TITUS
Biblia Udica, Versio Nizhensis: Vetus Testamentum
Part No. 83
Previous part

Chapter: 3 

3-ǯi ω͑vel mä͑ġ
3-ci Ǐvel mə̌ğ



Davidi iz ġar Avšalomi kiyexun ṭiṭaṭan campi ω͑vel mä͑ġ. *
Davidi iz ğar Avşalomi kiyexun t'it'at'an śampi Ǐvel mə̌ğ. *


Verse: 1    Ay Q̣ONƷ́UX, heq̇ädär gele düšmänzax bu!
   Ay Q'ONČUX, heq'ədər gele düşmənzax bu!
    Bez äleyinä gele amdare e͑qece!
    Bez əleyinə gele amdare ěqeśe!

Verse: 2    Bez barada geleṭine nex:
   Bez barada gelet'ine nex:
    "Buxaʒ́uġon koṭo tene čarḳesṭal".
    "Buxačuğon kot'o tene çark'est'al".

Verse: 3    Ama Hun, ay Q̣ONƷ́UX, za q̇orišalonu,
   Ama Hun, ay Q'ONČUX, za q'orişalonu,
    Zaynaḳ hörmät ečalonu, Bez bula ala efalo Hunnu!
    Zaynak' hörmət eçalonu, Bez bula ala efalo Hunnu!

Verse: 4    Zu Q̣ONƷ́UĠO osṭaar ḳalezney,
   Zu Q'ONČUĞO ost'aar k'alezney,
    Šoṭinal Iz ə͑vel buruġoxun * za ǯoġabe tasṭay.
    Şot'inal İz ı̌vel buruğoxun * za coğabe tast'ay.

Verse: 5    Zu basezksay, neṗaxezsay,
   Zu basezksay, nep'axezsay,
    P̣urum muġurezbaksay, šoṭaynaḳ ki, Q̣ONƷ́UĠON za kömäyebsay.
    P'urum muğurezbaksay, şot'aynak' ki, Q'ONČUĞON za köməyebsay.

Verse: 6    Bez härräminä biq̇esṭi amdarxoy
   Bez hərrəminə biq'est'i amdarxoy
    Geleluġaxun tez q̇ə͑bsa.
    Geleluğaxun tez q'ı̌bsa.

Verse: 7    Hetär ki Hun bez düšmänxoy čäninäxun dunġsay,
   Hetər ki Hun bez düşmənxoy çəninəxun dunğsay,
    Pisṭoġoy uluxxo cinney,
    Pist'oğoy uluxxo śinney,
    Häysääl bez bać̣ane čurpa, ay Q̣ONƷ́UX
    Həysəəl bez bač'ane çurpa, ay Q'ONČUX
    Čarḳesṭa za, bez Buxaʒ́ux!
    Çark'est'a za, bez Buxačux!

Verse: 8    Čarḳesun Q̣ONƷ́UĠOXUNE.
   Çark'esun Q'ONČUĞOXUNE.
    Barta Vi xeyir-bäräkät Vi azuḳi loxolq̇an baki!
    Barta Vi xeyir-bərəkət Vi azuk'i loxolq'an baki!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.