TITUS
Biblia Udica, Versio Nizhensis: Vetus Testamentum
Part No. 41
Previous part

Book: Num. 


Chapter: 1 

Israilluġoy samǯi käräm siyäyinä haq̇esun
İsrailluğoy samci kərəm siyəyinə haq'esun


Verse: 1  Link to rat Israilluġoy Misiräxun č̣eysuni ṗä͑mǯi useni ṗä͑mǯi xaše samǯi ġiney. Sinay amc̣i oćala, Q̣ONƷ́UĠON ə͑vel čadəra Moiseya pine:
   İsrailluğoy Misirəxun c'eysuni p'ə̌mci useni p'ə̌mci xaşe samci ğiney. Sinay ams'i oç̌ala, Q'ONČUĞON ı̌vel çadıra Moiseya pine:

Verse: 2  Link to rat "Bütüm israilluġoy išq̇arxo siyäyinä haq̇anan. Bo͑q̇ä͑leġala bütüm išq̇arxoy c̣iyurxo ičoġoy äsilä q̇a ailinä görä soġo-soġo campanan.
   "Bütüm israilluğoy işq'arxo siyəyinə haq'anan. Bǒq'ə̌leğala bütüm işq'arxoy s'iyurxo içoğoy əsilə q'a ailinə görə soğo-soğo śampanan.

Verse: 3  Link to rat Hun q̇a Aaronen israilluġoy boš q̇a saal q̇a yäšäxun ala bakala, davina tayes bakala bito išq̇arxo bo͑q̇ä͑lpi däsṭoġo ǯöybalnan.
   Hun q'a Aaronen israilluğoy boş q'a saal q'a yəşəxun ala bakala, davina tayes bakala bito işq'arxo bǒq'ə̌lpi dəst'oğo cöybalnan.

Verse: 4  Link to rat Barta vä͑x här tayfinaxun iz ailin kalo bakala sa išq̇aren kömäybeq̇an.
   Barta və̌x hər tayfinaxun iz ailin kalo bakala sa işq'aren köməybeq'an.

Verse: 5  Link to rat Mone, vä͑x kömäybalorox morox bakale: \ Ruveni tayfinaxun - Šedeuri ġar Elisur;
   Mone, və̌x köməybalorox morox bakale: \ Ruveni tayfinaxun - Şedeuri ğar Elisur;

Verse: 6  Link to rat Simeoni tayfinaxun - Curišaddayi ġar Šelumiel;
   Simeoni tayfinaxun - Üurişaddayi ğar Şelumiel;

Verse: 7  Link to rat Iuday tayfinaxun - Amminadavi ġar Naxšon;
   İuday tayfinaxun - Amminadavi ğar Naxşon;

Verse: 8  Link to rat Issaḳari tayfinaxun - Cuari ġar Neṭanel;
   İssak'ari tayfinaxun - Üuari ğar Net'anel;

Verse: 9  Link to rat Zevuluni tayfinaxun - Xeloni ġar Eliav;
   Zevuluni tayfinaxun - Xeloni ğar Eliav;

Verse: 10  Link to rat Iosifi näsiläxun bakala: \ Efrayimi tayfinaxun Ammihudi ġar Elišama saal Menaššeni tayfinaxun P̣edacuri ġar Gamliel;
   İosifi nəsiləxun bakala: \ Efrayimi tayfinaxun Ammihudi ğar Elişama saal Menaşşeni tayfinaxun P'edaśuri ğar Gamliel;

Verse: 11  Link to rat Binyamini tayfinaxun - Gidoni ġar Avidan;
   Binyamini tayfinaxun - Gidoni ğar Avidan;

Verse: 12  Link to rat Dane tayfinaxun - Ammišaddayi ġar Axiezer;
   Dane tayfinaxun - Ammişaddayi ğar Axiezer;

Verse: 13  Link to rat Ašeri tayfinaxun - Oḳrani ġar P̣agiel;
   Aşeri tayfinaxun - Ok'rani ğar P'agiel;

Verse: 14  Link to rat Gade tayfinaxun - Deueli ġar Elyasaf;
   Gade tayfinaxun - Deueli ğar Elyasaf;

Verse: 15  Link to rat Nafṭalin tayfinaxun - Enani ġar Axira".
   Naft'alin tayfinaxun - Enani ğar Axira".

