TITUS
Biblia Udica, Versio Nizhensis: Vetus Testamentum
Part No. 71
Previous part

Chapter: 31 

Midyanluġoxun häyif haq̇sun
Midyanluğoxun həyif haq'sun


Verse: 1  Link to rat Q̣ONƷ́UĠON Moiseya metäre pi:
   Q'ONČUĞON Moiseya metəre pi:

Verse: 2  Link to rat "Midyanluġoy israilluġo bi pisluġi * häyifä šoṭoġoxun haq̇a. Oša ṗuri ṭe dünyäne, vi bavoġoy ṭo͑ġo͑l taġalnu".
   "Midyanluğoy israilluğo bi pisluği * həyifə şot'oğoxun haq'a. Oşa p'uri t'e dünyəne, vi bavoğoy t'ǒğǒl tağalnu".

Verse: 3  Link to rat Moiseyenal azuḳa pine: "Azuḳi boš bakala išq̇arxoxun davina č̣eyseynaḳ sa q̇ošun häzirbanan. Barta midyanluġoy loxol taci Q̣ONƷ́UĠOY äleyinä č̣eysuni häyifä šoṭoġoxun haq̇eq̇aṭun.
   Moiseyenal azuk'a pine: "Azuk'i boş bakala işq'arxoxun davina c'eyseynak' sa q'oşun həzirbanan. Barta midyanluğoy loxol taśi Q'ONČUĞOY əleyinə c'eysuni həyifə şot'oğoxun haq'eq'at'un.

Verse: 4  Link to rat Här tayfinaxun sa hazar tan yaq̇abanan".
   Hər tayfinaxun sa hazar tan yaq'abanan".

Verse: 5  Link to rat Metärluġen, israilluġon här tayfinaxun sa hazar išq̇ara - bito \ sagala ṗac̣c̣e hazarluġ sa q̇ošuna davina č̣eyseynaḳṭun häzirbi.
   Metərluğen, israilluğon hər tayfinaxun sa hazar işq'ara - bito \ sagala p'as's'e hazarluğ sa q'oşuna davina c'eyseynak't'un həzirbi.

Verse: 6  Link to rat Moiseyen šoṭoġoy loxol be͑yinś Eleazari ġar P̣inexasa kalo laxi davinane yaq̇abi, Eleazarenal ə͑vel ganu bakala šeymoġoxun q̇a šeyṗurxo exṭi yaq̇ane bafṭi. Me šeyṗurxo farpi davina č̣eġala q̇ošuni ḳä bsuna avabakesṭeynaḳey.
   Moiseyen şot'oğoy loxol běyinš Eleazari ğar P'inexasa kalo laxi davinane yaq'abi, Eleazarenal ı̌vel ganu bakala şeymoğoxun q'a şeyp'urxo ext'i yaq'ane baft'i. Me şeyp'urxo farpi davina c'eğala q'oşuni k'ə bsuna avabakest'eynak'ey.

Verse: 7  Link to rat Hametär, Q̣ONƷ́UĠON Moiseya ämirbi ḳinäḳ šorox midyanluġoy loxol taci šoṭoġoy bito išq̇arxo ḳac̣ṗi ciṭunpi.
   Hametər, Q'ONČUĞON Moiseya əmirbi k'inək' şorox midyanluğoy loxol taśi şot'oğoy bito işq'arxo k'as'p'i śit'unpi.

Verse: 8  Link to rat P̣uriṭoġoy boš Midyani qo padčaġ - Evi, Reḳem, Cur, Xur saal Reval buney. Beori ġar Bileamal israilluġoy q̇ələnǯaxun ṗuriṭoġoy bošey.
   P'urit'oğoy boş Midyani qo padçağ - Evi, Rek'em, Üur, Xur saal Reval buney. Beori ğar Bileamal israilluğoy q'ılıncaxun p'urit'oğoy boşey.

