TITUS
Epistulae Pauli georgice (CD)
Part No. 90
Previous part

Chapter: 4  
4


Verse: 1   Link to pavleni Link to gnt   ხოლო სული წმიდაჲ ცხადად იტყჳს, რამეთუ უკუანაჲსკნელთა ჟამთა გან-ვინმე-დგენ სარწმუნოებისაგან და ერჩდენ იგინი მაცთურთა სულთა მათ და მოძღურებასა ეშმაკთასა


Verse: 2   Link to pavleni Link to gnt   ორგულებითა და სიტყჳთა ტყუილისაჲთა, შემწუარნი თჳსითა გონებითა,

Verse: 2V     ტყუვილისაჲთა ZFTIK.


Verse: 3   Link to pavleni Link to gnt   აყენებდენ ქორწილსა და განაშორებდენ საჭმელთა, რომელნი ღმერთმან დაჰბადნა მისაღებელად მადლობით მორწმუნეთათჳს და რომელთა იციან ჭეშმარიტებაჲ.


Verse: 4   Link to pavleni Link to gnt   რამეთუ ყოველი დაბადებული ღმრთისაჲ კეთილ არს, და არარაჲ არას განსაგდებელ, მადლობით მიღებული,


Verse: 5   Link to pavleni Link to gnt   რამეთუ განწმიდნების სიტყჳთა ღმრთისაჲთა და ლოცვითა.


Verse: 6   Link to pavleni Link to gnt   ამას ასწავებდ ძმათა და კეთილად იყო მსახურ ქრისტე იესუჲსა და იზარდებოდი სიტყჳთა სარწმუნოებისაჲთა და კეთილითა მოძღურებითა, რომელსაცა შეუდგ.

Verse: 6V     რასწავებდ F, ქრისტჱ V, იესუჲსსა TIK, შეუდეგ TIK.


Part: 8 
(ჱ̂)


Verse: 7   Link to pavleni Link to gnt   ხოლო შეგინებულთა მათ და დედაბერებრთა ზღაპართაგან იჯმენ. ხოლო იწუართე თავი შენი ღმრთის მსახურებასა.


Verse: 8   Link to pavleni Link to gnt   რამეთუ ჴორციელი წურთილებაჲ წუთერთ ჟამ სარგებელ არს; ხოლო ღმრთის მსახურებაჲ ყოვლითავე სარგებელ არს, რამეთუ აღთქუმაჲ აქუს ცხორებისაჲ აწინდელისა და მერმისაჲ.

Verse: 8V     ხოლო ] რამეთუ F, აწინდელისაჲ IK.


Verse: 9   Link to pavleni Link to gnt   სარწმუნო არს სიტყუაჲ და ყოვლისა შეწყნარებისა ღირს.


Verse: 10   Link to pavleni Link to gnt   რამეთუ ამისთჳს ვშურებით და ვიყუედრებით, ხოლო ვესავთ ღმერთსა ცხოველსა, რომელ არს მაცხოვარი ყოველთა კაცთაჲ, უფროჲსღა მორწმუნეთაჲ.

Verse: 10V     მაცხოარი V.


Part: 9 
(თ̂)


Verse: 11   Link to pavleni Link to gnt   ამცნებდ ამას და ასწავებდ.


Verse: 12   Link to pavleni Link to gnt   ნუმცა ვინ სიჭაბუკესა შენსა შეურაცხ-ჰყოფნ; არამედ სახე ექმენ მორწმუნეთა მათ სიტყჳთა, სლვითა, სიყუარულითა, სულითა, სარწმუნოებითა, სიწმიდითა.

Verse: 12V     მათ ] -- TI.


Verse: 13   Link to pavleni Link to gnt   ვიდრემდე მოვიდე, ეკრძალე საკითხავსა, ნუგეშინის-ცემასა, მოძღურებასა;

Verse: 13V     ვიდრემდის TIK.


Verse: 14   Link to pavleni Link to gnt   ნუ უდებ-ჰყოფ, რომელ-ეგე არს შენ თანა მადლი, რომელი მოგეცა შენ წინაჲსწარმეტყუელებითა, დასხმითა მით ჴელთა ხუცობისათა.

Verse: 14V     რომელი-ეგე TK, წინაჲსწარმეტყუელობითა Z, ხუცობისაჲთა T.


Verse: 15   Link to pavleni Link to gnt   ამას იწურთიდ და ამას შინა იყავ, რაჲთა წარმატებულებაჲ ეგე შენი ცხად იყოს ყოველსა შინა.

Verse: 15V     ამას (1) ] ამათ IK, (2) TIK, მას F, იწრთჳიდ F.


Part: 10-D 
(ი̂)


Verse: 16   Link to pavleni Link to gnt   ეკრძალე თავსა შენსა და მოძღურებითა მით დაადგერ მათ ზედა; რამეთუ ამას რაჲ ჰყოფდე, თავიცა შენი აცხოვნო და მორჩილნიცა შენნი.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.