TITUS
Biblia Udica, Versio Nizhensis: Vetus Testamentum
Part No. 25
Previous part

Chapter: 25 

ω͑vel čadəra biq̇seynaḳ bakala šeyurxo
Ǐvel çadıra biq'seynak' bakala şeyurxo



(Č̣eys. 35:4-9Link to udntv)
(C'eys. 35:4-9Link to udntv)


Verse: 1  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 2  Link to rat "Israilluġo upa ki, Zaynaḳ payurxoq̇aṭun ečeri. Šii üḳin ḳä čureġayin šoṭo tadeq̇an. Zaynaḳ ečala me payurxo hun q̇abulba.
   "İsrailluğo upa ki, Zaynak' payurxoq'at'un eçeri. Şii ük'in k'ə çureğayin şot'o tadeq'an. Zaynak' eçala me payurxo hun q'abulba.

Verse: 3  Link to rat Šoṭoġoxun metär šeyurxo q̇abulba: q̇əzəl, gümüš, mis,
   Şot'oğoxun metər şeyurxo q'abulba: q'ızıl, gümüş, mis,

Verse: 4  Link to rat göyin, mumuśaḳi q̇a tünd ć̣oć̣a irängen ṭurin ḳanaḳxo, näziḳ kätani parča, kečin xa,
   göyin, mumušak'i q'a tünd č'oč'a irəngen t'urin k'anak'xo, nəzik' kətani parça, keçin xa,

Verse: 5  Link to rat ć̣oć̣a iräng duġeci eġeli ṭol, näziḳ ṭolurxo, yasämäni duruṭ,
   č'oč'a irəng duğeśi eğeli t'ol, nəzik' t'olurxo, yasəməni durut',

Verse: 6  Link to rat čiraġa bapseynaḳ zeytuni č̣äyin, boḳospseynaḳ saal lä͑ä͑msṭeynaḳ bakala č̣äyinä häzirbseynaḳ šaaṭ adeġala oyurxo,
   çirağa bapseynak' zeytuni c'əyin, bok'ospseynak' saal lə̌ə̌mst'eynak' bakala c'əyinə həzirbseynak' şaat' adeğala oyurxo,

Verse: 7  Link to rat samǯi be͑yinśi döšlin saal iz suruḳ ǯuye * loxol laxseynaḳ \ oniks saal q̇eräz źe͑yurxo.
   samci běyinši döşlin saal iz suruk' cuye * loxol laxseynak' \ oniks saal q'erəz ǰěyurxo.

Verse: 8  Link to rat Oša Zaynaḳ ə͑vel gaq̇aṭun düzbi ki, Zu ičoġoy arane bakaz.
   Oşa Zaynak' ı̌vel gaq'at'un düzbi ki, Zu içoğoy arane bakaz.

Verse: 9  Link to rat Bezi me ə͑vel čadəra q̇a šoṭay boš bakala bütüm šeyurxo Zu aḳesṭala ḳinäḳ düzbanan.
   Bezi me ı̌vel çadıra q'a şot'ay boş bakala bütüm şeyurxo Zu ak'est'ala k'inək' düzbanan.



Iräziluġi sanduġa düzbsuni yön
İrəziluği sanduğa düzbsuni yön



(Č̣eys. 37:1-9Link to udntv)
(C'eys. 37:1-9Link to udntv)


Verse: 10  Link to rat Barta yasämäni daxṭaḳaxun sanduġq̇aṭun düzbi: boxoyluġ ṗä͑nqə͑ ä͑m, gengluġ q̇a alloyluġ isä sä͑nqə͑ ä͑mq̇an * baki.
   Barta yasəməni daxt'ak'axun sanduğq'at'un düzbi: boxoyluğ p'ə̌nqı̌ ə̌m, gengluğ q'a alloyluğ isə sə̌nqı̌ ə̌mq'an * baki.