Verse: 9  Link to rat Israilluġon bito midyanlu čupuxxo, äyloġo, šoṭoġoy heyvanxoy sürüġo q̇a ičoġoy bakal nu bakala här šeya ičoġoy kiyelṭun badi.
   İsrailluğon bito midyanlu çupuxxo, əyloğo, şot'oğoy heyvanxoy sürüğo q'a içoğoy bakal nu bakala hər şeya içoğoy kiyelt'un badi.

Verse: 10  Link to rat Midyanluġo yäšäyinšala bito šähärmoġo q̇a ičoġoy čurḳala ganxo bäč̣üḳṭundi.
   Midyanluğo yəşəyinşala bito şəhərmoğo q'a içoğoy çurk'ala ganxo bəc'ük't'undi.

Verse: 11  Link to rat Israilluġon ičoġoy kiyel badi här šeya - amdarxo, heyvanxo, šoṭoġoy bito mal-dövlätä exṭundi.
   İsrailluğon içoğoy kiyel badi hər şeya - amdarxo, heyvanxo, şot'oğoy bito mal-dövlətə ext'undi.

Verse: 12  Link to rat Šoṭoġon davabi midyanluġo taṭunšeri, ičoġoy kiyel badi bito me amdarxo q̇a šeymoġoval Moiseyi, be͑yinś Eleazari saal dirisṭ azuḳi be͑śṭun ečeri. Azuḳ Moavi düzänluġa, Yordan oqe ṭo͑ġo͑l, Yerixon šähäri be͑ś düzbi čurḳala galaney.
   Şot'oğon davabi midyanluğo tat'unşeri, içoğoy kiyel badi bito me amdarxo q'a şeymoğoval Moiseyi, běyinš Eleazari saal dirist' azuk'i běšt'un eçeri. Azuk' Moavi düzənluğa, Yordan oqe t'ǒğǒl, Yerixon şəhəri běš düzbi çurk'ala galaney.



Azuḳi davinaxun oša pakbaksun
Azuk'i davinaxun oşa pakbaksun


Verse: 13  Link to rat Moisey, be͑yinś Eleazar saal azuḳi bito aġsaq̇q̇alxo ičoġoy čurḳala \ ganuxun q̇ošuni be͑śṭun č̣eri.
   Moisey, běyinš Eleazar saal azuk'i bito ağsaq'q'alxo içoğoy çurk'ala \ ganuxun q'oşuni běšt'un c'eri.

Verse: 14  Link to rat Moisey davinaxun qaybaki q̇ošuni kalaṭoġoy - hazartani q̇a sabaćtani kalaṭoġoy loxol gele äǯuġluney.
   Moisey davinaxun qaybaki q'oşuni kalat'oğoy - hazartani q'a sabaç̌tani kalat'oğoy loxol gele əcuğluney.

Verse: 15  Link to rat Šoṭin pine: "Heṭaynaḳnan čupuxxo bitova dirisṭ efi?
   Şot'in pine: "Het'aynak'nan çupuxxo bitova dirist' efi?

Verse: 16  Link to rat Korox teney ki, Bileami äyiten beši išq̇arxo Q̣ONƷ́UĠOXUN ä͑xilbi P̣eora bakala biniḳ-buxaʒ́uġo bul ḳoc̣besṭalo? Koṭoġo göräne azuḳal ḳac̣eci! *
   Korox teney ki, Bileami əyiten beşi işq'arxo Q'ONČUĞOXUN ə̌xilbi P'eora bakala binik'-buxačuğo bul k'os'best'alo? Kot'oğo görəne azuk'al k'as'eśi! *

Verse: 17  Link to rat Isä bütüm ġar äyloġo q̇a išq̇araxun ə͑śaluġbi čupuxxo besṗanan.
   İsə bütüm ğar əyloğo q'a işq'araxun ı̌šaluğbi çupuxxo besp'anan.

Verse: 18  Link to rat Ama išq̇araxun hälä ə͑śaluġ nu bi xuyärmoġo galmadanan.
   Ama işq'araxun hələ ı̌šaluğ nu bi xuyərmoğo galmadanan.

