TITUS
Udabnos Mravaltavi
Part No. 19
Previous part

Text: Cyr.Jer.Inv.Clav.Cruc.  
Line: 1   Line of ed.: 22 
[კირილე იერუსალჱმელი]
Line: 2   Line of ed.: 23 
პოვნაჲ სამშჭუალთაჲ წმიდისა ჯუარისათაჲ

{U_15} {BHG_404} {Bedjan_Acta_1_340-343}


Paragraph: 1  
Line: 1   Line of ed.: 24    ხოლო ნეტარი ჰელენე დედოფალი სავსე იყო სარწმუნოებითა
Line: 2   Line of ed.: 25    ღმრთისაჲთა და იყო იგი წადიერ კითხვად წმიდათა წიგნთა ძუელისა და
Line: 3   Line of ed.: 26    ახლისათა და აღთქუმათა გამოეძიებდა. და იწყო გულს-მოდგინებით ძიებად
Line: 4   Line of ed.: 27    სამშჭუალთა მათთჳს ჯუარისათა, რომლითა უკეთურთა მათ ჰურიათა მაცხოვარი
Line: 5   Line of ed.: 28    დამშჭუალეს. და მოუწოდა იუდას, რომელსა სახელი ერქუა კჳრაოზ, და ჰრქუა
Line: 6   Line of ed.: 29    მას: ჯუარისა მისთჳს აღესრულა წადილი ჩემი, ხოლო სამშჭუალთა მათთჳს
Line: 7   Line of ed.: 30    ძელისა ჯუარისათა, რომელნი-იგი დამშჭუალულ იყვნეს ზედა ჯუარსა მას, მათი
Line: 8   Line of ed.: 31    მაქუს გულსა იჭჳ. ხოლო აწ არავე დავსცხრე, ვიდრემდის Ms. page: 45v   ნებაჲ ჩემი
Line: 9   Line of ed.: 32    აღმისრულოს ღმერთმან და შენცა შე-ვეღა-სძინე და ევედრე მათთჳსცა
Line: 10   Line of ed.: 33    უფალსა.

Paragraph: 2  
Line: 1   Line of ed.: 34       ხოლო წმიდაჲ კჳრაოზ ეპისკოპოსი მივიდა თხემის[ა] ადგილსა მას და
Line: 2   Line of ed.: 35    სხუანიცა ძმანი მრავალნი მის თანა, რომელნი-იგი ესვიდეს უფალსა ჩუენსა
Line: 3   Line of ed.: 36    იესუ ქრისტესა ჯუარისა პოვნებისათჳს და მკუდარსა* მას ზედა
Line: 4   Page of ed.: 115   Line of ed.: 1    სასწაულისათჳს. და აღიხილნა თუალნი ზეცად და იცემდა მკერდსა, ღაღადებდა
Line: 5   Line of ed.: 2    გულს-მოდგინედ უფლისა მიმართ და აღუვარებდა პირველთა მათ უმეცრებათა
Line: 6   Line of ed.: 3    მისთა და ჰნატრიდა ყოველთა მორწმუნეთა ქრისტჱსთა და მყოვარჟამ
Line: 7   Line of ed.: 4    განგრძობილად ილოცვიდა, რაჲთამცა ეგრევე სახედ გამოუჩნდა მას ნიში იგი,
Line: 8   Line of ed.: 5    ვითარცა ჯუარსა მას ზედა, ეგრეცა სამშჭუალთა ზედა.

Paragraph: 3  
Line: 1   Line of ed.: 6       და ვითარცა აღასრულეს ლოცვაჲ ყოველთა, თქუეს ამენ, იყო
Line: 2   Line of ed.: 7    მეყსეულად ესევითარი ნიში და სასწაული, რომელი ყოველთავე თანამდგომთა
Line: 3   Line of ed.: 8    თუალითა თჳსითა ვიხილეთ: რამეთუ ვითარცა ელვაჲ, გამობრწყინდა ადგილსა
Line: 4   Line of ed.: 9    მას, სადაცა წმიდაჲ იგი ჯუარი იპოვა, რომელი ყოველთა შეუორგულებელად
Line: 5   Line of ed.: 10    გურწმენა და ვთქუათ ყოველთა ერთბამად: აწ გჳცნობიეს, რომლისათჳსცა
Line: 6   Line of ed.: 11    გურწმენა. და მეყსეულად გამოჩნდეს სამსჭუალნი იგი, რომელნი იესუჲს ჴელთა
Line: 7   Line of ed.: 12    დაემშჭუალნეს, და ბრწყინვიდეს იგი[ნი] უფროჲს ოქროჲსა. და მოიხუნა იგინი
Line: 8   Line of ed.: 13    ნეტარმან იუდა, რომელსა ერქუა კჳრაოზ, და მიართუნა იგინი ჰელენე
Line: 9   Line of ed.: 14    დედოფალსა.