Verse: 11  Link to rat Šoṭo bonaxun saal qavunaxun tämiz q̇əzəlen buṭḳa, iz härräminä q̇əzəli zolaġ laxa.
   Şot'o bonaxun saal qavunaxun təmiz q'ızılen but'k'a, iz hərrəminə q'ızıli zolağ laxa.

Verse: 12  Link to rat Q̣əzəla q̇älibä bapi biṗ dänä halq̇a düzba. Šoṭoġo qavunaxun sanduġi biṗ dönbine - ṗä͑ halq̇ina sa täräf, ṗä͑ halq̇ina isä ṭe soġo täräf osṭaarba.
   Q'ızıla q'əlibə bapi bip' dənə halq'a düzba. Şot'oğo qavunaxun sanduği bip' dönbine - p'ə̌ halq'ina sa tərəf, p'ə̌ halq'ina isə t'e soğo tərəf ost'aarba.

Verse: 13  Link to rat Yasämäni xodaxun duruṭxo düzba, iz looxun q̇əzəlen buṭḳa.
   Yasəməni xodaxun durut'xo düzba, iz looxun q'ızılen but'k'a.

Verse: 14  Link to rat Sanduġa tašṭeynaḳ duruṭxo sanduġi börine bakala halq̇oġo lavḳa.
   Sanduğa taşt'eynak' durut'xo sanduği börine bakala halq'oğo lavk'a.

Verse: 15  Link to rat Duruṭxo hämišä sanduġi halq̇oġoy boš lavḳq̇an baki, šoṭoġo ṭeṭiin ma č̣evḳa.
   Durut'xo həmişə sanduği halq'oğoy boş lavk'q'an baki, şot'oğo t'et'iin ma c'evk'a.

Verse: 16  Link to rat Zu vaxun iräziluġ ġać̣eġaṭan cameci bütüm ḳanunxo \ me sanduġi boš laxa.
   Zu vaxun irəziluğ ğač'eğat'an śameśi bütüm k'anunxo \ me sanduği boş laxa.

Verse: 17  Link to rat Tämiz q̇əzəlaxun baġəšlayinšbsuni q̇apaġ * düzba. Šoṭay boxoyluġ ṗä͑nqə͑ ä͑m, gengluġ isä sä͑nqə͑ ä͑mq̇an * baki.
   Təmiz q'ızılaxun bağışlayinşbsuni q'apağ * düzba. Şot'ay boxoyluğ p'ə̌nqı̌ ə̌m, gengluğ isə sə̌nqı̌ ə̌mq'an * baki.

Verse: 18  Link to rat Baġəšlayinšbsuni q̇apaġi ṗä͑ bel čäküčen äšeci q̇əzəlaxun angelxo düzba.
   Bağışlayinşbsuni q'apaği p'ə̌ bel çəküçen əşeśi q'ızılaxun angelxo düzba.

Verse: 19  Link to rat Sa angela q̇apaġi sa bel, ṭe sunṭu isä ṭe soġo bel ṭetär düzba ki, q̇apaġaxun saq̇aṭun baki.
   Sa angela q'apaği sa bel, t'e sunt'u isə t'e soğo bel t'etər düzba ki, q'apağaxun saq'at'un baki.

Verse: 20  Link to rat Angelxon ičoġoy q̇änädxon baġəšlayinšbsuni q̇apaġa buṭḳeq̇aṭun. Šoṭoġon ćobaćo čurpi q̇apaġi loxolq̇aṭun be͑ġi.
   Angelxon içoğoy q'ənədxon bağışlayinşbsuni q'apağa but'k'eq'at'un. Şot'oğon ç̌obaç̌o çurpi q'apaği loxolq'at'un běği.

Verse: 21  Link to rat Baġəšlayinšbsuni q̇apaġa sanduġi loxol laxa, Zu va tadala cameci iräziluġa isä sanduġi boš.
   Bağışlayinşbsuni q'apağa sanduği loxol laxa, Zu va tadala śameśi irəziluğa isə sanduği boş.