Verse: 19  Link to rat Ef boš isä amdar besṗi nääl iz kul meyidä lafṭi šu bunesa - čuresa azuḳaxun bakala davina taci išq̇arq̇an baki, čuresa Midyanaxun exṭi ečeri xuyär - vu͑ġ ġi azuḳi čurḳala ganuxun ṭo͑o͑x č̣eġalane. Šoṭoġon ičoġo xib ġinaxun saal vu͑ġ ġinaxun oša pakbalaṭun.
   Ef boş isə amdar besp'i nəəl iz kul meyidə laft'i şu bunesa - çuresa azuk'axun bakala davina taśi işq'arq'an baki, çuresa Midyanaxun ext'i eçeri xuyər - vǔğ ği azuk'i çurk'ala ganuxun t'ǒǒx c'eğalane. Şot'oğon içoğo xib ğinaxun saal vǔğ ğinaxun oşa pakbalat'un.

Verse: 20  Link to rat Bito paltarxo, kečin ṭolaxun q̇a xayaxun düzbaki nääl duruṭaxun bakala bito šeymoġoval pakbanan".
   Bito paltarxo, keçin t'olaxun q'a xayaxun düzbaki nəəl durut'axun bakala bito şeymoğoval pakbanan".

Verse: 21  Link to rat Be͑yinś Eleazaren davinaxun qaybaki äsḳärxo pine: "Mone,Q̣ONƷ́UĠON Moiseyeynaḳ me q̇aydoġone laxi:
   Běyinš Eleazaren davinaxun qaybaki əsk'ərxo pine: "Mone,Q'ONČUĞON Moiseyeynak' me q'aydoğone laxi:

Verse: 22  Link to rat bito q̇əzəla, gümüšä, tunǯa, dämirä, q̇alaya q̇a q̇urq̇ušuna
   bito q'ızıla, gümüşə, tunca, dəmirə, q'alaya q'a q'urq'uşuna

Verse: 23  Link to rat - aruġo nu boḳala ḳä bunesa - bitova aruġoxun q̇a pakbala xenaxun č̣ovakesṭanan. Moṭoxun oša šorox pak bakale. Aruġo boḳala šeyurxo isä sayǯä xenen pakbanan.
   - aruğo nu bok'ala k'ə bunesa - bitova aruğoxun q'a pakbala xenaxun c'ovakest'anan. Mot'oxun oşa şorox pak bakale. Aruğo bok'ala şeyurxo isə saycə xenen pakbanan.

Verse: 24  Link to rat Vu͑ġu͑mǯi ġine ef paltarxo oc̣ḳiṭuxun oša ef čurḳala gala qaybakes banankon".
   Vǔğǔmci ğine ef paltarxo os'k'it'uxun oşa ef çurk'ala gala qaybakes banankon".



Midyanaxun ečeri mala ǯöybsun
Midyanaxun eçeri mala cöybsun


Verse: 25  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 26  Link to rat "Be͑yinś Eleazaraxun q̇a israilluġoy tayfoġoxun č̣äḳeci kalaṭoġoxun sagala Midyanaxun ečeri bito amdarxo q̇a heyvanxo bo͑q̇ä͑lpa.
   "Běyinš Eleazaraxun q'a israilluğoy tayfoğoxun c'ək'eśi kalat'oğoxun sagala Midyanaxun eçeri bito amdarxo q'a heyvanxo bǒq'ə̌lpa.

Verse: 27  Link to rat Oša moṭoġo bitova ṗä͑ gala - davina taciṭoġoy q̇a nu taciṭoġoy arane - barabar ǯöyba.
   Oşa mot'oğo bitova p'ə̌ gala - davina taśit'oğoy q'a nu taśit'oğoy arane - barabar cöyba.

