TITUS
Udzv.iadg.
Part No. 176
Previous part

Date: FPoen._a   Link to lektpar
Page of ed.: 513  
Line of ed.: 1  დასადებელნი სინანულისანი

Line of ed.: 2  ჴ̃ჲ ა


Line of ed.: 3       უფალო, მილხინე ცოდვილსა ამას, რომელსა არაჲ მაქუს გარნა
Line of ed.: 4    ჴმობაჲ ესე, და შემიწყალე მე.

Line of ed.: 5       სიმრავლეთაგან ცოდვათა ჩემთაჲსა შეძრწუნებულ არს სული
Line of ed.: 6    ჩემი. ღმერთო, მილხინე ცოდვილსა ამას, რამეთუ ჭირი მახს მე და
Line of ed.: 7    არავინ არს მწე ჩემდა, და შემიწყალე მე.

Line of ed.: 8       მიძღოდე მე, უფალო, გზათა სიმართლისა შენისათა და მომიყვანე
Line of ed.: 9    მე, ვითარცა ცხოვარი წყმედული, დადგრომად სამწყსოსა შენსა,
Line of ed.: 10    გევედრები, და შემიწყალე მე.


Line of ed.: 11       ოხითაჲ

Line of ed.: 12       მამასა და ძესა უგალობდეთ, სულსა წმიდასა ვაკურთხევდეთ,
Line of ed.: 13    აუვარებდეთ ცოდვათა ჩუენთა.


Line of ed.: 14       ფსალმუნი

Line of ed.: 15       მოვიჴსენენ მე წყალობანი შენნი, რამეთუ (ps. 24, 6 Link to psa).


Line of ed.: 16       დასადებელი

Line of ed.: 17       წყალობითა შენითა მომიჴსენე (ps. 24, 7 Link to psa).


Line of ed.: 18       აქებდითსა

Line of ed.: 19       ცისკარსა ქებაჲ ჩუენი შეიწირე, ქრისტე, რომელი ანგელოზთა
Line of ed.: 20    მიერ იქები. ნათელი გამოაბრწყინე გულთა ჩუენთა, ცხოველსმყოფელი
Line of ed.: 21    სული წმიდაჲ შენი, და შემიწყალე მე, ქრისტე მეუფეო.

Line of ed.: 22       დიდებაო ჩემო, ადგომაჲ სულისა ჩემისაჲ შენ ხარ, ქრისტე. საფარველსა
Line of ed.: 23    ფრთეთა შენთასა დამიფარე მე, ბრწყინვალებასა ნათლისა
Line of ed.: 24    შენისასა, და შემიწყალე მე.

Line of ed.: 25       საშინელსა მას მეორედ მოსლვასა შენსა განრჩად ცხოველთა და
Line of ed.: 26    მკუდარი ჴელის ამპყრობელ მექმენ მე, ვითარცა-იგი პეტრეს, და
Line of ed.: 27    შემიწყალე მე.

Line of ed.: 28       ჯუარი წმიდაჲ, სასოჲ მორწმუნეთაჲ, აემართა ჩუენთჳს ძლევად
Line of ed.: 29    მტერისა. მოვედით, ერნო, თაყუანის-ვსცეთ მას.

Line of ed.: 30       წმიდა არს ჯუარი შენი, ქრისტე, რომლისაგან არს ყოველი ნათელი,
Line of ed.: 31    ცხორებაჲ და მოტევებაჲ ცოდვათაჲ.

Line of ed.: 32       მეოხ გუეყუენით ჩუენთჳს, წმიდანო მოწამენო, რაჲთა ვიჴსნნეთ
Line of ed.: 33    ურჩულოებათა ჩუენთაგან, რამეთუ თქუენ მოგეცა მადლი მეოხებად
Line of ed.: 34    ჩუენდა.

Page of ed.: 514  
Line of ed.: 1       განსდიდენით სულითა, წმიდანო მოწამენო, დაუთმეთ ღუაწლსა,
Line of ed.: 2    ერეოდეთ მეფეთა და სიტყუასა უგებდით მძლავრთა, რამეთუ თქუენ
Line of ed.: 3    ხართ ტაძარნი ქრისტჱსნი და სუეტნი შეურყეველნი. ევედრენით მას
Line of ed.: 4    დაუცხრომელად ჴსნად სულთა ჩუენთათჳს.

Line of ed.: 5       სულნი, რომელ გარდასცვალენ, უფალო, ღირს-ყვენ თანამკჳდრად
Line of ed.: 6    წმიდათა შენთა და მოიჴსენენ, ვითარცა მოწყალე ხარ, სასუფეველსა
Line of ed.: 7    შენსა.

Line of ed.: 8       ქრისტე მაცხოვარ, განუსუენე სულსა შესუენებულთასა სამოთხესა
Line of ed.: 9    საშუებლისასა წმიდათა შენთა თანა.

Line of ed.: 10       ყოლად ნათელი ქალწული ღმერთმან გამოირჩია, მას შინა დაიმკჳდრა
Line of ed.: 11    და ჴორცნი შეისხნა მისგან ცხორებად ჩუენდა.

Line of ed.: 12       გიხაროდენ, დედაო ნათლისაო. გიხაროდენ, მხოლოვო კურთხეულო.
Line of ed.: 13    გიხაროდენ, უსძლოო, სასოო სოფლისაო.

Line of ed.: 14       გიხაროდენ ცასა და საყდარსა, გიხაროდენ ზღუდესა და ბჭესა,
Line of ed.: 15    გიხაროდენ ქალწულსა, რომელსა ზედა სული წმიდაჲ გარდამოჴდა,
Line of ed.: 16    ვითარცა წჳმაჲ საწმისსა ზედა.

Line of ed.: 17       ტაძარი ხარ მაცხოვრისაჲ და სანთელი ჭეშმარიტი, ქალწულო
Line of ed.: 18    მარიამ, ქერობინთა მობაძავი და განმანათლებელი სულთა ჩუენთაჲ.

Line of ed.: 19       მქადაგებელმან იოვანე ქადაგა მოსლვაჲ შენი, ქრისტე, და ჭეშმარიტად
Line of ed.: 20    გამოშჩნდი შენ, სიტყუაჲ ღმრთისაჲ.

Line of ed.: 21       გჳრგჳნი ეკლესიათა შენთა, ქრისტე, და მოწამეთა შენთაჲ, ქადაგი
Line of ed.: 22    წინაჲთვე იწამა, პირველ მოწამჱ შენი, წმიდაჲ სტეფანე.

Line of ed.: 23       შენდამი, ღმერთო ჩემო, მოვივლტით და შენ გევედრებით,
Line of ed.: 24    კაცთმოყუარე, ოხითა ღმრთისმშობელისაჲთა, და გუაცხოვნენ ჩუენ,
Line of ed.: 25    უფალო.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.