ჩუენ.

Line of ed.: 5       ადგომაჲ ქრისტესი ვიხილეთ, თაყუნის-ვსცემთ წმიდასა უფალსა
Line of ed.: 6    იესუს, მხოლოსა, მაცხოვარსა ჩუენსა.

Line of ed.: 7       გაქებთ შენ, ღმერთსა, რომელმან დასაბამსა ყოველივე განაგე
Line of ed.: 8    ძისა თანა, რომელი მოვიდა მჴსნელად ჩუენდა ყოვლისაგან
Line of ed.: 9    განსაცდელისა.

Line of ed.: 10       თაყუანის-გცემთ შენ, ქრისტე, რომელი დაემკჳდრე საშოსა ქალწულისასა
Line of ed.: 11    და მისგან იშევ, ვითარცა კაცი, ვნებაჲ ჯუარსა ზედა თავსიდევ
Line of ed.: 12    და ცოდვანი ჩუენნი აჰჴოცენ.

Line of ed.: 13       გაქებთ შენ, ქრისტე, რომელი აჰმაღლდი დიდებითა და დასჯედ
Line of ed.: 14    მარჯუენით მამისა და მოგჳვლინე ჩუენ ნუგეშინის-მცემელი, რომელი
Line of ed.: 15    სამებით თაყუანის-იცემების -- ყოლად წმიდაჲ სული შენი.

Line of ed.: 16       ქალწულო კურთხეულო, დიდებულო.

Line of ed.: 17       დედაო კაცთმოყ.

Line of ed.: 18       ქალწულო, რომელმან შევ შემ.

Line of ed.: 19       გიხაროდენ, ღმრთისმშობელო, დამტევნ.

Line of ed.: 20       გიხაროდენ, ღმრთისმშობელო და სულიერო ტაძრო.

Line of ed.: 21       გაქებთ შენ, ქრისტე ღმერთო, რომელმან განიპყრენ ჴელნი თჳსნი
Line of ed.: 22    ჯუარსა ზედა და საფლსავსა, ვითარცა მკუდარი, დაიდევ და ასდეგ
Line of ed.: 23    მკუდრეთით უხრწნელი უფალი ყოველთა ცხორებისათჳს.

Line of ed.: 24       რომელმან თავს-იდევ ვნებაჲ ნეფსით ჯუარსა ზედა და შემუსრე
Line of ed.: 25    ჯოჯოხეთისა ძლიერებაჲ და მყოფნი საფლავისანი აღმოიყვანენ,
Line of ed.: 26    გიგალობთ შენ, ყოლად ძლიერსა ღმერთსა და ყოველთა
Line of ed.: 27    მაცხოვარსა.

Line of ed.: 28       რომელი მკუდართა თანა შეირაცხე და წმიდითა ადგომითა შენითა
Line of ed.: 29    სოფელი განანათლე და მოატყუ უკუდავებაჲ მხოლომან, სახიერმან,
Line of ed.: 30    რომლისა ყოველნი ქებასა ერთობით შენდა, ქრისტე,
Line of ed.: 31    შევსწირავთ.

Line of ed.: 32       რომელმან დასთრგუნე სიმტკიცე სიკუდილისაჲ და შემუსრე ჯოჯოხეთისა
Line of ed.: 33    ძლიერებაჲ და მყოფნი ბნელისანი აღმოიყვანენ, გევედრებით
Line of ed.: 34    შენ, ძლიერსა ღმერთსა და ყოველთა მაცხოვარსა.

Line of ed.: 35       რომელმან შეჰმოსენ ცანი ღრუბლითა და ქუეყანაჲ შეამკვე დიდებითა
Line of ed.: 36    და ჩუენ ყოველთა ცხორებისათჳს ჯუარსა ზედა იხილვე,
Line of ed.: 37    რომლისა ანგელოზებრითა ჴმითა ქებასა ერთობით შენდა, ქრისტე,
Line of ed.: 38    შევსწირავთ.