Verse: 16  Link to rat Morox israilluġoxun täyinbaki, ičoġoy tayfin q̇a äsili boš kalo hesabbakala amdarxoṭuniy.
   Morox israilluğoxun təyinbaki, içoğoy tayfin q'a əsili boş kalo hesabbakala amdarxot'uniy.

Verse: 17  Link to rat Moiseyen q̇a Aaronenal me c̣iyurxo duġeci amdarxoxun sagala
   Moiseyen q'a Aaronenal me s'iyurxo duğeśi amdarxoxun sagala

Verse: 18  Link to rat ṗä͑mǯi xaše samǯi ġine bütüm israilluġo topṭunbi. Šoṭoġon q̇a yäšṭä saal q̇a yäšäxun ala bakala bütüm išq̇arxo ičoġoy äsilä q̇a ailinä görä soġo-soġo siyäyinäṭun haq̇i.
   p'ə̌mci xaşe samci ğine bütüm israilluğo topt'unbi. Şot'oğon q'a yəşt'ə saal q'a yəşəxun ala bakala bütüm işq'arxo içoğoy əsilə q'a ailinə görə soğo-soğo siyəyinət'un haq'i.

Verse: 19  Link to rat Hametär, šoṭoġon Sinay amc̣i oćala Q̣ONƷ́UĠON Moiseya ämirbi ḳinäḳ azuḳa siyäyinäṭun haq̇i.
   Hametər, şot'oğon Sinay ams'i oç̌ala Q'ONČUĞON Moiseya əmirbi k'inək' azuk'a siyəyinət'un haq'i.

Verse: 20  Link to rat Israili samǯi ġar Ruveni näsiläxun q̇a saal q̇a yäšäxun ala bakala, davina tayes bakalṭoġoy bitoṭay c̣iyurxo ičoġoy äsilä saal ailinä görä soġo-soġo siyäyinäne haq̇eci.
   İsraili samci ğar Ruveni nəsiləxun q'a saal q'a yəşəxun ala bakala, davina tayes bakalt'oğoy bitot'ay s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 21  Link to rat Ruveni tayfinaxun siyäyinä haq̇eciṭoġoy say 46500 taney.
   Ruveni tayfinaxun siyəyinə haq'eśit'oğoy say 46500 taney.

Verse: 22  Link to rat Simeoni näsiläxun q̇a saal q̇a yäšäxun ala bakala, davina tayes \ bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   Simeoni nəsiləxun q'a saal q'a yəşəxun ala bakala, davina tayes \ bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 23  Link to rat Simeoni tayfinaxun siyäyinä haq̇eciṭoġoy say 59300 taney.
   Simeoni tayfinaxun siyəyinə haq'eśit'oğoy say 59300 taney.

Verse: 24  Link to rat Gade näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä siyäyinäne haq̇eci.
   Gade nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə siyəyinəne haq'eśi.

Verse: 25  Link to rat Gade tayfinaxun siyäyinä haq̇eciṭoġoy say 45650 taney.
   Gade tayfinaxun siyəyinə haq'eśit'oğoy say 45650 taney.

Verse: 26  Link to rat Iuday näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   İuday nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 27  Link to rat Iuday tayfinaxun siyäyinä haq̇eciṭoġoy say 74600 taney.
   İuday tayfinaxun siyəyinə haq'eśit'oğoy say 74600 taney.

Verse: 28  Link to rat Issaḳari näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   İssak'ari nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 29  Link to rat Issaḳari tayfinaxun siyäyinä haq̇eciṭoġoy say 54400 taney.
   İssak'ari tayfinaxun siyəyinə haq'eśit'oğoy say 54400 taney.

