TITUS
Biblia Udica, Versio Nizhensis: Vetus Testamentum
Part No. 118
Previous part

Chapter: 38 

38-ǯi ω͑vel mä͑ġ
38-ci Ǐvel mə̌ğ



Davidi Q̣onʒ́uġon iču eyex basṭeynaḳ bakala ω͑vel mä͑ġ.
Davidi Q'ončuğon içu eyex bast'eynak' bakala Ǐvel mə̌ğ.


Verse: 1    Ay Q̣ONƷ́UX, äǯuġläyinšäki za ma töhmätba!
   Ay Q'ONČUX, əcuğləyinşəki za ma töhmətba!
    Vi hirsä za ǯaza tasṭunen ma č̣evḳa!
    Vi hirsə za caza tast'unen ma c'evk'a!

Verse: 2    Vi oxurxo ene za tä͑q̇ecene,
   Vi oxurxo ene za tə̌q'eśene,
    Vi kiin tadala ǯazinen za biq̇ene.
    Vi kiin tadala cazinen za biq'ene.

Verse: 3    Vi äǯuġaxun bez bädänä dirisṭ ga tene mande,
   Vi əcuğaxun bez bədənə dirist' ga tene mande,
    Bez günaxxo görä bez u͑q̇e͑nxoval azarine.
    Bez günaxxo görə bez ǔq'ěnxoval azarine.

Verse: 4    Bez taxsərxon za haq̇layinšene,
   Bez taxsırxon za haq'layinşene,
    Me yükä xorḳala zor tezax bu.
    Me yükə xork'ala zor tezax bu.

Verse: 5    Bezi axmaġluġaxun
   Bezi axmağluğaxun
    Bezi yaroxal baśaybakene.
    Bezi yaroxal bašaybakene.

Verse: 6    Bez bać̣an ḳoc̣bakene, oćalane ṗaṗsa,
   Bez bač'an k'os'bakene, oç̌alane p'ap'sa,
    Dirisṭ ġi därde bošez tarane.
    Dirist' ği dərde boşez tarane.

Verse: 7    Bez bädän q̇əzdərmin boš boneksa,
   Bez bədən q'ızdırmin boş boneksa,
    Bez loxol dirisṭ ga tene mande.
    Bez loxol dirist' ga tene mande.

Verse: 8    Halnuxun bitezu, mafarsuzzu.
   Halnuxun bitezu, mafarsuzzu.
    Üḳe q̇ać̣axun əhəldayinšezbsa.
    Ük'e q'ač'axun ıhıldayinşezbsa.

Verse: 9    Ay Q̣ONƷ́UX! Hun avanu zu ḳäz čuresa,
   Ay Q'ONČUX! Hun avanu zu k'əz çuresa,
    Bezi koruġxo Vaxun č̣aṗ tene.
    Bezi koruğxo Vaxun c'ap' tene.

Verse: 10    Bez üḳene kaṗe, ene zor tezax bu,
   Bez ük'ene kap'e, ene zor tezax bu,
    Bez pulmuxal bayinq̇bakene.
    Bez pulmuxal bayinq'bakene.

Verse: 11    Bez azara görä bez dosṭurxon, čalxalxon za boṭunsi,
   Bez azara görə bez dost'urxon, çalxalxon za bot'unsi,
    Bez q̇oomxo zaxun ä͑xilṭun baki.
    Bez q'oomxo zaxun ə̌xilt'un baki.

Verse: 12    Za bespsun čureġalxon zaynaḳ täläṭun laxsa,
   Za bespsun çureğalxon zaynak' tələt'un laxsa,
    Pisluġ bsun čureġalxon za q̇arġišṭunbsa,
    Pisluğ bsun çureğalxon za q'arğişt'unbsa,
    Biyäbakamin bez loxol böhṭanṭun bosṭa.
    Biyəbakamin bez loxol böht'ant'un bost'a.

Verse: 13    Ama za kare gala laxi itezbaksa,
   Ama za kare gala laxi itezbaksa,
    Lale gala laxi bez źomo tez ä͑mbsa.
    Lale gala laxi bez ǰomo tez ə̌mbsa.

Verse: 14    Zu hiḳḳala nu ibaksun,
   Zu hik'k'ala nu ibaksun,
    Šuḳḳali ǯoġabal tasṭun nu čureġala sa amdar ḳinäḳzu.
    Şuk'k'ali coğabal tast'un nu çureğala sa amdar k'inək'zu.

Verse: 15    Ay Q̣ONƷ́UX, bez umud Vane mande, Vi yaq̇az be͑ġsa,
   Ay Q'ONČUX, bez umud Vane mande, Vi yaq'az běğsa,
    Ay Ala Arci bez Buxaʒ́ux, šoṭoġoy ǯoġaba Hun tadalnu!
    Ay Ala Arśi bez Buxačux, şot'oğoy coğaba Hun tadalnu!

Verse: 16    Xoyinśezbsa, ma barta bez hala aḳi mu͑qbakaṭun,
   Xoyinšezbsa, ma barta bez hala ak'i mǔqbakat'un,
    Bez lamansṭuna görä ičoġo ala efaṭun.
    Bez lamanst'una görə içoğo ala efat'un.

Verse: 17    Zu ene bisṭaxzu,
   Zu ene bist'axzu,
    Bez q̇ać̣urxo hämišä zaxune.
    Bez q'ač'urxo həmişə zaxune.

Verse: 18    Bez günaxxo bez ozane exesṭa,
   Bez günaxxo bez ozane exest'a,
    Bez taxsərxo göräz äzyät zaṗe zu.
    Bez taxsırxo görəz əzyət zap'e zu.

Verse: 19    Bez düšmänxo isä zorbaṭun, hälä dirisṭṭun,
   Bez düşmənxo isə zorbat'un, hələ dirist't'un,
    Nahaq̇ gala za nifrätbalxo gelebakeṭun.
    Nahaq' gala za nifrətbalxo gelebaket'un.

Verse: 20    Zu šaaṭluġezbsa - ičan pisluġṭunbsa,
   Zu şaat'luğezbsa - içan pisluğt'unbsa,
    Bezi šaaṭluġ bsuna pisluġ bsunenṭun ǯoġab tasṭa.
    Bezi şaat'luğ bsuna pisluğ bsunent'un coğab tast'a.

Verse: 21    Ay Q̣ONƷ́UX, za täk ma barta,
   Ay Q'ONČUX, za tək ma barta,
    Ay bez Buxaʒ́ux, Zaxun ä͑xil ma baka!
    Ay bez Buxačux, Zaxun ə̌xil ma baka!

Verse: 22    Ay Q̣onʒ́ux, usum bez kömäyä eki,
   Ay Q'ončux, usum bez köməyə eki,
    Bezi Čarḳesṭal Hunnu!
    Bezi Çark'est'al Hunnu!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.