Line of ed.: 39       რომელი საფლავსა დაიდევ და დასისაგან დაებეჭდე, ყოლად
Line of ed.: 40    ძლიერებით ასდეგ მესამესა დღესა, მარიამ საფლავსა თანა ტიროდა
Line of ed.: 41    ცრემლითა, ანგელოზი უღაღადებდა: ნუღარა ხარ შენ მწუხარე, აღდგა
Line of ed.: 42    უფალი.

Page of ed.: 492  
Line of ed.: 1       რომელმან მიეც მადლი წმიდათა მათ დედათა, რომელნი ღირს
Line of ed.: 2    იქმნეს მისლვად ღმრთივ შემწყნარებელსა საფლავსა შენსა, ანგელოზმან
Line of ed.: 3    აუწყა ადგომისა შენისა ძალი, ქრისტე, იხილეს ადგომაჲ
Line of ed.: 4    უფლისაჲ და ახარეს წმიდათა მოციქულთა.


Line of ed.: 5       შესხმანი წმიდისა ღმრთისმშობლისანი

Line of ed.: 6       გიხაროდენ, მაყუალო შეუწველო, გიხაროდენ, დედაო უფლისაო,
Line of ed.: 7    გიხაროდენ, სიხარულო სოფლისაო, რომელმან ღმერთი ჰშევ
Line of ed.: 8    უთესლოდ. ცაო საცნაურო და საყდარო მეუფისაო, გიხაროდენ, მარადის
Line of ed.: 9    ქალწულო, მფარველო მაქებელთა შენთაო.

Line of ed.: 10       ზღუდეო შეურყეველო და მტკიცეო, შემკულო, ყოლად წმიდაო
Line of ed.: 11    ქალწულო, რომელი თჳთმხილველ და თჳთმსახურ ხარ ძისა შენისა
Line of ed.: 12    და ღმრთისა ჩუენისა, ჩუენ, მორწმუნენი, გევედრებით, კადნიერებაჲ
Line of ed.: 13    გუაქუს ქრისტჱსა, რაჲთა საფრჴესა მტერისასა განვერნეთ
Line of ed.: 14    და მოდასე ვექმნეთ ერთა თანა ქრისტჱსთა ვედრებითა შენითა, ყოლად
Line of ed.: 15    წმიდაო, სახარულევანო.

Line of ed.: 16       მამისაგან გამოვიდა სიტყუაჲ და შენ თანა დაიმკჳდრა, ყოლად
Line of ed.: 17    წმიდაო ქალწულო. იყო პირველ საუკუნეთა სიტყუაჲ და სამი არსებაჲ.
Line of ed.: 18    მამამან წამა ძჱ და ყოველმან მან დაბადებულმან თაყუანისსცა.
Line of ed.: 19    მას ევედრე, მარიამ, ყოლად ნათლისა დედაო, რაჲთა მეოხებითა
Line of ed.: 20    შენითა მოგუმადლოს ჩუენ დიდი წყალობაჲ.

Line of ed.: 21       ღმრთისმშობელო ქალწულო, მიიღე სინანული შენთა მორწმუნეთაჲ
Line of ed.: 22    და დაამშჳდე, რომელმან შენგან ჴორცნი შეისხნა, რაჲთა
Line of ed.: 23    აცხოვნოს სოფელი და მოსცეს წყალობაჲ და მიჴსნეს ჩუენ სრვისაგან
Line of ed.: 24    სიკუდილისა და ყოვლისა ურვისაგან, გევედრებით.


Line of ed.: 25       სამხრად ფსალმუნი

Line of ed.: 26       ღმერთო ჩემო, მასწავე მე სიყრ ვიდრე ნუ დამაგდებ მე
Line of ed.: 27    (ps. 70, 17-18 Link to psa).


