TITUS
Biblia Udica, Versio Nizhensis: Vetus Testamentum
Part No. 85
Previous part

Chapter: 5 

5-ǯi ω͑vel mä͑ġ
5-ci Ǐvel mə̌ğ



Mä͑ġḳalxoy däsṭin kalaṭaynaḳ. Ṭüṭṭäyen farpi mä͑ġe͑ġala Davidi ω͑vel mä͑ġ.
Mə̌ğk'alxoy dəst'in kalat'aynak'. T'üt't'əyen farpi mə̌ğěğala Davidi Ǐvel mə̌ğ.


Verse: 1    Ay Q̣ONƷ́UX, bezi afərəna ibaka!
   Ay Q'ONČUX, bezi afırına ibaka!
    Bezi xoyinśa ǯoġabsuz ma efa!
    Bezi xoyinša coğabsuz ma efa!

Verse: 2    Ay bezi Padčaġ, bezi Buxaʒ́ux, bezi haraya ṗaṗa,
   Ay bezi Padçağ, bezi Buxačux, bezi haraya p'ap'a,
    Zu Vaz afərəpi xoyinśpsa!
    Zu Vaz afırıpi xoyinšpsa!

Verse: 3    Ay Q̣ONƷ́UX, išiġ bitaṭan Vi be͑ś afərənenez eysa,
   Ay Q'ONČUX, işiğ bitat'an Vi běš afırınenez eysa,
    Bezi afərəna ibakamin Vi be͑ś čökṭiz baksa!
    Bezi afırına ibakamin Vi běš çökt'iz baksa!

Verse: 4    Hun pisluġa nu portbala Buxaʒ́uxnu,
   Hun pisluğa nu portbala Buxačuxnu,
    Vi ṭo͑ġo͑l pisṭaynaḳ ga butene!
    Vi t'ǒğǒl pist'aynak' ga butene!

Verse: 5    Iču ala biq̇alo Vi be͑ś čurpes batenekon,
   İçu ala biq'alo Vi běš çurpes batenekon,
    Düz yaq̇axun č̣eriṭoġo nifrätenbsa Hun.
    Düz yaq'axun c'erit'oğo nifrətenbsa Hun.

Verse: 6    Šär bosalxo äfčinbsa, ay Q̣ONƷ́UX
   Şər bosalxo əfçinbsa, ay Q'ONČUX
    Amdar besṗalxoxun q̇a bič̣luġ äšṗesṭalṭoġoxun iriṭenne Hun.
    Amdar besp'alxoxun q'a bic'luğ əşp'est'alt'oğoxun irit'enne Hun.

Verse: 7    Ama zu, Vi nu badalbakala čuresuna görä Vi ḳoya bayes bakoz,
   Ama zu, Vi nu badalbakala çuresuna görə Vi k'oya bayes bakoz,
    Vi c̣iye q̇a kalaluġi be͑ś bakala hörmätä aḳesṭi Va bul ḳoc̣boz ṭe gala.
    Vi s'iye q'a kalaluği běš bakala hörmətə ak'est'i Va bul k'os'boz t'e gala.

Verse: 8    Ay Q̣ONƷ́UX, za Vi laxi düzgünluġi yaq̇en taša,
   Ay Q'ONČUX, za Vi laxi düzgünluği yaq'en taşa,
    Bezi taġala yaq̇a hamavar ba, axəri bez düšmänxo gelene.
    Bezi tağala yaq'a hamavar ba, axıri bez düşmənxo gelene.

Verse: 9    Šoṭoġoy źomoxun č̣eġala äyiti sayǯo düz tene,
   Şot'oğoy ǰomoxun c'eğala əyiti sayco düz tene,
    Ičoġoy üḳe bakala fikir bespsune.
    İçoğoy ük'e bakala fikir bespsune.
    Šoṭoġoy xirṭṭäyäxun č̣eġala näfäsenal amdara gärämzoġone tašon,
    Şot'oğoy xirt't'əyəxun c'eğala nəfəsenal amdara gərəmzoğone taşon,
    Muzna bel eġala äyitmoġoy bito äfčine!
    Muzna bel eğala əyitmoğoy bito əfçine!

Verse: 10    Šoṭoġoy taxsərkär baksuna ćoyel č̣evḳa, ay Buxaʒ́ux!
   Şot'oğoy taxsırkər baksuna ç̌oyel c'evk'a, ay Buxačux!
    Barta ičoġoy pis niyätxo görä äfčibakeq̇aṭun!
    Barta içoğoy pis niyətxo görə əfçibakeq'at'un!
    Me günaxkärxo Vi piin be͑śṭan ä͑xilba!
    Me günaxkərxo Vi piin běšt'an ə̌xilba!
    Axəri šorox Vi äleyinäṭun e͑qeci!
    Axıri şorox Vi əleyinət'un ěqeśi!

Verse: 11    Va bać̣an taradalorox isä barta mu͑qbakeqaṭun,
   Va bač'an taradalorox isə barta mǔqbakeqat'un,
    Vi ičoġoynaḳ bać̣an baksuna görä barta ičoġoy üḳ mu͑qluġen buybakeq̇an!
    Vi içoğoynak' bač'an baksuna görə barta içoğoy ük' mǔqluğen buybakeq'an!
    Va čureġalṭoġoy ćoyan axśumsṭa Hun!
    Va çureğalt'oğoy ç̌oyan axšumst'a Hun!

Verse: 12    Axəri Hun düzgün amdaraxun Vi xeyir-bäräkätä kamtenbsa, ay Q̣ONƷ́UX!
   Axıri Hun düzgün amdaraxun Vi xeyir-bərəkətə kamtenbsa, ay Q'ONČUX!
    Šoṭoxun iräzi mandi Vi kula ičuxun zaptenne!
    Şot'oxun irəzi mandi Vi kula içuxun zaptenne!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.