Paragraph: 4  
Line: 1   Line of ed.: 15       და ვითარცა იხილა ჰელენე დედოფალმან, მოიდრიკნა მუჴლნი და
Line: 2   Line of ed.: 16    თაყუანის-სცა მათ და ჰმადლობდა უფალსა ღმერთსა. და აღივსო სიბრძნითა და
Line: 3   Line of ed.: 17    მადლითა ღმრთისაჲთა ჰელენე და გულს-მოდგინედ განიზრახვიდა იგი
Line: 4   Line of ed.: 18    სამშჭუალთა მათთჳს წმიდისა ჯუარისათა, ვითარ-რაჲ ყვნეს იგინი, ანუ
Line: 5   Line of ed.: 19    ვითარ-სახედ შექმნეს იგინი. და ვითარცა გამოიძია მან ყოველი გზაჲ
Line: 6   Line of ed.: 20    სიმართლისაჲ მადლითა სულისა წმიდისაჲთა, ესეცა მანვე მადლმან
Line: 7   Line of ed.: 21    გულისხმა-უყო მას ესრე შესაქმედ მომავალისა ნათესავისათჳს, რომელი-იგი
Line: 8   Line of ed.: 22    წინაჲსწარ უწყებულ იყო მრავლით ჟამითგან.

Ms. page: 46r  
Paragraph: 5  
Line: 1   Line of ed.: 23       და უწოდა კაცსა ერთსა სარწმუნოსა, რომელი მრავალთაგან მართლად
Line: 2   Line of ed.: 24    წოდებულ იყო, და ჰრქუა მას: დაჯედ წინაშე თუალთა ჩემთა და მოიხუენ და
Line: 3   Line of ed.: 25    შექმნენ სამშჭუალნი შუად აღჳრად ცხენისათჳს მეფისაჲსა, რაჲთა იყოს ისარ
Line: 4   Line of ed.: 26    და საჭურველ ყოველთა მიმართ მტერთა და საძლეველ მეფისა და
Line: 5   Line of ed.: 27    დასამშჳდებელად ბრძოლისა, რაჲთა აღესრულოს თქმული იგი
Line: 6   Line of ed.: 28    წინაწარმეტყუელისაჲ: და იყოს, მათ დღეთა შინა რომელი აღჳრთა მათ
Line: 7   Line of ed.: 29    ცხენისათა ზედა იყოს, წმიდა უფლისა წოდებულ იყოს (1).

Paragraph: 6  
Line: 1   Line of ed.: 30       ხოლო ღმრთის-მოყვარჱ იგი ჰელენე დედოფალი მტკიცე იყო
Line: 2   Line of ed.: 31    სარწმუნოებითა უფლისა ჩუენისა იესუ ქრისტჱსმიერითა იერუსალჱმს შინა და
Line: 3   Line of ed.: 32    ყოველი ნებაჲ თჳსი აღასრულა და რომელნი ურწმუნონი იყვნეს, განდევნნა
Line: 4   Line of ed.: 33    ჰურიასტანით.

Paragraph: 7  
Line: 1   Line of ed.: 34       ნაშინ ნეტარმან ჰელენე დედოფალმან ამცნო მამათა და დედათა
Line: 2   Line of ed.: 35    აღსრულებად საჴსენებელი წმიდისა ჯუარისაჲ თთუესა ვარდობისასა, მეათესა
Line: 3   Line of ed.: 36    დღესა მისვე თთჳსასა. და რავდენნი აღასრულებდენ საჴსენებელსა წმიდისა
Line: 4   Line of ed.: 37    ჯუარისასა, ყოველნივე ღირს იქმნენ მოღებად ნაწილსა წმიდისა მარიამისსა.

Paragraph: 8  
Line: 1   Line of ed.: 38       ხოლო ესოდენი მადლი მოცემული იყო წმიდასა მას ეპისკოპოსსა
Line: 2   Page of ed.: 116   Line of ed.: 1    კჳრიონს, რამეთუ ლოცვითა მისითა სიმრავლენი ეშმაკთანი განიდევნებოდეს და
Line: 3   Line of ed.: 2    სნეულნი განკურნნა.

Paragraph: 9  
Line: 1   Line of ed.: 3       და აღესრულების საჴსენებელი წმიდისა ჯუარისაჲ თთუესა
Line: 2   Line of ed.: 4    ვარდობისასა, ორას და მესამესა წელსა შემდგომად ამაღლებისა უფლისა
Line: 3   Line of ed.: 5    ჩუენისა იესუ ქრისტეჲსა. რამეთუ შენი არს დიდებაჲ მამისაჲ და ძისაჲ
Line: 4   Line of ed.: 6    უკუნითი უკუნისამდე, ამენ.


Paragraph: n.  
Line: 1     მკჳდარსა U.^



Next part


This text is part of the TITUS edition of Udabnos Mravaltavi.

Copyright TITUS Project, Frankfurt a/M, 1.12.2024. No parts of this document may be republished in any form without prior permission by the copyright holder.