Verse: 22  Link to rat Zu ṭeṭiya, baġəšlayinšbsuni q̇apaġi loxol, ṗä͑ angelxoy arane bakoz. Hunal Bezi ṭo͑ġo͑l eġaṭan israilluġoynaḳ bakala ämirxo va ṗaṗesṗoz.
   Zu t'et'iya, bağışlayinşbsuni q'apaği loxol, p'ə̌ angelxoy arane bakoz. Hunal Bezi t'ǒğǒl eğat'an israilluğoynak' bakala əmirxo va p'ap'esp'oz.



Q̣onʒ́uġo häsrbaki śumurxo laxseynaḳ isṭol düzbsuni yön
Q'ončuğo həsrbaki šumurxo laxseynak' ist'ol düzbsuni yön



(Č̣eys. 37:10-16Link to udntv)
(C'eys. 37:10-16Link to udntv)


Verse: 23  Link to rat Yasämäni xodaxun sa isṭol düzba: boxoyluġ ṗä͑ ä͑m, gengluġ sa ä͑m, alloyluġ isä sä͑nqə͑ ä͑mq̇an * baki.
   Yasəməni xodaxun sa ist'ol düzba: boxoyluğ p'ə̌ ə̌m, gengluğ sa ə̌m, alloyluğ isə sə̌nqı̌ ə̌mq'an * baki.

Verse: 24  Link to rat Šoṭo tämiz q̇əzəlen buṭḳa. Iz härrämine q̇əzəli zolaġxo laxa.
   Şot'o təmiz q'ızılen but'k'a. İz hərrəmine q'ızıli zolağxo laxa.

Verse: 25  Link to rat Šoṭay härrämine alloyluġ biṗ ḳäšä bakala ṭo͑ġu͑rġo düzba. Ṭo͑ġu͑rġoy härräminäl q̇əzəli zolaġ laxa.
   Şot'ay hərrəmine alloyluğ bip' k'əşə bakala t'ǒğǔrğo düzba. T'ǒğǔrğoy hərrəminəl q'ızıli zolağ laxa.

Verse: 26  Link to rat Isṭoleynaḳ biṗ dänä q̇əzəli halq̇a düzba, halq̇oġo šoṭay biṗ turaxun osṭaarba.
   İst'oleynak' bip' dənə q'ızıli halq'a düzba, halq'oğo şot'ay bip' turaxun ost'aarba.

Verse: 27  Link to rat Halq̇oox ṭo͑ġu͑rġo läčäq̇ bakalane ki, isṭoli ganu badalbaṭan duruṭxoxun biq̇i tašaṭun.
   Halq'oox t'ǒğǔrğo ləçəq' bakalane ki, ist'oli ganu badalbat'an durut'xoxun biq'i taşat'un.

Verse: 28  Link to rat Duruṭxo yasämäni xodaxun düzbi oša iz looxun q̇əzəlen buṭḳa; isṭola ṭe duruṭxoxun biq̇iq̇aṭun tašeri.
   Durut'xo yasəməni xodaxun düzbi oşa iz looxun q'ızılen but'k'a; ist'ola t'e durut'xoxun biq'iq'at'un taşeri.

Verse: 29  Link to rat Isṭoli loxol laxseynaḳ tämiz q̇əzəlaxun ṭaliḳxo q̇a q̇avurxo düzba. Cipseynaḳ bakala payurxoynaḳ ǯürdäkxo saal ǯamurxo düzba.
   İst'oli loxol laxseynak' təmiz q'ızılaxun t'alik'xo q'a q'avurxo düzba. Üipseynak' bakala payurxoynak' cürdəkxo saal camurxo düzba.

