TITUS
Biblia Udica, Versio Nizhensis: Vetus Testamentum
Part No. 103
Previous part

Chapter: 23 

23-ǯi ω͑vel mä͑ġ
23-ci Ǐvel mə̌ğ



Davidi ω͑vel mä͑ġ
Davidi Ǐvel mə̌ğ


Verse: 1    Q̣ONƷ́UĠON za Iz sürünä exṭi zaynaḳ sa čobane baki,
   Q'ONČUĞON za İz sürünə ext'i zaynak' sa çobane baki,
    Bezi heṭuva ehṭiyäǯ bakes bakon ene?
    Bezi het'uva eht'iyəc bakes bakon ene?

Verse: 2    Šoṭin za göyün q̇oruġxone otarišbsa,
   Şot'in za göyün q'oruğxone otarişbsa,
    Šiṗ taġala xeyurxoy ṭo͑ġo͑le tašṭa.
    Şip' tağala xeyurxoy t'ǒğǒle taşt'a.

Verse: 3    Šoṭin za üḳe tasṭa,
   Şot'in za ük'e tast'a,
    Düzgün bakala yaq̇en tašeri Izi šu baksunane aḳesṭa.
    Düzgün bakala yaq'en taşeri İzi şu baksunane ak'est'a.

Verse: 4    Lap zülmät bayinq̇luġenal taġayiz,
   Lap zülmət bayinq'luğenal tağayiz,
    Šäräxun tez q̇ə͑bon zu,
    Şərəxun tez q'ı̌bon zu,
    Šoṭo görä ki, zaxunnu Hun.
    Şot'o görə ki, zaxunnu Hun.
    Vi sa kul bez loxol baksunen arxayinebsa za.
    Vi sa kul bez loxol baksunen arxayinebsa za.

Verse: 5    Bez düšmänxoy be͑ś zaynaḳ häzirluġen be͑ġi Hun,
   Bez düşmənxoy běš zaynak' həzirluğen běği Hun,
    Bez bel č̣äyin lä͑ä͑mdi isṭolin besṭan arcevḳi,
    Bez bel c'əyin lə̌ə̌mdi ist'olin best'an arśevk'i,
    Bez pula hiḳḳali loxol ten efi Hun.
    Bez pula hik'k'ali loxol ten efi Hun.

Verse: 6    Vi čuresun q̇a Vi üḳ boḳospsun
   Vi çuresun q'a Vi ük' bok'ospsun
    Här ġi zaxun baksuna avazu!
    Hər ği zaxun baksuna avazu!
    Heq̇ädär ki bez näfäs bez boše
    Heq'ədər ki bez nəfəs bez boşe
    Hämišä QONƷ́UĠOY xrama hari bul ḳoc̣boz zu!
    Həmişə QONČUĞOY xrama hari bul k'os'boz zu!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.