Line of ed.: 28       დასადებელი

Line of ed.: 29       შენ, უფალო, გესავ, ნუ მრცხუენებინ მე (ps. 70, 1 Link to psa).


Line of ed.: 30       ალელუაჲ

Line of ed.: 31       რომელნი ესვენ უფალსა, ვითარცა მთაჲ სიონი ვიდრე
Line of ed.: 32    იერუსალემს (ps. 124, 1 Link to psa).


Line of ed.: 33       სხუაჲ

Line of ed.: 34       მიწყალე მე, ღმერთო, მიწყალე მე, რამეთუ შენ გესავს ვიდრე
Line of ed.: 35    ურჩულოებაჲ (ps. 56, 2 Link to psa).

Page of ed.: 493  
Line of ed.: 1       ჴელთაბანისაჲ

Line of ed.: 2       რაჲ მივაგოთ უფალსა ყოვლისავეთჳს, რომელი-ესე მომცა ჩუენ?
Line of ed.: 3    ჩუენთჳს ღმერთი კაც იქმნა და განჴრწნილთაჲ მათ ჴორცთა
Line of ed.: 4    სიტყუაჲ ჴორციელ იქმნა და დაემკჳდრა ჩუენ შორის: უმადლოთა თანა
Line of ed.: 5    -- ქველის-მოქმედი, ტყუეთა თანა -- განმათავისუფლებელი და
Line of ed.: 6    რომელთა ბნელსა შინა ეძინა -- მზჱ სიმართლისაჲ. ჯუარსა ზედა
Line of ed.: 7    ივნო ჩუენთჳს სიკუდილისა ცხორებაჲ. ჯოჯოხეთისა ნათელი, ადგომაჲ
Line of ed.: 8    ეგე დაცემულთაჲ, რომელსა ჩუენცა თაყუანის-ვსცემთ. ღმერთო,
Line of ed.: 9    შეგჳწყალენ ჩუენ.


Line of ed.: 10       სიწმიდისაჲ

Line of ed.: 11       მრავალთუალნი ქერაბინნი და ექუს-ექუსფრთენი სერაბინნი
Line of ed.: 12    ფრთეებითა მათითა იფარვენ, დიდებასა შესწირვენ, ჴმობენ, ღაღადებენ
Line of ed.: 13    და იტყჳან ზეცისა გალობასა: წმიდა ხარ, წმიდა ხარ, წმიდა
Line of ed.: 14    ხარ შენ, უფალო, დიდებაჲ მამასა და ძესა და წმიდასა სულსა.

Line of ed.: 15       სულითა წმიდითა და ღირსითა მსხურპლსა წმიდასა შევსწირავთ
Line of ed.: 16    ქრისტჱსა, რომელი იშვა ჴორცითა და ჯუარსა ეცუა ჩუენთჳს,
Line of ed.: 17    მრავალფრთეთა თანა სერაბინთა და ქერაბინთა თანა ზეცისა გალობასა
Line of ed.: 18    ვიტყჳთ: წმიდა ხარ, წმიდა ხარ, წმიდა ხარ შენ, უფალო, დიდებაჲ
Line of ed.: 19    შენდა, დიდებაჲ მამასა და ძესა და წმიდასა სულსა.

Line of ed.: 20       საშინელისა და უხილავისა მეუფისა მსხუერპლსა წმიდასა შენდა,
Line of ed.: 21    ქრისტე, შევსწირავთ, რომელსა ქერობინნი და სერაბინნი შიშით
Line of ed.: 22    გმსახურებენ და ძალანი და სიწმიდენი დიდებასა შენდა შესწირვენ.

Line of ed.: 23       წმიდა არს საკურთხეველი შენი, უფალო, წმიდა არს შესაწირავი
Line of ed.: 24    სამებისა წმიდისაჲ, წმიდა არს, რომელსა ზედა სული წმიდაჲ გარდამოჴდა.
Line of ed.: 25    დიდებაჲ შენდა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.