Verse: 30  Link to rat Zevuluni näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   Zevuluni nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 31  Link to rat Zevuluni tayfinaxun siyäyinä haq̇eciṭoġoy say 57400 taney.
   Zevuluni tayfinaxun siyəyinə haq'eśit'oğoy say 57400 taney.

Verse: 32  Link to rat Iosifi ġarmoġoy näsiläl bo͑q̇ä͑leci. Efrayimi näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy näsilä saal ailinä görä soġo-soġo siyäyinäne haq̇eci.
   İosifi ğarmoğoy nəsiləl bǒq'ə̌leśi. Efrayimi nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy nəsilə saal ailinə görə soğo-soğo siyəyinəne haq'eśi.

Verse: 33  Link to rat Efrayimi tayfinaxun siyäyinä haq̇eciṭoġoy say 40500 taney.
   Efrayimi tayfinaxun siyəyinə haq'eśit'oğoy say 40500 taney.

Verse: 34  Link to rat Menaššeni näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinä haq̇eci.
   Menaşşeni nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinə haq'eśi.

Verse: 35  Link to rat Menaššeni tayfinaxun siyäyinä haq̇eciṭoġoy say 32200 taney.
   Menaşşeni tayfinaxun siyəyinə haq'eśit'oğoy say 32200 taney.

Verse: 36  Link to rat Binyamini näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   Binyamini nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 37  Link to rat Binyamini näsiläxun siyäyinä haq̇eciṭoġoy say 35400 taney.
   Binyamini nəsiləxun siyəyinə haq'eśit'oğoy say 35400 taney.

Verse: 38  Link to rat Dane näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   Dane nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 39  Link to rat Dane tayfinaxun siyäyinä haq̇eciṭoġoy say 62700 taney.
   Dane tayfinaxun siyəyinə haq'eśit'oğoy say 62700 taney.

Verse: 40  Link to rat Ašeri näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   Aşeri nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 41  Link to rat Ašeri tayfinaxun siyäyinä haq̇eciṭoġoy say 41500 taney.
   Aşeri tayfinaxun siyəyinə haq'eśit'oğoy say 41500 taney.

Verse: 42  Link to rat Nafṭalin näsiläxun q̇a saal q̇a yäšäxun ala bakala, davina tayes bakala bito išq̇arxoy c̣iyurxo ičoġoy äsilä saal ailinä görä soġo-soġo siyäyinäne haq̇eci.
   Naft'alin nəsiləxun q'a saal q'a yəşəxun ala bakala, davina tayes bakala bito işq'arxoy s'iyurxo içoğoy əsilə saal ailinə görə soğo-soğo siyəyinəne haq'eśi.

Verse: 43  Link to rat Nafṭalin tayfinaxun siyäyinä haq̇eciṭoġoy say 53400 taney.
   Naft'alin tayfinaxun siyəyinə haq'eśit'oğoy say 53400 taney.

Verse: 44  Link to rat Metärluġen, Moiseyen, Aaronen saal israilluġoy bošṭan č̣äḳeci, ičoġoy ailoġoy kalo bakala ṗac̣c̣e išq̇aren me amdarxone siyäyinä haq̇i.
   Metərluğen, Moiseyen, Aaronen saal israilluğoy boşt'an c'ək'eśi, içoğoy ailoğoy kalo bakala p'as's'e işq'aren me amdarxone siyəyinə haq'i.

Verse: 45  Link to rat Israilluġoxun ičoġoy ailoġo görä davina tayes bakala, q̇a saal q̇a yäšäxun ala siyäyinä haq̇eci
   İsrailluğoxun içoğoy ailoğo görə davina tayes bakala, q'a saal q'a yəşəxun ala siyəyinə haq'eśi

Verse: 46  Link to rat bito išq̇arxoy say 603550 taney.
   bito işq'arxoy say 603550 taney.