Verse: 28  Link to rat Davina taciṭoġo kofṭi payaxun här qobać amdaraxun soġo saal här qobać bul belinaxun, elemaxun q̇a eġelaxun sa bul Q̣ONƷ́UĠOY paye.
   Davina taśit'oğo koft'i payaxun hər qobaç̌ amdaraxun soğo saal hər qobaç̌ bul belinaxun, elemaxun q'a eğelaxun sa bul Q'ONČUĞOY paye.

Verse: 29  Link to rat Šoṭoġoxun Q̣ONƷ́UĠOYNAḲ exṭi me paya be͑yinś Eleazara tadanan.
   Şot'oğoxun Q'ONČUĞOYNAK' ext'i me paya běyinš Eleazara tadanan.

Verse: 30  Link to rat Davina nu taci israilluġo kofṭi payaxun isä här älli amdaraxun sunṭu saal här älli bul belinaxun, elemaxun q̇a eġelaxun sa bula exṭa. Moṭo Q̣ONƷ́UĠOY ə͑vel čadəra be͑ġala leviġo tada".
   Davina nu taśi israilluğo koft'i payaxun isə hər əlli amdaraxun sunt'u saal hər əlli bul belinaxun, elemaxun q'a eğelaxun sa bula ext'a. Mot'o Q'ONČUĞOY ı̌vel çadıra běğala leviğo tada".

Verse: 31  Link to rat Moiseyen q̇a be͑yinś Eleazarenal Q̣ONƷ́UĠON Moiseya pi ḳinäḳ biṭun.
   Moiseyen q'a běyinš Eleazarenal Q'ONČUĞON Moiseya pi k'inək' bit'un.

Verse: 32  Link to rat Metärluġen, äsḳärxon Midyanaxun 675000 eġel q̇a keči,
   Metərluğen, əsk'ərxon Midyanaxun 675000 eğel q'a keçi,

Verse: 33  Link to rat 72000 beli,
   72000 beli,

Verse: 34  Link to rat 61000 elem,
   61000 elem,

Verse: 35  Link to rat saal 32000 hälä išq̇araxun nu ə͑śaluġbi xuyärṭun ečeri.
   saal 32000 hələ işq'araxun nu ı̌šaluğbi xuyərt'un eçeri.

Verse: 36  Link to rat Moṭoġoxun davina taciṭoġo 337500 bul eġel q̇a keči
   Mot'oğoxun davina taśit'oğo 337500 bul eğel q'a keçi

Verse: 37  Link to rat (moṭoġoxun 675 bul Q̣ONƷ́UĠOY payey),
   (mot'oğoxun 675 bul Q'ONČUĞOY payey),

Verse: 38  Link to rat 36000 bul beli (me beliġoxun 72   bul Q̣ONƷ́UĠOY payey),
   36000 bul beli (me beliğoxun 72   bul Q'ONČUĞOY payey),

Verse: 39  Link to rat 30500 bul elem (me elemxoxun 61 bul Q̣ONƷ́UĠOY \ payey),
   30500 bul elem (me elemxoxun 61 bul Q'ONČUĞOY \ payey),

Verse: 40  Link to rat saal 16000 amdare kofṭi. Me amdarxoxun 32 tan Q̣ONƷ́UĠOY payey.
   saal 16000 amdare koft'i. Me amdarxoxun 32 tan Q'ONČUĞOY payey.

Verse: 41  Link to rat Moiseyenal šoṭoġoxun Q̣ONƷ́UĠOYNAḲ exṭi me paya, iču pi ḳinäḳ be͑yinś Eleazarane tadi.
   Moiseyenal şot'oğoxun Q'ONČUĞOYNAK' ext'i me paya, içu pi k'inək' běyinš Eleazarane tadi.

Verse: 42  Link to rat Moiseyen davina nu taciṭoġoynaḳ ǯöybi pay,
   Moiseyen davina nu taśit'oğoynak' cöybi pay,

Verse: 43  Link to rat mandi israilluġo kofṭi pay isä money: 337500 bul eġel q̇a keči,
   mandi israilluğo koft'i pay isə money: 337500 bul eğel q'a keçi,

Verse: 44  Link to rat 36000 bul beli,
   36000 bul beli,

Verse: 45  Link to rat 30500 bul elem,
   30500 bul elem,

Verse: 46  Link to rat saal 16000 amdar.
   saal 16000 amdar.