Verse: 30  Link to rat Za häsrbaki śumurxo hämišä isṭolin loxol Bez be͑śq̇an baki. *
   Za həsrbaki šumurxo həmişə ist'olin loxol Bez běšq'an baki. *



Q̣əzəli pisosa düzbsuni yön
Q'ızıli pisosa düzbsuni yön



(Č̣eys. 37:17-24Link to udntv)
(C'eys. 37:17-24Link to udntv)


Verse: 31  Link to rat Tämiz q̇əzəlaxun sa pisos düzba. Me pisos čäküčen äšeci tämiz q̇əzəlaxun bakalane. Šoṭay oq̇in hissä, tur saal turin loxol bakala varde ṭuṗulxo q̇a xazalxo šoṭoxun saq̇an baki.
   Təmiz q'ızılaxun sa pisos düzba. Me pisos çəküçen əşeśi təmiz q'ızılaxun bakalane. Şot'ay oq'in hissə, tur saal turin loxol bakala varde t'up'ulxo q'a xazalxo şot'oxun saq'an baki.

Verse: 32  Link to rat Pisosi turaxun u͑q tayq̇an taci - xibo sa täräfäxun, xiboval ṭe soġo täräfäxun.
   Pisosi turaxun ǔq tayq'an taśi - xibo sa tərəfəxun, xiboval t'e soğo tərəfəxun.

Verse: 33  Link to rat Ṭe taymoġoy här \ sunṭay loxol badami c̣ic̣iḳxo ošq̇ardala xib dänä ṭuṗulla saal vardla kasaq̇an baki.
   T'e taymoğoy hər \ sunt'ay loxol badami s'is'ik'xo oşq'ardala xib dənə t'up'ulla saal vardla kasaq'an baki.

Verse: 34  Link to rat Pisosi turin loxol isä vardla saal ṭuṗulla badami c̣ic̣iḳä ošq̇ardala biṗ kasaq̇an baki.
   Pisosi turin loxol isə vardla saal t'up'ulla badami s'is'ik'ə oşq'ardala bip' kasaq'an baki.

Verse: 35  Link to rat Me ṭuṗulxoy soġo pisosi turaxun taġala süfṭin ṗä͑ taye oq̇a, ṭe soġo ṗä͑mǯi taġala ṗä͑ taye oq̇a, xibimǯiyo isä xibimǯi taġala ṗä͑ taye oq̇aq̇an baki. Metär, šorox bütüm u͑q taye oq̇aq̇an baki.
   Me t'up'ulxoy soğo pisosi turaxun tağala süft'in p'ə̌ taye oq'a, t'e soğo p'ə̌mci tağala p'ə̌ taye oq'a, xibimciyo isə xibimci tağala p'ə̌ taye oq'aq'an baki. Metər, şorox bütüm ǔq taye oq'aq'an baki.

Verse: 36  Link to rat Ṭuṗulxo q̇a tayurxo pisosaxun sa, čäküčen äšeci tämiz q̇əzəlaxunq̇an baki.
   T'up'ulxo q'a tayurxo pisosaxun sa, çəküçen əşeśi təmiz q'ızılaxunq'an baki.

Verse: 37  Link to rat Pisoseynaḳ vu͑ġ dänä zeytuni č̣äyinen boḳala fiṭṭälä čiraġ düzbi iz loxol laxa ki, be͑ś išiġq̇an saki.
   Pisoseynak' vǔğ dənə zeytuni c'əyinen bok'ala fit't'ələ çirağ düzbi iz loxol laxa ki, běš işiğq'an saki.

Verse: 38  Link to rat Fiṭṭoġoynaḳ bakala mašoox q̇a xätängäzxoval tämiz q̇əzəlaxunq̇an baki.
   Fit't'oğoynak' bakala maşoox q'a xətəngəzxoval təmiz q'ızılaxunq'an baki.

Verse: 39  Link to rat Pisos saal šoṭo äšṗesṭeynaḳ lazəm bakala bito šeyurxo sa ṭalanṭ * tämiz q̇əzəlaxunq̇an düzbaki.
   Pisos saal şot'o əşp'est'eynak' lazım bakala bito şeyurxo sa t'alant' * təmiz q'ızılaxunq'an düzbaki.

Verse: 40  Link to rat Be͑ġa, moṭoġo dägig Zu va me buruġo aḳesṭiṭullariḳ düzba. *
   Běğa, mot'oğo dəgig Zu va me buruğo ak'est'it'ullarik' düzba. *



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.