Verse: 47  Link to rat Ama Levin tayfinaxun bakalorox siyäyinä teṭun haq̇eci,
   Ama Levin tayfinaxun bakalorox siyəyinə tet'un haq'eśi,

Verse: 48  Link to rat šoṭaynaḳ ki, Q̣ONƷ́UĠON Moiseya peney:
   şot'aynak' ki, Q'ONČUĞON Moiseya peney:

Verse: 49  Link to rat "Levin tayfinaxun bakalṭoġo israilluġoxun sagala me siyäyinä hamaq̇a.
   "Levin tayfinaxun bakalt'oğo israilluğoxun sagala me siyəyinə hamaq'a.

Verse: 50  Link to rat Šoṭoġo iräziluġi čadəra saal šoṭay boš q̇ulluġbseynaḳ lazəm bakala bütüm ätṭäǯxo be͑ġsuna tapšurba. Barta vä͑n ef ganu badalbaṭan iräziluġi čadəra saal šoṭay bütüm šeyurxo šoṭoġonq̇aṭun tašeri. Čadəra šoṭoġon be͑ġalaṭun, ičoġoy čurḳala ganuval čadəri härrämineq̇aṭun düzbi.
   Şot'oğo irəziluği çadıra saal şot'ay boş q'ulluğbseynak' lazım bakala bütüm ətt'əcxo běğsuna tapşurba. Barta və̌n ef ganu badalbat'an irəziluği çadıra saal şot'ay bütüm şeyurxo şot'oğonq'at'un taşeri. Çadıra şot'oğon běğalat'un, içoğoy çurk'ala ganuval çadıri hərrəmineq'at'un düzbi.

Verse: 51  Link to rat Čadəra sa ganuxun ṭə͑yä͑mi ganu tašaṭan barta leviġonq̇an šoṭo ṭaṭapi, čadəra girbsunal šoṭoġo tapšurba. Koṭoġoxun bašq̇a čadəra ə͑śalayinšakala amdar biyalane.
   Çadıra sa ganuxun t'ı̌yə̌mi ganu taşat'an barta leviğonq'an şot'o t'at'api, çadıra girbsunal şot'oğo tapşurba. Kot'oğoxun başq'a çadıra ı̌šalayinşakala amdar biyalane.

Verse: 52  Link to rat Barta israilluġon däsṭoġo ǯöybakiq̇aṭun ičoġoy čurḳala ganu düzbi, ičoġoy mani tayfinaxun baksuna aḳesṭala niśana laxsunal eyexun maq̇aṭun č̣evḳi. Här išq̇ar iz däsṭinäq̇an baki.
   Barta israilluğon dəst'oğo cöybakiq'at'un içoğoy çurk'ala ganu düzbi, içoğoy mani tayfinaxun baksuna ak'est'ala nišana laxsunal eyexun maq'at'un c'evk'i. Hər işq'ar iz dəst'inəq'an baki.

Verse: 53  Link to rat Leviġon isä ičoġoy čurḳala ganu iräziluġi čadəri härrämineq̇aṭun düzbi, šoṭo görä ki, čadəra šoṭoġon be͑ġalaṭun. Tene Izi äyitäxun č̣eysuna görä Q̣ONƷ́UĠOY äǯuġ israilluġoy loxol barale".
   Leviğon isə içoğoy çurk'ala ganu irəziluği çadıri hərrəmineq'at'un düzbi, şot'o görə ki, çadıra şot'oğon běğalat'un. Tene İzi əyitəxun c'eysuna görə Q'ONČUĞOY əcuğ israilluğoy loxol barale".

Verse: 54  Link to rat Israilluġonal moṭoġo bitova Q̣ONƷ́UĠON Moiseya pi ḳinäḳ biṭun.
   İsrailluğonal mot'oğo bitova Q'ONČUĞON Moiseya pi k'inək' bit'un.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.