Verse: 47  Link to rat Moiseyen Q̣ONƷ́UĠON iču pi ḳinäḳ me mandi israilluġo kofṭi payaxun här älli bul heyvanaxun sa bula saal här älli amdaraxun sa amdara ǯöybi Q̣ONƷ́UĠOY ə͑vel čadəra be͑ġala leviġone tadi.
   Moiseyen Q'ONČUĞON içu pi k'inək' me mandi israilluğo koft'i payaxun hər əlli bul heyvanaxun sa bula saal hər əlli amdaraxun sa amdara cöybi Q'ONČUĞOY ı̌vel çadıra běğala leviğone tadi.

Verse: 48  Link to rat Q̣ošuni kalaṭoġon - hazartani q̇a baćtani kalaṭoġon Moiseyi ṭo͑ġo͑l hari piṭun:
   Q'oşuni kalat'oğon - hazartani q'a baç̌tani kalat'oğon Moiseyi t'ǒğǒl hari pit'un:

Verse: 49  Link to rat "Yan, me vi ḳulurxon, beši kiin oq̇a bakala äsḳärxo bo͑q̇ä͑lyanpi. Šoṭoġoxun aćiyo butene.
   "Yan, me vi k'ulurxon, beşi kiin oq'a bakala əsk'ərxo bǒq'ə̌lyanpi. Şot'oğoxun aç̌iyo butene.

Verse: 50  Link to rat Isääl mone, beši elmoġoy toya ödäyinšseynaḳ Q̣ONƷ́UĠOYNAḲ Midyanaxun ečeri q̇əzəlxoyan ešṭa - ä͑mel q̇a kiyel lavḳala q̇oxlangxo, boġoćalxo, sərəġanxo saal ceṗurxo".
   İsəəl mone, beşi elmoğoy toya ödəyinşseynak' Q'ONČUĞOYNAK' Midyanaxun eçeri q'ızılxoyan eşt'a - ə̌mel q'a kiyel lavk'ala q'oxlangxo, boğoç̌alxo, sırığanxo saal śep'urxo".

Verse: 51  Link to rat Moiseyen q̇a be͑yinś Eleazarenal bito me q̇əzəli šeymoġo šoṭoġoxun exṭundi.
   Moiseyen q'a běyinš Eleazarenal bito me q'ızıli şeymoğo şot'oğoxun ext'undi.

Verse: 52  Link to rat Hazartani q̇a baćtani kalaṭoġon Q̣ONƷ́UĠOYNAḲ ečeri bito me q̇əzəli bə͑hiluġ 16750 šeḳeley. *
   Hazartani q'a baç̌tani kalat'oğon Q'ONČUĞOYNAK' eçeri bito me q'ızıli bı̌hiluğ 16750 şek'eley. *

Verse: 53  Link to rat Adi äsḳärxoy ečeri q̇əzəl isä ičoġone mandi.
   Adi əsk'ərxoy eçeri q'ızıl isə içoğone mandi.

Verse: 54  Link to rat Hametär, Moiseyen q̇a be͑yinś Eleazaren hazartani q̇a \ baćtani kalaṭoġoxun q̇əzəla exṭi ə͑vel čadəraṭun laxi. Israilluġon me q̇əzəli loxol be͑ġi Q̣ONƷ́UĠOY ičoġoy täräf baki ičoġoy elmoġo hetär čarḳesṭuna eyex efalaṭuniy.
   Hametər, Moiseyen q'a běyinš Eleazaren hazartani q'a \ baç̌tani kalat'oğoxun q'ızıla ext'i ı̌vel çadırat'un laxi. İsrailluğon me q'ızıli loxol běği Q'ONČUĞOY içoğoy tərəf baki içoğoy elmoğo hetər çark'est'una eyex efalat'uniy.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.